ຊຸກຍູ້ວຽກງານການກວດກາລັດ ແລະ ວຽກງານກວດກາໂຄງການລົງທຶນລັດ ຂອງອົງການກວດກາແຫ່ງລັດ ຢູ່ກະຊວງການເງິນ.

                ໃນຫວ່າງບໍ່ດົນຜ່ານມານີ້  ກົມກວດກາກະຊວງການເງິນໄດ້ຈັດກອງປະຊຸມ ຊຸກຍູ້ວຽກງານການກວດກາລັດ ແລະ ວຽກງານກວດກາໂຄງການລົງທຶນຂອງລັດ ຂອງອົງການກວດກາແຫ່ງລັດ ໂດຍການປະທານຮ່ວມ ຂອງທ່ານ ປອ ພູທະນູ ເພັດໄຊສົມບັດ ຮອງລັດຖະມົນຕີກະຊວງການເງິນ ແລະ ທ່ານ ໄຊຄຳ ອຸ່ນມີໄຊ ຮອງປະທານຄະນະກວດກາສູນກາງພັກ, ຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີຫົວໜ້າກົມກວດກາກະຊວງການເງິນ, ມີຫົວໜ້າ-ຮອງຫົວໜ້າພະແນກ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

          ໃນກອງປະຊຸມ ທ່ານ ຮອງລັດຖະມົນຕີກະຊວງການເງິນ ຍັງໃຫ້ຮູ້ວ່າ ໃນການ ຕິດຕາມຊຸກຍູ້ວຽກງານກວດກາລັດ ແລະ ວຽກງານກວດກາໂຄງການລົງທຶນຂອງລັດ ຂອງອົງການກວດກາ ແຫ່ງລັດ ຢູ ກະຊວງການເງິນ ຊື່ງວຽກງານດັ່ງກ່າວ ກໍ່ເປັນວຽກງານໜຶ່ງ ທີ່ສຳຄັນ ແລະ ຕິດພັນກັບການ ນຳພາ-ຊີ້ນຳໂດຍກົງຂອງຄະນະພັກກະຊວງການເງິນ ໃນການຊຸກຍູ້, ຕິດຕາມ, ກວດກາ ບັນດາໜ້າທີ່ວຽກ ທີ່ໄດ້ຮັບການມອບໝາຍໃນຂົງເຂດການເງິນແຕ່ສູນກາງ ຮອດທ້ອງຖິ່ນ ທັງເປັນການ ສະກັດກັ້ນຕ້ານການ ສໍ້ລາດບັງຫຼວງ ແລະ ປະກົດການຫຍໍ້ທໍ້ຕ່າງໆ ໃນຖັນແຖວ-ພະນັກງານຂະແໜງການເງິນ. ຈຶ່ງເປັນສ່ວນໜຶ່ງທີ່ຈະນໍາໄປສູ່ການຊ່ວຍ ຄະນະພັກ-ຄະນະນຳ ກະຊວງການ ເງິນ ໃນການປັບປຸງຕິດຕາມ, ກວດກາວຽກງານກວດກາລັດ ແລະ ວຽກງານກວດກາໂຄງການລົງທຶນຂອງ ລັດ ຢູ່ກະຊວງການເງິນ ໃຫ້ຖືກຕ້ອງຕາມລະບຽບການທີ່ໄດ້ກຳນົດໄວ້ 

ພ້ອມກັນນັ້ນ ກົມກວດກາກະຊວງການເງິນ, ກໍ່ໄດ້ລາຍງານໂດຍລວມກ່ຽວກັບສະພາບການຈັດຕັ້ງປະຕິບັດວຽກງານກວດກາພາຍໃນກະຊວງການເງິນ ໃນໄລຍະຜ່ານມາ ແລະ ຈະໄດ້ຮັບຟັງການເຜີຍແນະນຳບາງເອກະສານກ່ຽວກັບຂັ້ນຕອນການກວດກາ ໂຄງການລົງທຶນຂອງລັດນຳອີກດ້ວຍ.

ພາບ/ຂ່າວ:
ວັນທີອອກຂ່າວ:

12/09/2022

ວັນທີເກິດຂ່າວ:
Close Menu
Top