ພາລະບົດບາດ

     ກົມ​ຈັດ​ຕັ້ງ ​ແລະ ພະນັກງານ ​ຂຽນ​ເ​ປັນ​ຕົວ​ອັກສອນ​ຫຍໍ້​ວ່າ ກຈພ ເປັນ​ພາ​ສາ​ອັງ​ກິດ Organisation and Personnel Department (OPD), ແມ່ນກົງ​ຈັກ​ໜຶ່ງຂອງ​ກະຊວງ​ການ​ເງິນ, ມີ​ພາລະ​ບົດບາດ​ເປັນ​ເສນາ​ທິການ​ໃຫ້​ແກ່​ ຄະ​ນະພັກ, ລັດຖະມົນຕີ ກະ​ຊວງ​ການ​ເງິນ ໃນການ ຈັດ​ຕັ້ງ​ປະຕິບັດ​ແນວທາງ​ນະ​ໂຍບາຍ, ກົດ​ລະ​ບຽບ​ຂອງ​ພັກ, ກົດ​ໝາຍ ​ແລະ ລະ​ບຽບ​ການ​ຂອງລັດ ກ່ຽວ​​ກັບ​ ວຽກ​ງານ​ພັກ, ອົງ​ການ​ຈັດ​ຕັ້ງ​ມະ​ຫາ​ຊົນ ແລະ ພະນັກງານ-ລັດຖະກອນ ​ໃນ​ຂອບ​ເຂດ​ຄວາມ​ຮັບ​ຜິດ​ຊອບຂອງ​ຕົນ.

