ກົມສະສົມແຫ່ງລັດ ຂຽນເປັນຕົວອັກສອນຫຍໍ້ວ່າ ” ກສລ “, ເປັນພາສາອັງກິດ State Reserves Department (SRD), ແມ່ນກົງຈັກໜຶ່ງຂອງກະຊວງການເງິນ, ມີພາລະບົດບາດເປັນເສນາທິການໃຫ້ ແກ່ລັດຖະມົນຕີ ກະຊວງການເງິນ ໃນການຄຸ້ມຄອງຄັງສະສົມແຫ່ງລັດ ຕາມກົດໝາຍ ແລະ ລະບຽບການ.
- ໜ້າທີ່
- ຈັດຕັ້ງຜັນຂະຫຍາຍ ແຜນຍຸດທະສາດ, ກົດໝາຍ ແລະ ລະບຽບການຂອງຂະແໜງການເງິນ ກ່ຽວກັບວຽກງານສະສົມແຫ່ງລັດ;
- ຄົ້ນຄວ້າ, ສ້າງ ແລະ ປັບປຸງ ແຜນຍຸດທະສາດ, ກົດໝາຍ ແລະ ນິຕິກໍາ ກ່ຽວກັບວຽກງານສະສົມແຫ່ງລັດ;
- ໂຄສະນາ, ເຜີຍແຜ່ ແນວທາງນະໂຍບາຍ, ແຜນຍຸດທະສາດ, ກົດໝາຍ ແລະ ນິຕິກຳ ກ່ຽວກັບວຽກງານສະສົມແຫ່ງລັດໃນທົ່ວສັງຄົມ;
- ຄົ້ນຄວ້າ, ກຳນົດລາຍການວັດຖຸສະສົມ, ມູນຄ່າການສະສົມ, ອັດຕາສ່ວນຄັງສະສົມແຫ່ງລັດ ເປັນເງິນແລະ ເປັນວັດຖຸໃນແຕ່ລະໄລຍະ ເພື່ອສະເໜີລັດຖະມົນຕີ ພິຈາລະນາ;
- ຄົ້ນຄວ້າ, ສ້າງແຜນການສະສົມແຫ່ງລັດ, ແຜນລາຍຮັບ-ລາຍຈ່າຍຄັງສະສົມແຫ່ງລັດ, ຮັບ-ຈ່າຍ, ຊື້-ຂາຍ, ປ່ຽນຖ່າຍວັດຖຸສະສົມ ແລະ ຈັດສັນເພີ່ມທຶນວັດຖຸສະສົມປະຈຳເດືອນ, ງວດ, ປີ, ສາມປີ ແລະ ຫ້າປີ ເພື່ອສະເໜີລັດຖະມົນຕີ ພິຈາລະນາ;
- ສະເໜີ ລັດຖະມົນຕີກະຊວງການເງິນ ພິຈາລະນາຕົກລົງອະນຸມັດກ່ຽວກັບ ການຮັບ-ຈ່າຍຄັງສະສົມແຫ່ງລັດ; ຊື້-ຂາຍ, ປົກປັກຮັກສາ, ປ່ຽນຖ່າຍ ວັດຖຸສະສົມແຫ່ງລັດ ແລະ ການຊ່ວຍເຫຼືອບັນເທົາທຸກ;
- ຈັດຕັ້ງປະຕິບັດການຮັບ-ຈ່າຍ; ຊື້-ຂາຍ, ປົກປັກຮັກສາ, ປ້ອງກັນ, ຄຸ້ມຄອງຄັງສະສົມແຫ່ງລັດ ຕາມພາລະບົດບາດຂອງຕົນ;
- ຈັດຕັ້ງປະຕິບັດການຈ່າຍວັດຖຸສະສົມ ເພື່ອສົງເຄາະ, ຊ່ວຍເຫຼືອບັນເທົາທຸກ, ກໍລະນີສຸກເສີນ, ຮີບດ່ວນ ແລະ ປະກອບສ່ວນເຂົ້າໃນການພັດທະນາເສດຖະກິດ ຕາມການຕົກລົງຂອງລັດຖະບານ;
- ຄຸ້ມຄອງໂດຍກົງ ຫຼືວ່າຈ້າງນິຕິບຸກຄົນ ໃນການຄຸ້ມຄອງ ແລະ ປົກປັກຮັກສາວັດຖຸສະສົມແຫ່ງລັດຕາມການອະນຸມັດຂອງລັດຖະບານ;
