ຫວຍລາສີ ແມ່ນຜະລິດຕະພັນໜຶ່ງຂອງບໍລິສັດ ລັດວິສາຫະກິດ ຫວຍພັດທະນາ ເຊິ່ງກຳນົດຂຶ້ນ ແລະ ຈັດລຽງຕາມຕຳລາໂຫລາສາດຂອງລາສີປີເກີດທີ່ເຊື່ອຖືກັນມາຍາວນານ ແລະ ຄຸ້ນເຄີຍກັນດີໃນສັງຄົມ; ຫວຍລາສີເລີ່ມຈັດຕັ້ງການອອກເລກລາງວັນນັບແຕ່ເດືອນມັງກອນ 2024 ຮອດປັດຈຸບັນ; ເນື່ອງຈາກວ່າໃນໄລຍະຜ່ານມາເກມການຫຼີ້ນຍັງຫຍຸ້ງ ຍາກ ແລະ ບໍ່ທັນເຂົ້າໃຈ, ເພື່ອຕອບສະໜອງຄວາມຮອກຮ້ອງຕ້ອງການຂອງຜູ້ທີ່ມັກສ່ຽງໂຊກ-ຊີງລາງວັນບໍລິສັດ ລັດວິສາຫະກິດ ຫວຍພັດທະນາ ໄດ້ປ່ຽນແປງຮູບແບບການຫຼິ້ນ ແລະໂຄງປະກອບລາງວັນຫວຍລາສີຄືນໃໝ່ໃຫ້ມີຫຼາກຫຼາຍສີສັນ ແລະ ຫຼາກຫຼາຍລາງວັນຂຶ້ນ. ການປ່ຽນແປງຮູບແບບເກມການຫຼິ້ນໃໝ່ຂອງ “ຫວຍລາສີ” ໃນຄັ້ງນີ້ເປັນການຄົ້ນຄ້ວາຮ່ວມກັນລະຫວ່າງບໍລິ ສັດ ລັດວິສາຫະກິດ ຫວຍພັດທະນາ ແລະ ບໍລິສັດ ອິນຊີ ເທຣດດິ້ງ ຈຳກັດຜູ້ດຽວ; ປັບປຸງເກມການຫຼິ້ນຫວຍລາສີ ໃຫ້ມີຄວາມທັນສະໄໝ ແລະ ຊື້ງ່າຍຂຶ້ນສຳຫຼັບຜູ້ທີ່ມັກສ່ຽງໂຊກ-ຊິງລາງວັນສຳຫຼັບການປ່ຽນແປງຮູບແບບການຫຼິ້ນເກມໃນຮອບນີ້ແມ່ນໄດ້ມີການຕັດເລກສ່ຽງ 10, 11, 12 ອອກ, ເຫຼືອໄວ້ພຽງແຕ່ເລກ 0-9 ເທົ່ານັ້ນ;ໂຄງປະກອບລາງວັນຂອງຫວຍລາສີແບບໃໝ່ສາມາດລຸ້ນເງິນລາງວັນສູງສຸດເຖິງ 3,000 ລ້ານກີບ, ມູນຄ່າຊື້ຫວຍລາສີ+ເລກເພີ່ມໂຊກ 6 ໂຕລຽງຊື້ຂັ້ນຕ່ຳ 5,000 ກີບ/ຮູສ່ຽງ, ສາມາດລຸ້ນໄດ້ເຖິງ 8 ລາງວັນ. ຕະຫຼອດໄລຍະຜ່ານມາ,ບໍລິສັດ ລັດວິສາຫະກິດ ຫວຍພັດທະນາ ຂຶ້ນກັບກະຊວງການເງິນ ໄດ້ມີຄວາມພະຍາ ຍາມການພັດທະນາກົນໄກ ແລະ ມາດຕະການຕ່າງໆ, ເພື່ອຮັບປະກັນໃຫ້ການເຄື່ອນໄຫວຫວຍພັດທະນາຢູ່ສປປ ລາວ ເປັນໄປດ້ວຍຄວາມໂປ່ງໃສ, ຍຸຕິທຳ ແລະ ສາມາດກວດສອບໄດ້. ຫວຍລາສີອອກທຸກໆວັນອັງຄານ ແລະ ວັນພະຫັດ, ເຊິ່ງສາມາດຕິດຕາມຜົນອອກລາງວັນໄດ້ຈາກການຖ່າຍທອດສົດຜ່ານໂທລະພາບແຫ່ງຊາດລາວຊ່ອງ1; ຊ່ອງທາງເຟສບຸກເພສຫວຍພັດທະນາລາວ ແລະ ເຟສບຸກ Digital lottery ຫວຍດິຈິຕ້ອນອິນຊີ ຫຼື ຜ່ານແອັບ INSEE HUB ແລະ ຍັງເປັນ App ທີ່ສາມາດສ່ຽງໂຊກໄດ້ທັງຫວຍເລກ 6 ໂຕ ແລະ ຫວຍລາສີ. ໃນວັນທີ 9 ພຶດສະພາ 2025 ຜ່ານມານີ້, ບໍລິສັດ ລັດວິສະຫະກິດ ຫວຍພັດທະນາ, ໄດ້ຈັດງານຖະແຫຼງຂ່າວ ກ່ຽວກັບການປ່ຽນແປງຮູບແບບເກມການຫຼິ້ນ ແລະ ໂຄງປະກອບລາງວັນ “ຫວຍລາສີ” ແບບໃໝ່, ຮອບນີ້ແມ່ນໄດ້ມີການຕັດເລກສ່ຽງ 10,11,12 ອອກເຫຼືອໄວ້ພຽງແຕ່ເລກ0-9 ເທົ່ານັ້ນ,ໂດຍຈະເລີ່ມອອກນັບແຕ່ງວດອອກວັນອັງຄານວັນທີ 13 ພຶດສະພາ 2025 ເປັນຕົ້ນໄປ; ໂດຍການເຂົ້າຮ່ວມຂອງທ່ານ ຄຳເຜັ່ນ ບຸບຜາວົງ ຜູ້ອຳນວຍການ ບໍລິສັດ ລັດວິສາຫະກິດ ຫວຍພັດທະນາ ແລະ ທ່ານ ມະໂນທຳ ເພັດສີລີແສງ ຜູ້ອຳນວຍການບໍລິສັດ ອິນຊີ ເທຣດດິ້ງ ຈຳກັດຜູ້ດຽວ, ພ້ອມດ້ວຍແຂກທີ່ເຊີນເຂົ້າຮ່ວມ. 