  • ໜ້າ​ທີ່
    1. ຈັດ​ຕັ້ງ​ຜັນ​ຂະ​ຫຍາ​ຍ ​ແນວທາງ​​ນະ​ໂຍບາຍ, ມະ​ຕິ ​ຂອງ​ພັກ, ກົດ​ໝາຍ ແລະ​ ລະ​ບຽບ​ການ​ຂອງ​ລັດ, ແຜນ​ຍຸດທະສາດ​ຂອງ​ກະຊວງ​ການ​ເງິນ ກ່ຽວ​​ກັບ​ວຽກ​ງານ​ພັກ, ອົງ​ການ​ຈັດ​ຕັ້ງ​ມະ​ຫາ​ຊົນ ແລະ ພະນັກງານ-ລັດຖະກອນ ມາເປັນ​ແຜນ​ງານ ແລະ ​ໂຄງ​ການ​ລະ​ອຽດຂອງ​ກົມ;
    2. ຄົ້ນຄວ້າ​ ​ສ້າງ, ປັບປຸງ ແລະ ປະ​ເມີນຜົນ ​ບັນດານິຕິກຳກ່ຽວກັບວຽກງານຈັດຕັ້ງ ​ແລະ ພະນັກງານ ໃຫ້ສອດຄ່ອງ ​​​ໃນແຕ່ລະໄລຍະ ເພື່ອ​ນຳ​ສະ​ເໜີ​ໃຫ້​ຄະ​ນະ​ພັກ, ລັດຖະມົນຕີ ກະ​ຊວງ​ການ​ເງິນ ພິ​ຈາ​ລະ​ນາ​ຕາມ​ລະ​ບຽບ​ການ;
    3. ໂຄສະນາເຜີຍແຜ່ນະໂຍບາຍ, ກົດໝາຍ, ນິຕິກຳລຸ່ມກົດໝາຍ ກ່ຽວກັບວຽກງານຈັດຕັ້ງ ແລະ ພະນັກງານ ຕາມໜ້າທີ່ ແລະ ຄວາມຮັບຜິດຊອບຂອງກົມ ໃຫ້ບຸກຄົນ, ນິຕິບຸກຄົນ ແລະ ການຈັດຕັ້ງທົ່ວສັງຄົມ ເພື່ອຮັບຮູ້ເຊື່ອມຊຶມ ແລະ ເຂົ້າຮ່ວມໃນການຈັດຕັ້ງປະຕິບັດ;
    4. ຕິດຕາມ, ຊຸກ​ຍູ້ ແລະ ສ້າງເງື່ອນໄຂ ໃຫ້ແກ່​​ຄະ​ນະ​ພັກແຕ່​ລະ​ຂັ້ນ ໃນການເຮັດ​ວຽກ​ງານ​ສຶກ​ສາ​ອົບ​ຮົມ ການ​ເມືອງ-​ແນວ​ຄິດ​ ຕໍ່​ສະມາຊິກ​ພັກ ​ແລະ ພະນັກງານ-ລັດຖະກອນ ທີ່ຂຶ້ນກັບຄວາມຮັບຜິດຊອບຂອງຕົນ;
    5. ສ້າງ​ແຜນການ ​ແລະ ​ຊຸກຍູ້ ​ການກໍ່​ສ້າງໜ່ວຍພັກ ເຂັ້ມ​ແຂງ, ປອດໃສ ແລະ ໜັກແໜ້ນ;
    6. ສ້າງ​ແຜນກ່ຽວ​ກັບ​ວຽກ​ງານ​ປ້ອງ​ກັນ​ພັກ-ພະນັກງານ ​ເພື່ອ​ນຳ​ສະ​ເໜີ​ ຄະນະບໍລິຫານງານ​ພັກກະຊວງການ​ເງິນ ພິຈາລະນາ;
    7. ຂຶ້ນ​ແຜນ​ ກຳ​ນົດ​ພະ​ນັກ​ງານ​ນຳ​ພາ-ຄຸ້ມ​ຄອງ, ກຳນົດຕຳແໜ່ງງານ ຂອງພະນັກງານ-ລັດຖະກອນ ຂະແໜງການ​ເງິນ ຕາມລະບຽບການ;
    8. ຕິດ​ຕາມ, ຄຸ້ມຄອງ, ກວດກາ ​ການ​ຈັດ​ຕັ້ງ​ປະ​ຕິ​ບັດ​ແຜນກຳ​ນົດ​ພະ​ນັກ​ງານ​ນຳ​ພາ-ຄຸ້ມ​ຄອງ ຂອງ​ຂະ​ແໜງ​ການ​ເງິນ ຕາມ​ລະບຽບການ;
    9. ຄົ້ນຄວ້າ​ສ້າງ​ແຜນ​​ພັດທະນາ​ບຸກຄະລາ​ກອນ​ຂະ​​ແໜງການ​ເງິນ​ ໃນ​ແຕ່ລະ​ໄລ​ຍະ ​ເພື່ອ​ສະ​ເໜີ ລັດ​ຖະ​ມົນ​ຕີ ​ພິຈາລະນາ ຕາມລະບຽບການ;
    10. ເປັນເສນາທິການ ໃນການຄົ້ນ​ຄວ້າກ່ຽວ​ກັບການ ​ບັນຈຸ, ​ສັບຊ້ອນ-ໝູນ​ວຽນ, ​ແຕ່ງ​ຕັ້ງ, ຍົກຍ້າຍ ຫຼື ປົດ​ຕຳ​ແໜ່​ງ ພະນັກງານນຳພາ-ຄຸ້ມຄອງ ຕາມລະບຽບການ;
    11. ຄົ້ນ​ຄວ້າ​ ການ​ປະ​ຕິ​ບັດ​ນະ​ໂຍ​ບາຍ ຮັບ​ອຸດ​ໜູນບຳນານ, ຮັບອຸດ​ໜູນ​ເທື່ອ​ດຽວ, ​ຮັບອຸດ​ໜູນ​ເສຍ​ຊີ​ວິດ, ອຸດໜູນເສຍກຳລັງແຮງງານ ແລະ​​ ນະ​ໂຍບາຍ​ຕ່າງໆ​ຕໍ່​ພະ​ນັກ​ງານ-ລັດ​ຖະ​ກອນ ຕາມລະບຽບການ;