- ເປັນເຈົ້າການປະສານສົມທົບກັບພາກສ່ວນທີ່ກ່ຽວຂ້ອງ ເພື່ອກໍານົດເປົ້າໝາຍ, ເກັບກຳຂໍ້ມູນສະຖິຕິ ທີ່ຕິດພັນກັບການນຳໃຊ້ຄັງສະສົມແຫ່ງລັດ ໃນກໍລະນີສຸກເສີນ, ຮີບດ່ວນ ແລະ ຊ່ວຍເຫຼືອບັນເທົາທຸກ ເພື່ອສະເໜີຕໍ່ລັດຖະບານພິຈາລະນາ;
- ສ້າງມາດຖານ, ກຳນົດໝາຍດ້ານເຕັກນິກ, ນຳໃຊ້ເຕັກໂນໂລຊີທີ່ທັນສະໄໝເຂົ້າໃນການຄຸ້ມຄອງ ແລະ ປົກປັກຮັກສາວັດຖຸສະສົມແຫ່ງລັດ;
- ຕິດຕາມ, ກວດກາ ແລະ ປະເມີນຜົນການນຳໃຊ້ຄັງສະສົມແຫ່ງລັດ ໃຫ້ຖືກເປົ້າໝາຍ ແລະ ລະບຽບກົດໝາຍທີ່ໄດ້ກຳນົດ;
- ຄຸ້ມຄອງ, ຕິດຕາມ ແລະ ກວດກາ ການລົງທຶນກໍ່ສ້າງພື້ນຖານໂຄງລ່າງລະບົບສາງສະສົມແຫ່ງລັດ, ປະກອບອຸປະກອນເຕັກນິກຕ່າງໆຕາມແຜນງານ, ໂຄງການ ທີ່ໄດ້ອະນຸມັດ;
- ຄົ້ນຄວ້າ ແລະ ນຳສະເໜີກ່ຽວກັບການສ້າງຕັ້ງ, ປັບປຸງ, ຍຸບເລິກ, ໂຮມເຂົ້າ, ແຍກອອກ ກົງຈັກການຈັດຕັ້ງ; ການກຳນົດມາດຖານ ແລະ ຕຳແໜ່ງງານ; ຄົ້ນຄວ້າການສ້າງຕັ້ງຫ້ອງການສະສົມແຫ່ງລັດປະຈຳພາກໃນໄລຍະ ເວລາທີ່ເໝາະສົມ; ຄົ້ນຄວ້າຂຶ້ນແຜນກໍານົດຄວາມຕ້ອງການພະນັກງານ-ລັດຖະກອນ, ພະນັກງານນໍາພາ-ຄຸ້ມຄອງ, ບໍາລຸງ-ກໍ່ສ້າງ (ຝຶກອົບຮົມ ແລະ ພັດທະນາ) ແລະ ປະເມີນຜົນ ພະນັກງານ-ລັດຖະກອນ ທີ່ຢູ່ໃນຄວາມຮັບຜິດຊອບຂອງຕົນ;
- ຄົ້ນຄວ້າການ ສັບຊ້ອນ, ຈັດວາງ, ປະຕິບັດນະໂຍບາຍ ແລະ ປະຕິບັດວິໄນ ຕໍ່ພະນັກງານ-ລັດຖະກອນ ທີ່ຢູ່ໃນຄວາມຮັບຜິດຊອບຂອງຕົນ;
- ປະຕິບັດວຽກງານພົວພັນຮ່ວມມືກັບຕ່າງປະເທດ ແລະ ອົງການຈັດຕັ້ງສາກົນຕ່າງໆ ກ່ຽວກັບວຽກງານສະສົມແຫ່ງລັດ;
- ສະຫຼຸບລາຍງານການຈັດຕັ້ງປະຕິບັດປະຈຳອາທິດ, ເດືອນ, ງວດ, ປີ, 3 ປີ ແລະ 5 ປີ ຕາມລະບຽບການ;
- ຈັດຕັ້ງການຖືບັນຊີໃຫ້ຖືກຕ້ອງຕາມ ກົດໝາຍວ່າດ້ວຍການບັນຊີ;
- ເປັນເຈົ້າການເຂົ້າຮ່ວມກົນໄກປະກັນໄພ ເພື່ອຫຼຸດຜ່ອນຄວາມສ່ຽງໄພພິບັດທຳມະຊາດໃນພາກພື້ນ;
- ຕິດຕາມ, ກວດກາ ການປະຕິບັດສິດ ແລະ ໜ້າທີ່ຄວາມຮັບຜິດຊອບ ຂອງພະນັກງານ-ລັດຖະກອນ ເພື່ອສະກັດກັ້ນການລະເມີດມະຕິ, ຄຳສັ່ງ, ກົດໝາຍ ແລະ ລະບຽບການ;
- ປະຕິບັດໜ້າທີ່ອື່ນ ຕາມກົດໝາຍ, ລະບຽບການ ແລະ ການມອບໝາຍຂອງລັດຖະມົນຕີກະຊວງການເງິນ.
