ສໍາເລັດກອງປະຊຸມຄົບຄະນະບໍລິຫານງານພັກ ເປີດກ້ວາງ ຄັ້ງທີ 5 ສະໄໝທີ III

ກອງປະຊຸມຄົບຄະນະບໍລິຫານງານພັກ ເປີດກວ້າງ ຄັ້ງທີ 5 ສະໄໝທີ III ຂອງອົງຄະນະພັກກະຊວງການເງິນ, ໄດ້ດໍາເນີນມາເປັນເວລາ 3 ວັນ ແລະ ສໍາເລັດໃນວັນທີ 7 ມັງກອນ 2022 ທີ່ຜ່ານມາ, ໂດຍການເປັນປະທານກອງປະຊຸມຂອງສະຫາຍ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາຄະນະບໍລິຫານງານພັກ  ລັດຖະມົນຕີກະຊວງການເງິນ, ມີບັນດາສະຫາຍຮອງເລຂາຄະນະພັກ, ຄະນະປະຈໍາພັກ, ກໍາມະການຄະນະພັກ, ຄະນະພັກ-ຄະນະນໍາແຕ່ລະຂັ້ນຂອງກະຊວງການເງິນເຂົ້າຮ່ວມ.

ໃນກອງປະຊຸມໄດ້ພ້ອມກັນຄົ້ນຄວ້າປະກອບຄໍາຄິດຄໍາເຫັນ ໃສ່ບົດສະຫຼຸບການຈັດຕັ້ງປະຕິບັດຂອງຄະນະບໍລິຫານງານພັກກະຊວງໃນການຊີ້ນໍາ-ນໍາພາ ຕະຫຼອດປີ 2021 ຜ່ານມາ, ກອງປະຊຸມໄດ້ເປັນເອກະພາບຕໍ່ບົດຕີລາຄາການນໍາພາ-ຊີ້ນໍາຂອງຄະນະບໍລິຫານງານພັກກະຊວງ ທີ່ໄດ້ກໍານົດໃນມະຕິໃນກອງປະຊຸມແຕ່ລະຄັ້ງທີ່ຜ່ານມາ, ມີຄວາມເປັນເອກະພາບຕໍ່ບົດຕີລາຄາກ່ຽວກັບແຜນພັດທະນາຂະແໜງການເງິນໃນໜຶ່ງປີຜ່ານມາ ແລະ ທິດທາງແຜນການໃນປີ 2022  ເອກະພາບຕໍ່ບົດສະຫຼຸບກ່ຽວກັບວຽກງານພັກພະນັກງານການປັບປຸງກົງຈັກຂອງຂະແໜງ ການເງິນ, ບົດສະຫຼຸບວຽກງານກວດກາພັກ, ກວດກາລັດ  ແລະ ວຽກງານການແກ້ໄຂຜົນການກວດສອບໃນໜຶ່ງປີຜ່ານມາ ແລະ ທັງໄດ້ມີການເປີດການດໍາເນີນຊີວິດການເມືອງພາຍໃນຄະນະບໍລິຫານງານພັກໄດ້ມີການສໍາຫຼວດຕີລາຄາປະເມີນຜົນຕົນເອງໃນການຊີ້ນໍາ-ນໍາພາ.

ໂອກາດດັ່ງກ່າວ,ສະຫາຍ ບຸນໂຈມ ອຸບົນປະເສີດ ໄດ້ໃຫ້ກຽດໂອ້ລົມເພື່ອເປັນທິດຊີ້ນໍາໃນການຈັດຕັ້ງປະຕິບັດວຽກງານໃນຕໍ່ໜ້າໂດຍໃຫ້ຮູ້ວ່າ:ປີ 2022 ເປັນປີທີ່ອົງຄະນະພັກກະຊວງການເງິນຕ້ອງໄດ້ມີຄວາມຕັດສິນໃຈຫຼາຍບັນຫາເພື່ອສູ້ຊົນແກ້ໄຂໃນການນໍາພາຊີ້ນໍາຂອງອົງຄະນະພັກໃຫ້ມີຄວາມສໍາເລັດ ເປັນປີທີ່ມີຫຼາຍຈຸດສຸມທີ່ຕ້ອງໄດ້ນໍາພາຊີ້ນໍາ,  ພ້ອມທັງເນັ້ນບັນດາຄາດໝາຍທີ່ຈະຕ້ອງໄດ້ສູ້ຊົນເພື່ອສ້າງທ່າຫັນປ່ຽນໃນຂົງເຂດຂະແໜງການເງິນ, ໂດຍສູ້ຊົນເພີ່ມລາຍຮັບພາຍໃນຂຶ້ນຈາກລາຍຮັບປັດຈຸບັນ, ສູ້ຊົນອັດຊ່ອງຫວ່າງການຮົ່ວໄຫຼຂອງລາຍຮັບງົບ ປະມານຢ່າງຈິງຈັງ, ສູ້ຊົນຂຸດຄົ້ນຈາກແຫຼ່ງລາຍຮັບທີ່ຄາດຄະເນເປັນແຫຼ່ງລາຍຮັບໃໝ່,ຕັດບັນຫາການສ້າງແຜນເກີນຄວາມຈິງ,  ຕ້ອງຮູ້ ແລະ ກໍາໄດ້ບັນຫາພື້ນຖານທີ່ຕົນຮັບຜິດຊອບ, ກ້າຕັດສິນໃຈແກ້ໄຂບັນຫາໃຫ້ເປັນຮູບປະທໍາ, ເຫັນໄດ້ບັນດາຄາດໝາຍຈຸດສຸມທີ່ຕ້ອງປັບປຸງເປັນແຜນດໍາເນີນງານ, ຕ້ອງມີແນວຄວາມຄິດໃໝ່ໆເພື່ອສ້າງວິທີການ ນໍາພາແບບໃໝ່, ມີການປະເມີນຄວາມຮູ້ຄຸນທາດການເມືອງການບໍລິຫານພັກ ແລະສຸມໃສ່ແກ້ໄຂບັນຫາປະກົດການຫຍໍ້ທໍ້ໃນຂະແໜງການເງິນ ໂດຍແກ້ໄຂໃຫ້ເປັນລະບົບ ຕີຖອຍບັນຫາ ໃນແຕ່ລະໜ່ວຍພັກ.

        ທັງນີ້, ກໍ່ເພື່ອໃຫ້ນໍາເອົາໄປຈັດຕັ້ງປະຕິບັດໃຫ້ໄດ້ຮັບຜົນສໍາເລັດເປັນກ້າວໆ.

ພາບ/ຂ່າວ:
ວັນທີອອກຂ່າວ:

12/01/2022

ວັນທີເກິດຂ່າວ:

07/01/2022

Close Menu
Top