ກອງປະຊຸມປະເມີນການ ກາງສະໄໝ ການຈັດຕັ້ງປະຕິບັດໂຄງການ ສ້າງຄວາມອາດສາມາດລະບົບສະຖິຕິແຫ່ງຊາດ ໄລຍະ II (LAOSTAT II)

ກອງປະຊຸມປະເມີນການ ກາງສະໄໝ ໃນການຈັດຕັ້ງປະຕິບັດໂຄງການ LAOSTAT II ຄັ້ງນີ້ ເພື່ອທົບທວນຄວາມຄືບໜ້າການຈັດຕັ້ງປະຕິບັດໂຄງການ ກາງສະໄໝ ເຖິງຜົນໄດ້ຕາມບັນດາຕົວຊີ້ບອກ ແລະ ຈຸດປະສົງຂອງໂຄງການ; ປຶກສາຫາລືຂໍ້ຄົງຄ້າງ ສິ່ງທ້າທາຍ ໃນການຈັດຕັ້ງປະຕິບັດວຽກງານຈັດຊື້-ຈັດຈ້າງ, ວຽກງານການເງິນ ແລະ ການບໍລິຫານຄວາມສ່ຽງ ເພື່ອໃຫ້ສາມາດກຳນົດຈຸດສຸມ ທີ່ການຈັດຕັ້ງປະຕິບັດໃນໄລຍະໂຄງການ ທີ່ຍັງເຫຼືອ ໃຫ້ສາມາດບັນລຸໄດ້ຕາມເປົ້າໝາຍຂອງໂຄງການ; ທົບທວນຄືນບັນດາຄາດໝາຍຂອງໂຄງການ ເຮັດໃຫ້ຮັບປະກັນຕອບສະໜອງໄດ້ຕາມຄວາມຮຽກຮ້ອງຕ້ອງການຂອງລັດຖະບານ ກໍ່ຄືວຽກການພັດທະນາລະບົບສະຖິຕິແຫ່ງຊາດ ເປັນຕົ້ນແມ່ນສະຖິຕິເສດຖະກິດມະຫາພາກ; ບັນຫາອື່ນໆ ທີ່ປິ່ນອ້ອມ ເພື່ອກຳນົດແຜນງານ ແລະ ວິທີການແກ້ໄຂວຽກງານໃນຕໍ່ໜ້າ.ທັງເປັນການຂຸ້ນຂ້ຽວປະຕິບັດໜ້າວຽກ ກິດຈະກຳຂອງໂຄງການທີ່ກຳລັງດຳເນີນຢູ່ໃນໄລຍະທ້າຍປີ ໃຫ້ສຳເລັດ ລວມທັງກະກຽມວຽກງານຂອງໂຄງການໄລຍະທ້າຍສະໄໝທີ່ຍັງເຫລືອ ໃຫ້ສຳເລັດ.