ທ່ານ ບຸນໂຈມ ອຸບົນປະເສີດ ຕ້ອນຮັບຫົວໜ້າຫ້ອງການ ADB ປະຈໍາລາວ

ໃນວັນທີ 25 ກຸມພາ 2021 ທີ່ກະຊວງການເງິນ, ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ພ້ອມດ້ວຍຄະນະໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ນາງ ໂຊໂນມິ ທານາກະ (Ms. Sonomi Tanaka) ຫົວໜ້າຫ້ອງການທະນາຄານພັດທະນາອາຊີ (ADB) ປະຈໍາສປປ ລາວ ຄົນໃໝ່. 

ໂອກາດນີ້, ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ, ໄດ້ສະແດງຄວາມຍິນດີຕ້ອນຮັບທ່ານ ນາງ ໂຊໂນມິ ທານາກະ (Ms. Sonomi Tanaka) ພ້ອມທັງສະແດງຄວາມຂອບໃຈຕໍ່ການຮ່ວມມື ແລະ ການຊ່ວຍເຫຼືອຂອງອົງການ (ADB) ຕໍ່ສປປ ລາວ ໃນໄລຍະຜ່ານມາໂດຍສະເພາະແມ່ນຊ່ວຍເຫຼືອດ້ານເງິນກູ້ຢືມ, ເງິນຊ່ວຍເຫຼືອລ້າ ແລະ ການຊ່ວຍເຫຼືອທາງດ້ານວິຊາການ, ບົນພື້ນຖານການສ້າງຍູຸດທະສາດການຮ່ວມມືກັບ ສປປ ລາວ ທີ່ສະໜັບສະໜູນວຽກງານບູລິມະສິດ ຕາມທີ່ກໍານົດໃນແຜນພັດທະນາເສດຖະກິດສັງຄົມ ແຕ່ລະໄລຍະຜ່ານມາ. 

ພ້ອມນີ້ ທ່ານ ນາງ ໂຊໂນມິ ທານະກະ ຫົວໜ້າຫ້ອງການ ADB, ໄດ້ສະແດງຄວາມຂອບໃຈເປັນຢ່າງສູງມາຍັງລັດຖະບານແຫ່ງ ສປປ ລາວ ທີ່ໄດ້ໃຫ້ການຮ່ວມມືໃນການປະຕິບັດວຽກງານຂອງອົງການ ADB ປະຈໍາ ສປປ ລາວ ເວົ້າລວມເວົ້າສະເພາະກໍຄື ກະຊວງການເງິນ ທີ່ໃຫ້ຄວາມສໍາຄັນເຂົ້າໃນການຮ່ວມມືກັບອົງການ ADB ໃຫ້ການຊ່ວຍເຫຼືອທີ່ຜ່ານມາ.

ພາບ/ຂ່າວ:

ຂ່າວ-ພາບ: ທ ພອນໄຊ ມັງໜໍ່ເມກ – ນ ມີ່ມີ

ວັນທີອອກຂ່າວ:

26/02/2021

ວັນທີເກິດຂ່າວ:

25/02/2021

Close Menu
Top