    12. ເປັນໃຈກາງໃນການຄົ້ນ​ຄວ້ານຳ​ສະ​ເໜີການປະຕິບັດ​ວິ​ໄນ ຕໍ່​ພະນັກ​ງານ-ລັດ​ຖະ​ກອນ ຂອງຂະແໜງ ການເງິນ ຕາມ​ລະບຽບການ;
    13. ເປັນ​ເສ​ນາ​ທິ​ການ​ໃນ​ການ​ຄົ້ນ​ຄວ້າກ່ຽວ​ກັບການ​ສະ​ເໜີຍ້ອງຍໍຜົນ​ງານປະ​ຈຳ​ປີ ພະ​ນັກ​ງານ-ລັດ​ຖະ​ກອນ ຂອງຂະແໜງ​ການ​ເງິນ; ການ​ສະ​ເໜີ​ຍ້ອງຍໍບຸກ​ຄົນ, ນິ​ຕິ​ບຸກ​ຄົນ, ກົມກອງລວມໝູ່ ທັງ​ພາຍ​ໃນ ແລະ ຕ່າງ​ປະ​ເທດ ຕາມ​ລະບຽບການ;
    14. ຄຸ້ມ​ຄອງ, ຕິດຕາມ, ກວດກາ-ກວດການ ດ້ານ​ຊີວະ​ປະຫວັດ​, ການ​ເຄື່ອນ​ໄຫວ ແລະ ​ເກັບ​ກຳສະ​ຖິ​ຕິ ຂອງ​ສະ​ມາ​ຊິກ​ພັກ-ອົງການ​ຈັດ​ຕັ້ງ​ມະຫາຊົນ ແລະ ພະ​ນັກ​ງານ-ລັດ​ຖະ​ກອນ ຂອງຂະແໜງການເງິນ ຕາມລະບຽບການ;
    15. ຊຸກຍູ້, ຕິດຕາມ, ກວດກາ ວຽກງານ​ປະ​ເມີນ​ຜົນ​ການ​ປະ​ຕິ​ບັດ​ວຽກ​ງານ​ປະ​ຈຳ​ປີ ພະນັກງານ-ລັດຖະກອນ ຂອງຂະແໜງການເງິນ ຕາມລະບຽບການ;
    16. ເປັນ​ໃຈ​ກາງໃນ​ວຽກ​ງານປັບ​ປຸງ ​ບູ​ລະ​ນະ​ກົງ​ຈັກ​ການ​ຈັດ​ຕັ້ງ, ການຈັດຕັ້ງ ແລະ ການເຄື່ອນໄຫວ ຂອງຂະແໜງການເງິນ ແຕ່​ລະ​ໄລ​ຍະ ຕາມລະບຽບການ;
    17. ເປັນເສນາທິການໃນການ ຄົ້ນຄວ້າ ແລະ ນຳສະເໜີການ ແຕ່ງຕັ້ງ, ປົດ​ຕຳ​ແໜ່ງ, ສັບປ່ຽນຕໍາແໜ່ງ ຜູ້ຕາງໜ້າຜູ້​ຖືຮຸ້ນຂອງລັດ, ຄະນະສະພາບໍລິຫານ, ຄະນະອຳນວຍການວິສາຫະກິດລັດລົງທຶນ ທີ່ລັດຖະບານມີສິດແຕ່ງຕັ້ງ ຕາມກໍານົດວາລະ ຫຼື ກ່ອນວາລະ ອີງຕາມສະພາບການດໍາເນີນທຸລະກິດ ຫຼື ຕາມການປະຕິບັດໜ້າທີ່ ຫຼື ຄວາມຮຽກຮ້ອງຕ້ອງການອື່ນໆ ຕາມການຄົ້ນຄວ້ານຳສະເໜີຂອງກົມຄຸ້ມຄອງ, ພັດທະນາລັດວິສາຫະກິດ ແລະການປະກັນໄພ ເພື່ອນຳ​ສະ​ເໜີ​ຕໍ່ລັດ​ຖະ​ມົນ​ຕີ​ກະ​ຊວງ​ການ​ເງິນ ພິ​ຈາ​ລະ​ນາຕາມລະບຽບການ;
    18. ກວດກາຄວາມຖືກຕ້ອງ ​ແລະ ສັງ​ລວມ​ເອກະສານ​ທີ່​ມີ​ການ​ປ່ຽນ​ແປງດ້ານຈຳນວນ ພະນັກງານ-ລັດຖະກອນ ກ່ຽວກັບ ​ເງິນ​ເດືອນ ​ແລະ ​ເງິນ​ອຸດໜູນຕ່າງໆ ຕາມກົດໝາຍ ແລະ ລະບຽບການ;
    19. ຄົ້ນຄວ້າ, ປະສານສົມທົບ ນຳສະເໜີ ກ່ຽວກັບການ ຝຶກ​ອົບ​ຮົມ, ​ຍົກ​ລະດັບ ຢູ່ພາຍໃນ ແລະ ຕ່າງປະເທດ; ການໄປເຄື່ອນໄຫວວຽກງານທາງລັດຖະການຢູ່ຕ່າງປະເທດ ຂອງພະນັກງານ-ລັດຖະກອນ ຂະແໜງການເງິນ ພ້ອມທັງເກັບກຳຜົນ​ໄດ້​ຮັບຈາກ​ການໄປ​ເຄື່ອນ​ໄຫວ​ວຽກງານດັ່ງກ່າວ ຕາມລະບຽບການ;​
    20. ຄົ້ນ​ຄວ້າ​, ປະ​ສາ​ນ​ສົມ​ທົບ ​ກັບ​ການ​ຈັດ​ຕັ້ງ​ທີ່​ກ່ຽວ​ຂ້ອງຢູ່ຂັ້ນ ສູນ​ກາງ ແລະ ທ້ອງ​ຖິ່ນ ກ່ຽວ​ກັບການບັນຈຸເຂົ້າເປັນ​ລັດ​ຖະ​ກອນໃໝ່ ຕາມ​ກົດ​ໝາຍ ແລະ ລະ​ບຽບ​ການ;​
