ກອງປະຊຸມໃຫ່ຍຜູ້ແທນອົງຄະນະພັກກະຊວງ ການເງິນ ຄັ້ງທີ III ໄດ້ໄຂຂຶ້ນເປັນທາງການ

ກອງປະຊຸມໃຫ່ຍຜູ້ແທນອົງຄະນະພັກກະຊວງການເງິນ ຄັ້ງທີ III ໄດ້ໄຂຂຶ້ນຢ່າງເປັນທາງການ ໃນວັນທີ 19ພະຈິກ 2020 ຢູ່ທີ່ຫ້ອງປະຊຸມໃຫ່ຍກົມສ່ວຍສາອາກອນ, ໂດຍການເປັນກຽດເຂົ້າຮ່ວມຂອງ ສະຫາຍ ພັນຄຳ ວິພາວັນ ກົມການເມືອງສູນກາງພັກ, ຜູ້ະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ລາວ, ມີສະຫາຍ ສົມດີ ດວງດີ ກໍາມະການສູນກາງພັກ, ເລຂາຄະນະບໍລິຫານງານພັກ, ຮອງນາຍົກລັດຖະມົນຕີ, ລັດຖະມົນຕີກະ ຊວງການເງິນ, ສະຫາຍ ບຸນໂຈມ ອຸບົນປະເສີດ ຮອງເລຂາຄະນະບໍລິຫານງານພັກກະຊວງການເງິນ, ປະທານກວດກາຄະ ນະບໍລິຫານງານພັກ, ຮອງລັດຖະມົນຕີກະຊວງການເງິນ, ສະຫາຍ ບຸນເຫຼືອ ສິນໄຊວໍຣະວົງ ຄະນະບໍລິຫານພັກກະຊວງການເງິນຮອງລັດຖະມົນຕີກະຊວງການເງິນ, ຄະນະຈັດຕັ້ງສູນກາງພັກ, ມີບັນດາສະຫາຍໃນຄະນະບໍລິຫານງານພັກ, ເລຂາໜ່ວຍພັກຮາກຖານ, ເລຂາໜ່ວຍພັກ, ແຂກຖືກເຊີນ, ພ້ອມດ້ວຍຜູ້ແທນສົມບູນຈຳນວນເຂົ້າຮ່ວມ.

ໃນກອງປະຊຸມ, ສະຫາຍ ສົມດີ ດວງດີ ໄດ້ຂຶ້ນລາຍງານຜ່ານບົດລາຍງານການເມືອງຕໍ່ກອງປະຊຸມໃຫ່ຍຜູ້ແທນອົງຄະນະພັກກະຊວງການເງິນ ຄັ້ງທີ III ຊຶ່ງເປັນເປັນຂີດໝາຍຢັ້ງຢືນຄວາມເຕີບໃຫ່ຍເຂັ້ມແຂງຂອງຂະແໜງການເງິນ ແລະ ໄດ້ພ້ອມກັນສະຫຼຸບຕີລາຄາການປະຕິບັດມະຕິກອງປະຊຸມໃຫ່ຍສະໄໝຜ່ານມາ, ຍົກໃຫ້ເຫັນຜົນງານອັນພົ້ນເດັ່ນຈຸດອອ່ນຂໍ້ຄົງຄ້າງ, ສາຍເຫດ ແລະ ບົດຮຽນໃນການຊີ້ນຳ-ນຳພາໃນສະໄໝຜ່ານມາ, ເພື່ອສ້າງຄວາມເຂັ້ມແຂງໃຫ້ແກ່ການຄຸ້ມຄອງເສດຖະກິດມະຫາພາກ, ເພື່ອເປັນການປັບປຸງຄວາມເຂັ້ມແຂງໃນການຄຸ້ມຄອງການເງິນງົບປະມານ ຮັບປະກັນການຂະຫຍາຍໂຕທາງດ້ານເສດຖະກິດແຫ່ງຊາດໃຫ້ມີຄວາມຕໍ່ເນື່ອງເປັນຕົ້ນ: ການແກ້ໄຂບັນຫາການຮົ່ວໄຫຼຂອງງົບປະມານ ແລະ ປັບປຸງນິຕິກໍາຂອງຂະແຫນງການເງິນຫຼາຍສະບັບ, ການຫັນການຄຸ້ມຄອງການເກັບລາຍຮັບເປັນທັນສະໄໝດໍາເນີນມາດຕະການປະຢັດລາຍຈ່າຍງົບປະມານຢ່າງເຂັ້ມງວດ, ການແກ້ໄຂໜີ້ສິນສາທາລະນະໃຫ້ສາມາດຄຸ້ມຄອງໄດ້ໂດຍຈໍາກັດການກູ້ຢືມໃໝ່ ແລະ ອື່ນໆ, ຊຶ່ງໄດ້ຜັນຂະຫຍາຍມາເປັນແຜນງົບປະມານແຫ່ງລັດ 5 ປີ ແລະ ຜັນຂະຫຍາຍມາເປັນແຜນວຽກລະອຽດທີ່ຕິດພັນກັບແຜນງົບປະມານແຫ່ງລັດປະຈໍາແຕ່ລະປີ.

ໃນກອງປະຊຸມ ຮັບຟັງການສະເໜີຮ່າງແຜນພັດທະນາຂະແໜງການເງິນ ໄລຍະປີ 20212025, ວຽກງານນະໂຍບາຍການເງິນ ແລະ ນິຕິກໍາ, ວຽກງານຄຸ້ມຄອງການເກັບລາຍຮັບງົບປະມານແຫ່ງລັດ, ວຽກງານຫັນເປັນທັນສະໄໝຂອງຂະແໜງການເງິນ ແລະ ວຽກງານສາມອົງການຈັດຕັ້ງມະຫາຊົນກະຊວງການເງິນ. ພ້ອມນັ້ນ, ໃນກອງປະຊຸມໃຫ່ຍຄັ້ງນີ້ ຍັງໄດ້ປ່ອນບັດເລືອກຕັ້ງເອົາຄະນະພັກກະຊວງການເງິນຊຸດໃໝ່ບົນພື້ນຖານຫຼັກການລວມສູນປະຊາທິປະໄຕ ທັງຖືກຕ້ອງສອດຄ່ອງກັບມາດຖານເງື່ອນໄຂທີ່ກໍານົດໄວ້ ເພາະຄະນະພັກກະຊວງການເງິນຊຸດໃໝ່ຈະເປັນຕົວແທນໃຫ້ບັນດາສະມາຊິກພັກ.

ສ່ວນວາລະດຳເນີນກອງປະຊຸມໃຫ່ຍໃນຕອນເຊົ້າວັນທີ 20 ພະຈິກ 2020  ປະກາດຜົນກອງປະຊຸມຄັ້ງປະຖົມມະລຶກ, ປະກາດບັນດດາຜູ້ແທນສົມບູນ, ສໍາຮອງເຂົ້າຮ່ວມໃຫຍ່ຄັ້ງທີ X ຂອງພັກ ແລະ ຮັບຟັງການໂອ້ລົມຂອງສະຫາຍ ພັນຄຳ ວິພາວັນ ກົມການເມືອງສູນກາງພັກ, ຜູ້ະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ລາວ ເພື່ອເປັນທິດຊີ້ນຳ-ນຳພາປະຕິບັດມະຕິກອງປະຊຸມໃຫ່ຍຄັ້ງນີ້ໃຫ້ມີຜົນສຳເລັດ. 

ພາບ/ຂ່າວ:
ວັນທີອອກຂ່າວ:

19/11/2020

ວັນທີເກິດຂ່າວ:

19/11/2020

Close Menu
Top