ຄະນະບໍລິຫານງານຊາວໜຸ່ມກະຊວງການເງິນ ຮ່ວມຂະບວນການອອກແຮງງານອະນາໄມທີ່ສຸສານແຫ່ງຊາດ ຫຼັກ24

ເພື່ອເປັນການສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆຂອງຊາດໂດຍສະເພາະວັນຊາດທີ 2 ທັນວາ ຄົບຮອບ 45 ປີ, ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 100 ປີ, ກອງປະຊຸມໃຫຍ່ ຄັ້ງທີ XI ຂອງພັກ, ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ທີ່ຈະຈັດຂຶ້ນໃນມໍ່ໆນີ້ໃຫ້ເປັນຂະບວນການຟົດຟື້ນ.

ໃນວັນທີ 23 ຕຸລາ 2020 ຜ່ານມານີ້, ຄະນະບໍລິຫານງານຊາວໜຸ່ມຈາກ 10 ພາກສ່ວນ, ໄດ້ສ້າງຂະບວນການອອກແຮງງານອະນາໄມ ແລະ ທາສີຂອບສວນດອກໄມ້ທີ່ສຸສານແຫ່ງຊາດ ຫຼັກ24. ໃນນີ້, ຄະນະບໍລິຫານຊາວໜຸ່ມ ປະຊາຊົນ ປະຕິວັດລາວ ກະຊວງການເງິນ, ໄດ້ເຂົ້າຮ່ວມຂະບວນການອະນາໄມດັ່ງກ່າວ, ໂດຍການນຳພາຂອງ ທ່ານ ສົມຈິດ ຄຳມຸງຄຸນ ເລຂາຄະນະບໍລິຫານຊາວໜຸ່ມ ປະຊາຊົນ ປະຕິວັດລາວ ກະຊວງການເງິນ, ພ້ອມດ້ວຍຄະນະ, ສະມາຊິກເຂົ້າຮ່ວມ.

ໂດຍໃຫ້ກຽດເຂົ້າຮ່ວມຂະບວນການດັ່ງກ່າວຂອງທ່ານ ພົນຈັດຕະວາ ວໍລະສານ ວິລັດດາວົງ ກຳມະການຄະນະພັກກະຊວງປ້ອງກັນປະເທດ
ຮອງຫົວໜ້າກົມໃຫຍ່ການເມືອງກອງທັບ ຜູ້ຊີ້ນຳວຽກງານອົງການຈັດຕັ້ງມະຫາ ຊົນຂັ້ນກະຊວງ, ມີຫົວໜ້າຫ້ອງການຊາວໜຸ່ມກອງທັບ, ພ້ອມດ້ວຍບັນດາສະຫາຍເລຂາຄະນະບໍລິຫານງານຊາວ  ໜຸ່ມແຮກສ່ຽວ 8 ພາກສ່ວນ ແລະ ສະມາຊິກຊາວໜຸ່ມ 10 ພາກສ່ວນເຂົ້າຮ່ວມຢ່າງເປັນຂະບວນຟົດຟື້ນ.

 

ສຳລັບຂະບວນການອອກແຮງງານອະນາໄມທີ່ສຸສານແຫ່ງຊາດ ຫຼັກ24 ໄດ້ອະນາໄມປັດກວດໃບໄມ້ ແລະ  ເສດຂີ້ເຫຍື້ອ, ເຊາະຂູດ ແລະ ທາສີຂອບສວນດອກໄມ້ຈຸດປະສົງເພື່ອການຂໍ່ານັບຮັບຕ້ອນວັນສຳຄັນຕ່າງໆຂອງຊາດ. ຄຽງຄູ່ກັນນີ້,ຍັງເພື່ອຮັດແໜ້ນຄວາມສາມາດມັກຄີລະຫວ່າງຄະນະຊາວໜຸ່ມແຮກສ່ຽວ 10 ພາກສ່ວນເປັນ ຕົ້ນ: ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ກະຊວງສຶກສາທິການ ແລະ ກິລາ, ທະນາຄານແຫ່ງ ສປປ ລາວ, ນະຄອນຫຼວງວຽງຈັນ, ກະຊວງຖະແຫຼ່ງຂ່າວ, ວັດທະນາທຳ ແລະ ທ່ອງທ່ຽວ, ກະຊວງແຜນການ ແລະ ການລົງທຶນ, ກະຊວງສາທາລະນະສຸກ, ກະຊວງກະສິກຳປ່າໄມ້ ແລະ ກະຊວງການເງິນ.

ພ້ອມກັນນັ້ນ, ຍັງເປັນການສະແດງເຖິງຄຸນງາມຄວາມດີຕໍ່ອະດີດການນຳ, ພະນັກງານ,ນັກຮົບປະຕິວັດທີ່ໄດ້ເສຍສະຫຼະຊີວິດໃນການຕໍ່ສູ້ປົດປ່ອຍຊາດເມື່ອກ່ອນກໍຄືໄລຍະປົກປັກຮັກສາ ແລະ ສ້າງສາພັດທະນາປະເທດຊາດໃນປັດຈຸບັນເວົ້າລວມເວົ້າສະເພາະເປັນການຮັດແໜ້ນຄວາມສາມັກຄີລະຫວ່າງຄະນະຊາວໜຸ່ມແຮກສ່ຽວ,ສະມາຊິກຊາວໜຸ່ມແຕ່ລະພາກສ່ວນໃຫ້ແໜ້ນແຟ້ນຍິ່ງໆຂຶ້ນ. ທັງເປັນການຮັກສາຄວາມສະອາດສະຖານທີ່ແຫ່ງນີ້ໃຫ້ມີຄວາມສະ ອາດຍືນຍົງ ແລະ ເປັນບ່ອນເຄົາລົບນັບຖືຂອງປວງຊົນລາວທັງຊາດ.

ພາບ/ຂ່າວ:

                (ຈັນທະລາ)

ວັນທີອອກຂ່າວ:

27/10/2020

ວັນທີເກິດຂ່າວ:

23/10/2020

Close Menu
Top