ພິທີປະກາດການຈັດຕັ້ງພະນັກງານ ນຳພາ-ຄຸ້ມຄອງ ຂັ້ນຫົວໜ້າກົມ, ຜູ້ອໍານວຍການໃຫຍ່ ບໍລິສັດ ປະກັນໄພ ແຫ່ງປະເທດລາວ ແລະ ພະນັກງານພັກການ-ຮັບອຸນໜູນບໍານານໄດ້ຈັດຂື້ນ ໃນວັນທີ 18 ພຶດສະພາ 2026, ໂດຍການເປັນປະທານຂອງ ທ່ານ ສັນຕິພາບ ພົມວິຫານ ກໍາມະການສູນກາງພັກ, ເລຂາຄະນະບໍລິຫານງານພັກ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ມີ ຄະນະປະຈຳພັກກະຊວງ, ຄະນະກົມ, ຫົວໜ້າສູນ ສະຖິຕິແຫ່ງຊາດ, ຫົວໜ້າສະຖາບັນເສດຖະກິດ-ການເງິນ, ຄະນະພະແນກ ພ້ອມດ້ວຍ ວິສະຫະກິດ ທີ້ຂື້ນກັບ ກະຊວງການເງິນ, ຕາງໜ້າຈາກຄະນະຈັດຕັ້ງສູນກາງພັກ ແລະ ຄະນະປະຕິຮູບລັດວິສາຫະກິດ ຂັ້ນສູນກາງ ເຂົ້າຮ່ວມ.
ໃນກອງປະຊຸມໄດ້ຜ່ານດໍາລັດຂອງນາຍົກລັດຖະມົນຕີ 06 ສະບັບວ່າດ້ວຍການໃຫ້ພະນັກງານອອກພັກການ-ຮັບອຸດໜູນບໍານານ ແລະ ດໍາລັດ ວ່າດ້ວຍການແຕ່ງຕັ້ງ ພະນັກງານນຳພາ-ຄຸ້ມຄອງ ຂັ້ນຫົວໜ້າກົມ; ຂໍ້ຕົກລົງວ່າດ້ວຍການແຕ່ງຕັ້ງຜູ້ອໍານວຍການໃຫຍ່ ບໍລິສັດ ປະກັນໄພແຫ່ງປະເທດລາວ ແລະ ຂໍ້ຕົກລົງ ວ່າດ້ວຍການອະນຸມັດໃຫ້ ພະນັກງານ-ລັດຖະກອນພັກການຮັບອຸນໜູນບໍານານ.
- ອິງຕາມ ດຳລັດ ວ່າດ້ວຍການໃຫ້ພະນັກງານອອກພັກການ-ຮັບອຸດໜູນບໍານານ ແລະ ຂໍ້ຕົກລົງ ວ່າດ້ວຍການອະນຸມັດໃຫ້ ພະນັກງານ-ລັດຖະກອນພັກການ ຮັບອຸນໜູນບໍານານ ເຊິ່ງມີລາຍຊື່ດັ່ງນີ້:
- ທ່ານ ບຸນປະເສີດ ສີກຸນລະບຸດ ອອກພັກການ-ຮັບອຸດໜູນບໍານານ
- ທ່ານ ໄພທູນ ກຸນສຸວັນ ພັກການ-ຮັບອຸດໜູນບໍານານ
- ທ່ານ ບຸນທະວີ ຜັນພາວັນ ພັກການ-ຮັບອຸດໜູນບໍານານ
- ອິງຕາມ ດຳລັດ ວ່າດ້ວຍການແຕ່ງຕັ້ງ ຂັ້ນຫົວໜ້າກົມ ແລະ ຂໍ້ຕົກລົງ ວ່າດ້ວຍການ ແຕ່ງຕັ້ງຜູ້ອໍານວຍການໃຫຍ່ ບໍລິສັດ ປະກັນໄພ ແຫ່ງປະເທດລາວ
- ທ່ານ ຂັນຄຳ ໄຊຍະວົງ ເປັນ ຫົວໜ້າກົມກວດກາລັດ
- ທ່ານ ອຸດອນ ທຳມະວົງ ເປັນ ຫົວໜ້າກົມຄຸ້ມຄອງການບັນຊີ
- ທ່ານ ສີຈັນທາ ທຳມະວົງ ເປັນ ຫົວໜ້າກົມແຜນການ
- ທ່ານ ລຽນທອງ ສຸພານີ ເປັນ ຫົວໜ້າກົມສະຖິຕິ ເສດຖະກິດ ແລະ ສັງຄົມ
- ທ່ານ ຄຳພັນ ພັນທຸລັກ ເປັນ ຫົວໜ້າກົມສ່ວຍສາອາກອນ
- ທ່ານ ນາງ ປອ ແສງອາລຸນ ອິນມີໄຊ ເປັນຜູ້ອໍານວຍການໃຫຍ່ ບໍລິສັດ ປະກັນໄພ ແຫ່ງປະເທດລາວ
ໂອກາດນີ້ ທ່ານ ສັນຕິພາບ ພົມວິຫານ ມີຄຳເຫັນໂອ້ລົມ ໂດຍທ່ານ ໄດ້ສະແດງຄວາມຊົມເຊີຍຕໍ່ການນຳພາ-ຊີ້ນຳ ຜ່ານມາເຊິ່ງຍາດໄດ້ຜົນສຳເລັດຫຼາຍດ້ານ ພ້ອມນັ້ນ ຍັງໃຫ້ທິດຊີ້ນຳ ໃນການຈັດຕັ້ງປະຕິບັດ ໃຫ້ກັບຜູ້ທີ່ໄດ້ຮັບການແຕ່ງຕັ້ງໃໝ່ນຳໄປເປັນບ່ອນອິງໃນການ ນຳພາ-ຄຸ້ມຄອງ ແລະ ນຳໄປຈັດຕັ້ງປະຕິບັດ ໃນຄວາມຮັບຜິຊອບຂອງຕົນໃຫ້ມີຜົນສຳເລັດໃຫຍ່ກວ່າເກົ່າ.