- ຂອບເຂດສິດ
- ສະເໜີ ສ້າງ, ປັບປຸງ ນະໂຍບາຍ, ແຜນຍຸດທະສາດ, ກົດໝາຍ ແລະ ລະບຽບການ ກ່ຽວກັບວຽກງານສະສົມແຫ່ງລັດ;
- ເຊັນຢັ້ງຢືນຄວາມຖືກຕ້ອງຂອງບັນດາເອກະສານຕ່າງໆທີ່ຢູ່ໃນຄວາມຮັບຜິດຊອບຂອງຕົນ;
- ເປັນເຈົ້າການສະເໜີຂັ້ນເທິງເລັ່ງທວງພາກສ່ວນກ່ຽວຂ້ອງໃນການຈັດຕັ້ງປະຕິບັດງົບປະມານ ແລະ ແຫຼ່ງລາຍຮັບອື່ນຕາມກົດໝາຍ ແລະ ລະບຽບການ ກໍານົດເຂົ້າຄັງສະສົມແຫ່ງລັດໃນແຕ່ລະປີ;
- ຄົ້ນຄວ້າ ແລະ ສະເໜີກ່ຽວກັບ ການລົງທຶນພັດທະນາພື້ນຖານໂຄງລ່າງວຽກງານສະສົມແຫ່ງລັດ;
- ສະເໜີ ສ້າງຕັ້ງ, ປັບປຸງ, ຍຸບເລີກ, ໂຮມເຂົ້າແຍກອອກ ກົງຈັກການຈັດຕັ້ງ; ສະເໜີແຕ່ງຕັ້ງ, ຍົກ ຍ້າຍ, ປົດຕໍາແໜ່ງຫົວໜ້າ ແລະ ຮອງຫົວໜ້າພະແນກຂອງກົມ; ສັບຊ້ອນໝູນວຽນລັດຖະກອນວິຊາການ; ສະເໜີ ຍ້ອງຍໍ, ປະຕິບັດນະໂຍບາຍ (ເລື່ອນຊັ້ນ, ເລື່ອນຂັ້ນ ແລະ ອື່ນໆ) ແລະ ປະຕິບັດວິໄນ ຕໍ່ພະນັກງານ-ລັດຖະກອນ ທີ່ຢູ່ພາຍໃຕ້ຄວາມຮັບຜິດຊອບຂອງກົມ;
- ນຳໃຊ້ງົບປະມານ, ພາຫະນະ ແລະ ອຸປະກອນຕ່າງໆ ຕາມການແບ່ງປັນ ຂອງກະຊວງການເງິນ ແລະ ຕາມລະບຽບການ;
- ສະເໜີຂໍອະນຸມັດເປີດບັນຊີເງິນຝາກສະເພາະ ຢູ່ຄັງເງິນແຫ່ງຊາດ ຕາມກົດໝາຍ ແລະ ລະບຽບການ;
- ປະຕິບັດສິດອື່ນ ຕາມກົດໝາຍ, ລະບຽບການ ແລະ ການມອບໝາຍຂອງລັດຖະມົນຕີກະຊວງການເງິນ.
State Reserve Department
Contact
Content
Tel/Fax:
Email:
