ຄະນະນໍາ-ສະມາຊິກພັກພະນັກງານ ກະຊວງການເງິນ ຢ້ຽມຢາມທັດສະນະຫໍພິພິທະພັນປ້ອງກັນຄວາມສະຫງົບ

ເນື່ືອງໃນໂອກາດວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນ ຄົບຮອບ 60 ປີ (5 ເມສາ 1961 ຫາ 5 ເມສາ 2021 ), ໃນວັນທີ 31 ມີນາ 2021  ຄະນະນໍາ ສະມາຊິກພັກ-ພະນັກງານກະຊວງການເງິນ, ນໍາໂດຍ ທ່ານ ສົມບູນ ອິນທະປັດຖາ ຫົວໜ້າຫ້ອງການກະຊວງການເງິນ, ພ້ອມດ້ວຍຄະນະໄດ້ເຂົ້າຢຽມຊົມຫໍພິພິທະພັນປ້ອງກັນຄວາມສະຫງົບປະຊາຊົນ, ໂດຍການຕ້ອນຮັບຂອງທ່ານ ພັທ ນາງ ແກ້ວອຸດອນ ແກ້ວລາວົງ ຫົວໜ້າຫໍພິພິທະພັນປ້ອງກັນຄວາມສະຫງົບປະຊາຊົນ ແລະ ສະມາຊິກພະນັກງານພາຍໃນເຂົ້າຮ່ວມ.

ຫໍພິພິທະພັນປ້ອງກັນຄວາມສະຫງົບປະຊາຊົນໄດ້ກໍາເນີດຂຶ້ນໃນປີ 1977 ເປັນຫ້ອງວາງສະແດງນ້ອຍໆຢູ່ໃນຫ້ອງສະແດງມູນເຊື້ອກອງທັບປະຊາຊົນລາວມີຮູບພາບ ແລະ ວັດຖຸພັນພຽງ 30 ກ່ວາຊະນິດ, ມາຮອດຕົ້ນປີ 2006 ຫໍວາງສະແດງມູນເຊື້ອກໍາລັງປ້ອງກັນຄວາມສະຫງົບໄດ້ເປີດງານສະແດງຢ່າງເປັນທາງການ, ຊຶ່ງຕັ້ງຢູ່ພາຍໃນບໍລິເວນກະຊວງມີເນື້ອທີ່ທັງໜົດ 2.600 ຕາແມັດມີ 5 ພາກວາງສະແດງມີຮູບພາບທັງໜົດ 365 ແຜ່ນ ແລະ ວັດຖຸພັນ 385 ຊະນິດ, ຕັ້ງຢູໃນໃຈກາງເມືອງນະຄອນຫຼວງວຽງຈັນມີເນື້ອທີ່ທັງໜົດ 9.100 ຕາແມັດເນື້ອທີ່ວາງສະແດງ 7.397 ຕາແມັດມີຮູບພາບທັງໜົດ 541 ແຜ່ນວັດຖຸພັນ ແລະ ເຄື່ອງສິນເສິກຕ່າໆງ 1.000 ກ່ວາລາຍການ, ໄດ້ແບ່ງອອກເປັນ 9 ພາກວາງສະແດງຄື: ວາງສະແດງພາຍໃນ 8 ພາກ ແລະ ກາງແຈ້ງ 1 ພາກ. ນອກນີ້ ການວາງສະແດງພາຍໃນເວົ້າເຖີງຄວາາມຮັ່ງມີສວຍງາມຂອງປະເທດລາວ ຄວາມອົງອາດກ້າຫານຂອງບັນພະບູລຸດ ແລະ ປະຊາົຊົນບັນດາເຜົ່າ, ການກໍາເນີດເກີດຂອງກະຊວງການພາຍໃນໄດ້ກາຍເປັນຂີດໝາຍທາງປະຫວັດສາດ ແຫ່ງການກໍາເນີດຂອງກໍາລັງປ້ອງກັນຄວາມສະຫງົບປະຊາຊົນ. 

ພາບ/ຂ່າວ:

ຂ່າວ-ພາບ: ທ ພອນໄຊ ມັງໜໍ່ເມກ  

ວັນທີອອກຂ່າວ:

02/04/2021

ວັນທີເກິດຂ່າວ:

31/03/2021

Close Menu
Top