ໃນວັນທີ 09 ກຸມພາ 2026 ຜ່ານມາ ທ່ານ ນາງ ພອນວັນ ອຸທະວົງ ຮອງລັດຖະມົນຕີ ກະຊວງການເງິນ ໄດ້ນໍາພາຄະນະ ເຂົ້າອວຍພອນປີໃໝ່ ສສ ຫວຽດນາມ ຢູ່ສະຖານເອກອັກຄະລັດຖະທູດ ສສ ຫວຽດນາມ ປະຈໍາ ສປປ ລາວ, ໂດຍການຕ້ອນຮັບຂອງທ່ານ ຫງວຽນ ມິງ ເຕີມ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ
ໂອກາດດັ່ງກ່າວ ທ່ານຮອງລັດຖະມົນຕີ ກະຊວງການເງິນ ໄດ້ກ່າວອວຍພອນ ແລະ ຕີລາຄາສູງຕໍ່ ການພົວພັນຮ່ວມມືລະຫວ່າງລາວ-ຫວຽດນາມ ທີ່ນັບມື້ນັບແໜ້ນແຟ້ນ ແລະ ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ພ້ອມທັງເຊື່ອໝັ້ນວ່າ ມິດຕະພາບອັນຍິ່ງໃຫຍ່ ສາຍພົວພັນພິເສດ ແລະ ການຮ່ວມມືຮອບດ້ານ ລະຫວ່າງສອງພັກ ສອງລັດ ກໍຄືປະຊາຊົນສອງຊາດ ລາວ-ຫວຽດນາມ ຈະນັບມື້ນັບ ຈະເລີນງອກງາມຂຶ້ນໄປເລື້ອຍໆ
