.png)
ໃນວັນທີ 24 ພະຈິກ 2025 ທີ່ກົມສ່ວຍສາອາກອນ ກະຊວງການເງິນ, ໄດ້ຈັດກອງປະຊຸມເປີດຊອງປະມູນ ເຊົ່າຊື້ຊັບສົມບັດ ແລະ ສຳປະທານ ທີ່ດິນຂອງລັດ ໂດຍການເປັນປະທານຂອງ ທ່ານ ຍົມມາລາ ວໍລະຈິດ ຮອງຫົວໜ້າກົມຄຸ້ມຄອງຊັບສິນແຫ່ງລັດ ກະຊວງການເງິນ ມີ ຕາງໜ້າຈາກ ບັນດາບໍລິສັດ, ບຸກຄົນ, ນິຕິບຸກຄົນ ແລະ ອົງການຈັດຕັ້ງ ພ້ອມດ້ວຍ ຄະນະຮັບຜິດຊອບ ເຂົ້າຮ່ວມ.
 |  |
 |  |
ອິງຕາມ ກົດໝາຍວ່າດ້ວຍຊັບສິນຂອງລັດ (ສະບັບປັບປຸງ) ສະບັບເລກທີ 18/ສພຊ, ລົງວັນທີ 7 ກໍລະກົດ 2022; ອິງຕາມ ຂໍ້ຕົກລົງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມຄຸ້ມຄອງຊັບສິນແຫ່ງລັດ ສະບັບເລກທີ6199/ກງ, ລົງວັນທີ 16 ທັນວາ 2021; ອີງຕາມ ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບປະມູນເຊົ່າຊື້ ຊັບສົມບັດ ແລະ ສຳປະທານ ທີ່ດີນຂອງລັດ (ໂຮງແຮມແມ່ຂອງ) ສະບັບເລກທີ 2042/ກງ, ລົງວັນທີ 03 ກໍລະກົດ 2025 ເພື່ອແນະນໍາໃຫ້ຜູ້ເຂົ້າຮ່ວມປະມູນ ປະຕິບັດຕາມລະບຽບການ, ເງື່ອນໄຂ ແລະ ຂັ້ນຕອນຂອງການປະມູນ, ຮັບປະກັນຄວາມຍຸດຕິທຳ ໃນການປະມູນ ໃຫ້ມີຄວາມໂປ່ງໃສ, ເປີດກວ້າງ ແລະ ຮັບປະກັນໃຫ້ລັດ ຮັບຜົນປະໂຫຍດສູງສຸດ ຖືກຕ້ອງຕາມລະບຽບກົດໝາຍ.
ໂອກາດນີ້ ທ່ານ ຍົມມາລາ ວໍລະຈິດ ຮອງຫົວໜ້າກົມຄຸ້ມຄອງຊັບສິນແຫ່ງລັດ ກະຊວງການເງິນ ໄດ້ມີຄໍາເຫັນບາງຕອນ ວ່າ: ຜູ້ທີ່ສາມາດເຂົ້າຮ່ວມປະມູນແມ່ນ ບຸກຄົນ, ນິຕິບຸກຄົນ ແລະ ອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດ ທີ່ອາໃສ ແລະ ມີສໍານັກງານຢູ່ໃນ ສປປ ລາວ ມີເລກປະຈໍາຕົວຜູ້ເສຍອາກອນ, ທະບຽນວິສາຫະກິດ ທຸລະກິດ, ໃບອະນຸຍາດດໍາເນີນທຸລະກິດ ທີ່ກ່ຽວຂ້ອງ ແລະ ໃບຢັ້ງຢືນການປະຕິບັດພັນທະພາສີ-ອາກອນ ປະຈໍາປີ 2024 ແລະ ບໍ່ໄດ້ຖືກສານຕັດສິນດໍາເນີນຄະດີຕ່າງໆ; ຕ້ອງມີຖານະການເງິນທີ່ໝັ້ນຄົງ ແລະ ມີແຫຼ່ງທຶນທີ່ຈະມາພັດທະນາໃຫ້ແທດເໝາະກັບມູນຄ່າ ການລົງທຶນໃນໂຄງການ ໂດຍມີການຢັ້ງຢືນຈາກທະນາຄານ ທີ່ຈົດທະບຽນຖືກຕ້ອງຢູ່ ສປປ ລາວ; ຜູ້ເຂົ້າຮ່ວມ ສາມາດຢື່ນຊອງປະມູນໄດ້ 1 ຊອງເທົ່ານັ້ນ ແລະ ຜູ້ຊະນະການປະມູນແມ່ນຜູ້ທີ່ສະເໜີລາຄາສູງສຸດ ແລະ ມີເງື່ອນໄຂຄົບຖ້ວນໃນການປະຕິບັດລະບຽບການປະມູນ, ການປະມູນນີ້ຈະໄດ້ແບ່ງອອກເປັນ 02 ສັນຍາຄື: ສັນຍາຊື້ຊັບຊັບສິນ ແລະ ສັນຍາເຊົ່າທີ່ດິນ ຂອງລັດ, ສໍາລັບສັນຍາຊື້ຊັບສິນ ຕ້ອງໄດ້ຊຳລະເປັນຄັ້ງດຽວ ຫຼັງຈາກ ສໍາເລັດການເຊັນສັນຍາ.
 |  |