    21. ຕິດ​ຕາມ, ກວດ​ກາ ການ​ຈັດ​ຕັ້ງ​ປະ​ຕິ​ບັດ​ບັນ​ດາແຜນ​ການ, ແຜນ​ງານ ແລະ ແຜນວຽກ​ຕ່າງໆ​ຂອງ​ກົມ ທີ່​ໄດ້​ກຳ​ນົດໄວ້ ໃຫ້​ມີ​ປະ​ສິດ​ທິ​ຜົນ​ສູງ;
    22. ພົວພັນ​, ຮ່ວມ​ມື​ກັບຕ່າງປະເທດ ຕາມກົດໝາຍ, ລະບຽບການ ແລະ ຕາມ​ການມອບໝາຍ​ຂອງລັດ​ຖະ​ມົນ​ຕີກະຊວງການເງິນ ຕາມລະບຽບການ;
    23. ສະຫຼຸບລາຍ​ງານ ການ​ເຄື່ອນ​ໄຫວ​ຈັດຕັ້ງປະຕິບັດວຽກງານ​ຂອງ​ກົມ ​ປະຈຳ​ເດືອນ, ສາມ​ເດືອນ, ຫົກເດືອນ, ປະຈຳ​ປີ​, ສາມປີ ແລະ ຫ້າປີ ຕາມລະບຽບການ;
    24. ປະ​ຕິ​ບັດ​ໜ້​າ​ທີ່​ອື່ນ ຕາມ​ກົດ​ໝາຍ, ລະ​ບຽບ​ການ ແລະ ຕາມ​ການມອບ​ໝາຍ​ຂອງ​ຄະ​ນະ​ພັກ, ລັດຖະມົນຕີ​ກະ​ຊວງ​ການ​ເງິນ.
  • ຂອບ​ເຂດ​ສິດ
    1. ສະ​ເໜີ ​ສ້າງ, ປັບ​ປຸງ​ ນິ​ຕິ​ກຳລຸ່ມກົດໝາຍ ທີ່​ກ່ຽວ​ຂ້ອງ​ກັບ​ວຽກ​ງານ​ຈັດ​ຕັ້ງພັກ-ພະ​ນັກ​ງານ ທີ່ຢູ່ໃນ ຄວາມຮັບຜິດຊອບຂອງກົມ ເພື່ອ​ສະ​ເໜີຄະນະພັກ, ລັດຖະມົນຕີ ກະຊວງການ​ເງິນ ພິ​ຈາ​ລະ​ນາ;
    2. ​ສະເໜີຄະນະພັກ, ລັດຖະມົນຕີ ກະຊວງການເງິນ ປັບປຸງ, ແກ້ໄຂ, ລົບລ້າງ ບັນດາມະຕິ, ຄຳສັ່ງ ແລະ ລະບຽບການທີ່ບໍ່ສອດຄ່ອງກັບກົດໝາຍ ແລະ ລະບຽບການ;
    3. ສະ​ເໜີ ສ້າງ​ຕັ້ງ, ປັບ​ປຸງ, ຍຸບເລີກ, ໂຮມເຂົ້າ, ແຍກອອກ ກົງ​ຈັກ​ການ​ຈັດ​ຕັ້ງ ພັກ ແລະ ລັດ ໃຫ້​ຄະ​ນະ​ພັກ​, ລັດຖະມົນຕີ ​ກະ​ຊວງການເງິນ ພິ​ຈາ​ລະ​ນາ ຕາມ​ກົດ​ໝາຍ ແລະ ລະ​ບຽບ​ການ​;
    4. ສະ​ເໜີ​ລັດຖະມົນຕີ ກະຊວງການ​ເງິ​ນ ​ພິຈາລະນາການ ບັນຈຸ, ​ສັບຊ້ອນ-ໝູນວຽນ, ​ແຕ່ງ​ຕັ້ງ, ຍົກຍ້າຍ, ບຳລຸງຍົກ​ລະ​ດັບ​, ປະຕິບັດ​ນະ​ໂຍບາຍ​ຕ່າງໆ ​​ຕໍ່ພະ​ນັກ​ງານ-ລັດຖະກອນ ທີ່ຢູ່​ໃນ​ການ​ຄຸ້ມ​ຄອງ​ຂອງ​ຂະແໜງການ​ເງິນ ຕາມກົດໝາ​ຍ ແລະ ລະ​ບຽບ​ການ;
    5. ຕິດ​ຕາມ, ກວດ​ກາ ກ່ອນ ແລະ ຫຼັງ​ ການ​​ຕົກ​ລົງ ແຕ່ງ​ຕັ້ງ, ຍົກ​ຍ້າຍ, ສັບ​ຊ້ອນ-ໝູນ​ວຽນ ​ພະ​ນັກ​ງານ-ລັດ​ຖະ​ກອນ ຂອງຂະແໜງການເງິນ ຕາມລະບຽບການ;
    6. ເຊັນ​ຢັ້ງ​ຢືນ​ບັນ​ດາ​ເອ​ກະ​ສານ ແລະ ຕົກ​ລົງ​ບັນ​ຫາ​ຕ່າງ​ໆ ທີ່​ຢູ່​ໃນ​ຄວາມ​ຮັບ​ຜິດ​ຊອບ​ຂອງ​ຕົນ​ ຕາມ​ກົດ​ໝາຍ ແລະ ລະ​ບຽບ​ການ;
    7. ປະ​ສານ​ສົມ​ທົບດ້ານວິຊາການກັບພາກ​ສ່ວນ​ທີ່​ກ່ຽວ​ຂ້ອງ ຢູ່​ສູ​ນ​ກາງ ແລະ ທ້ອງ​ຖິ່ນ ກ່ຽວ​ກັບ​ ວຽກ​ງານ​ຈັດ​ຕັ້ງ, ພັກ, ພະ​ນັກ​ງານ ແລະ ອົງ​ການ​ຈັດ​ຕັ້ງ​ມະ​ຫາ​ຊົນ ຕາມ​ພາ​ລະ​ບົດ​ບາ​ດ​ຂອງ​ຕົນ​;
    8. ຄຸ້ມຄອງ, ນຳໃຊ້ງົບປະມານ, ວັດຖຸປະ​ກອນ ແລະ ພາຫະນະຕ່າງໆເຂົ້າໃນການເຄື່ອນໄຫວວຽກງານຂອງກົມ ຕາມການແບ່ງປັນຂອງກະຊວງການເງິນ ແລະ ລະບຽບການ;

