ຄະນະບໍລິຫານງານສະຫະພັນກໍາມະບານກະຊວງ ເຜີຍແຜ່ມູນເຊື້ອ ແລະ ຜົນສໍາເລັດກອງປະຊຸມໃຫ່ຍຜູ້ແທນກໍາມະບານ

ໃນທາມກາງບັນຍາກາດ ທົ່ວພັກ ທົ່ວລັດທົ່ວປວງຊົນບັນດາເຜົ່າ, ກໍາລັງສ້າງຜົນງານເພື່ອຕ້ອນຮັບວັນສໍາຄັນຂອງຊາດ, ໂດຍສະເພາະວັນສ້າງຕັ້ງກໍາມະບານລາວທີ່ມີຄວາມໝາຍສໍາຄັນທາງປະຫວັດສາດ ແລະ ປະຕິບັດຕາມການເຫັນດີຂອງສະຫາຍເລຂາຄະນະພັກກະຊວງການເງິນ.

ໃນອາທິດຜ່ານມາທີ່ຫ້ອງປະຊຸມໃຫ່ຍກະຊວງການເງິນ, ຄະນະບໍລິຫານງານ ສະຫະພັນກໍາມະບານກະ ຊວງ, ໄດ້ຈັດກອງປະຊຸມຮັບຟັງການເຜີຍແຜ່ມູນເຊື້ອ ແລະ ການເຕີບໃຫຍ່ຂະຫຍາຍຕົວຂອງກຳມະບານລາວ, ເຜີຍແຜ່ຜົນສໍາເລັດຂອງກອງປະຊຸມໃຫ່ຍຜູ້ແທນກໍາມະບານທົ່ວປະເທດ ຄັ້ງທີ VIII, ຜົນສໍາເລັດກອງປະຊຸມໃຫຍ່ຜູ້ແທນກໍາມະບານກະຊວງການເງິນ ຄັ້ງທີ V, ໂດຍການເປັນປະທານຂອງສະຫາຍ ບຸນປະເສີດ ສີກຸນລະບຸດ ຄະນະບໍລິຫານງານສູນກາງສະຫະພັນກໍາມະບານລາວ, ປະທານສະຫະພັນກໍາມະບານກະຊວງການເງິນ, ມີບັນດາສະຫາຍ ຄະນະບໍລິຫານງານສະຫະພັນກໍາມະບານກະຊວງ, ຫົວໜ້າໜ່ວຍ, ຄະນະໜ່ວຍ ແລະ ສະມາຊິກກໍາມະບານອ້ອມຂ້າງກະຊວງການເງິນເຂົ້າຮ່ວມ.

ໂອກາດນີ້, ສະຫາຍ ບຸນປະເສີດ ສີກຸນລະບຸດ ໄດ້ເຜີຍແຜ່ມູນເຊື້ອກໍາເນີດ ແລະ ເຕີບໃຫາຍຂະຫຍາຍຕົວຂອງອົງການຈັດຕັ້ງກໍາມະບານລາວ (ແຕ່ວັນທີ 01 ກຸມພາ 1956 ຫາ 01 ກຸມພາ 2021) ຍົກໃຫ້ເຫັນຜົນສໍາເລັດ ແລະ ການເຕີບໃຫາຍຂະຫຍາຍຕົວແຕ່ລະໄລຍະ. ພ້ອມກັນນີ້, ຍັງໄດ້ເຜີຍແຜ່ຜົນສໍາເລັດຂອງກອງປະຊຸມໃຫຍ່ຜູ້ແທນກໍາມະບານທົ່ວປະເທດ ຄັ້ງທີ VIII, ເຜີຍແຜ່ຜົນສໍາເລັດກອງປະຊຸມໃຫຍ່ຜູ້ແທນກໍາມະບານກະຊວງການເງິນ ຄັ້ງທີ V.

ໃນກອງປະຊຸມຍັງໄດ້ສະເໜີເອກະສານຈໍານວນໜຶ່ງ ແລະ ແຜນການທິດທາງວຽກງານຂອງສະຫະພັນກໍາມະບານກະຊວງການເງິນໃນຕໍ່ໜ້ານໍາອີກດ້ວຍ.

ພາບ/ຂ່າວ:

ພາບ-ຂ່າວ: ນາງ ຫນູແດງ ບຸນປັນ

ວັນທີອອກຂ່າວ:

23/02/2021

ວັນທີເກິດຂ່າວ:
Close Menu
Top