ຮອງນາຍົກ ຕ້ອນຮັບເອກອັກຄະລັດຖະທູດ ອົດສະຕຣາລີ ເຂົ້າຢ້ຽມອຳລາ

ໃນອາທິດທີຜ່ານມາທີ່ກະຊວງການເງິນ, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ຈອ໋ງເບີນາດ ຄາຣາສໂກ (JeanBernard Carrasco) ເອກອັກຄະລັດຖະທູດ ແຫ່ງ ອົດສະຕຣາລີ ປະຈຳ ສປປ ລາວ ໃນໂອກາດສຳເລັດການປະຕິບັດໜ້າທີ່ຢູ່ ສປປ ລາວ.

ໂອກາດນີ້  ທ່ານ ຈອ໋ງເບີນາດ ຄາຣາສໂກ ເອກອັກຄະລັດຖະທູດ ແຫ່ງ ອົດສະຕຣາລີ ປະຈຳ ສປປ ລາວ ໄດ້ສະແດງຄວາມຮູ້ບຸນຄຸນຄໍ່ລັດຖະບານ ສປປລາວ ໂດຍສະເພາະທ່ານຮອງນາຍົກລັດຸະມົນຕີກະຊວງການເງິນທີ່ໄດ້ອຳນວຍຄວາມສະດວກ ແລະໃຫ້ການຮ່ວມມືຕະຫຼອດໄລຍະການປະຕິບັດໜ້າທີເປັນເອກອັກຄະລັດຖະທູດ ແຫ່ງ ອົດສະຕຣາລີ ປະຈຳ ສປປ ລາວ ໃນການປະກອບສ່ວນອັນສໍາຄັນເຂົ້າໃນການພົວພັນຮ່ວມມື, ເສີມຂະຫຍາຍສາຍພົວພັນ ມິດຕະພາບ ແລະ ຮ່ວມມືລະຫວ່າງສອງປະເທດ ລາວ ອົດສະຕຣາລີ.

ໂອກາດດຽວກັນທ່ານ ສົມດີ ດວງດີ ໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ທ່ານເອກອັກຄະລັດຖະທູດ ແຫ່ງ ອົດສະຕຣາລີ ປະຈຳ ສປປ ລາວ ທີ່ໄດ້ເອົາໃຈໃສ່ປະຕິບັດໜ້າທີ່ທາງການທູດ, ຊຶ່ງໄດ້ປະກອບສ່ວນອັນສຳຄັນ ແລະ ຊ່ວຍເຫຼືອສປປ ລາວ ໃນການເສີມສ້າງສາຍພົວພັນມີດຈະພາບລະຫວ່າງລາວ-ອົດສະຕຣາລີ ແລະໄດ້ສະແດງຄວາມຂອບໃຈທີ່ລັດຖະບານອົດສະຕາລີທີ່ໃຫ້ການສະໜັບສະໜູນເປັນອຸປະກອນເຄື່ອງຕ່າງໆໃນການຕ້ານ ແລະ ສະກັດກັ້ນການແຜ່ພະຍາດລະບາດໂຄວິດ-19 ນໍາອີກດ້ວຍ.

ພາບ/ຂ່າວ:

                                                                                              ພາບຂ່າວ:ປ່ຽນນິສາ

ວັນທີອອກຂ່າວ:

17/11/2020

ວັນທີເກິດຂ່າວ:
Close Menu
Top