ປະຕິບັດສິດອື່ນ ຕາມການມອບໝາຍຂອງ​ຄະນະ​ພັກ, ລັດຖະມົນຕີ ກະຊວງ​ກາ​ນ​ເງິນ.

 ໂຄງຮ່າງການຈັດຕັ້ງ
  • ໂຄງຮ່າງການຈັດຕັ້ງ

ກົມ​ຈັດ​ຕັ້ງ ​ແລະ ພະນັກງານ ປະກອບມີ:

  1. ພະ​ແນ​ກ ບໍລິຫານ ແລະ ນະໂຍບາຍ;
  2. ພະ​ແນ​ກ ຄຸ້ມ​ຄອງ​ພະນັກງານ;
  3. ພະແນກ ຄຸ້ມຄອງພະນັກງານສາຍຕັ້ງ;
  4. ພະ​ແນ​ກ ພັດທະນາ​ບຸກຄະລາ​ກອນ;
  5. ພະ​ແນ​ກ ພັກ ​ແລະ ອົງການ​ຈັດ​ຕັ້ງ​ມະຫາຊົນ;
  6. ພະ​ແນ​ກ ປ້ອງ​ກັນ​ພັກ – ພະນັກງານ.
 ນິຕິກຳທີ່ກ່ຽວຂ້ອງ
ເລກທີ ເນື້ອຫາ
Content
Content
  ຕິດຕໍ່ພົວພັນ

..

ຊື່ກົມ
ເບີໂທຕິດຕໍ່
ອີເມວຕິດຕໍ່

ເນື້ອຫາ

Tel/Fax:

Email: 

Close Menu
Top