ກະຊວງການເງິນ ຈັດພິທີປູກຕົ້ນໄມ້ ເນື່ອງໃນໂອກາດວັນທີ 1 ມິຖຸນາ

ໃນຕອນເຊົ້າຂອງວັນທີ 1 ມິຖຸນາ 2021 ກະຊວງການເງິນ, ໄດ້ຈັດພິທີປູກຕົ້ນໄມ້ເນື່ອງໃນໂອກາດວັນທີ1 ມິຖຸນາ (ວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ), ໂດຍການເຂົ້າຮ່ວມຂອງທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນ, ມີທ່ານ ຮອງລັດຖະມົນຕີກະຊວງການເງິນ, ມີຫົວໜ້າຫ້ອງການ, ບັນດາຫົວໜ້າກົມ, ຮອງກົມ, ສະຖາບັນ, ພ້ອມດ້ວຍພະນັກງານລັດຖະກອນເຂົ້າຮ່ວມຢ່າງເປັນຂະບວນຟົດຟື້ນ.

ເນື່ອຫາຂອງຂ່າວ

ຈຸດປະສົງເພື່ອເປັນການສະເຫຼີມສະຫຼອງວັນປູກຕົ້ນໄມ້ແຫ່ງຊາດ, ຄະນະພັກ, ຄະນະນໍາ, ພ້ອມດ້ວຍພະນັກ ງານລັດຖະກອນຂອງກະຊວງການເງິນ, ໄດ້ພ້ອມກັນຈັດກິດຈະກໍາສະເຫຼີມສະຫຼອງວັນດັ່ງກ່າວຂຶ້ນໂດຍການຈັດໃຫ້ມີກິດຈະກໍາປູກຕົ້ນໄມ້,  ທັງເປັນການສ້າງບັນຍາກາດ ແລະ ຄວາມສາມັກຄີມິດຕະພາບລະຫວ່າງພະນັກງານຂອງກະ

 

ຊວງການການເງິນ,ອັນເປັນການປະກອບສ່ວນເຮັດໃຫ້ການຟື້ນຟູພື້ນທີ່ດັ່ງກ່າວໃຫ້ກາຍເປັນພື້ນທີ່ສີຂຽວເພີ່ມຄວາມອຸດົມສົບູນໃຫ້ແກ່ທຳມະຊາດ ແລະ ເພີ່ມທະວີຄວາມປົກຫຸ້ມຂອງປ່າໃຫ້ໄດ້ຫຼາຍຂຶ້ນ, ເພື່ອປົກປັກຮັກສາ ແລະ ພັດ ທະນາຊັບພະຍາກອນທຳມະຊາດ, ສິ່ງແວດລ້ອມໃຫ້ມີຄວາມອຸດົມສົມບູນ, ທັງເປັນການປູກຈິດສຳນຶກໃຫ້ແກ່ພະ ນັກງານ-ລັດຖະກອນມີຈິດສຳນຶກຮັກສາຕໍ່ສິ່ງແວດລ້ອມ ແລະ ເປັນການປະຕິບັດຕາມຄຳຂວັນ ສີຂຽວ ຂອງອຳນາດການປົກຄອງນະຄອນຫຼວງວຽງຈັນວາງອອກ ນຳອີກດ້ວຍ.

ພາບ/ຂ່າວ:
ວັນທີອອກຂ່າວ:
ວັນທີເກິດຂ່າວ:
Close Menu
Top