ເຕະບານມິດຕະພາບລະຫວ່າງ ຫ້ອງການກະຊວງການເງິນ ແລະ ຄະນະໂຄສະນາອົບຮົມສູນກາງພັກ (ກົມອົບຮົມ)

ເພື່ອເປັນການສ້າງຂະບວນຢ່າງເປັນປົກກະຕິ ແລະ ຜູກແໜ້ນຄວາມສາມັກຄີຮ່ວມກັນ ລະຫວ່າງ ຫ້ອງການກະຊວງການເງິນ ແລະ ຄະນະໂຄສະນາອົບຮົມສູນກາງພັກ ( ກົມອົບຮົມ), ຈື່ງໄດ້ສ້າງຂະບວນການຈັດກິດຈະກຳກິລາບານເຕະມິດຕະພາບຊາຍ ຂຶ້ນໃນວັນທີ 15 ຕຸລາ 2020 ທີ່ເດີ່ນເຕະບານ ເທບປັນຍາ ນະຄອນຫຼວງວຽງຈັນ.

 

          ໂດຍການນຳພາຂອງ ທ່ານ ສົມບູນ ອິນທະປັດຖາ ຫົວໜ້າຫ້ອງການກະຊວງການເງິນ ແລະ ທ່ານ ຄຳເຄນ ຈັນທະວົງ ຫົວໜ້າກົມອົບຮົມ ຂອງຄະນະໂຄສະນາອົບຮົມສູນກາງພັກ ລັດເຊິ່ງມີບັນດາຄະນະຫ້ອງການ, ຄະນະພະແນກ   ພ້ອມດ້ວຍນັກກິລາເຂົ້າຮ່ວມຢ່າງເປັນຂະບວນຟົດຟື້ນ.

ພ້ອມທັງເປັນການກະກຽມຄວາມພ້ອມຂອງນັກກິລາຂອງຫ້ອງການ ກະຊວງການເງິນ ທີ່ຈະໄດ້ເຂົ້າຮ່ວມການແຂ່ງຂັນກິລາບານເຕະຊາຍຊິງຂັນ ສະຫາຍເລຂາຄະນະບໍລິຫານງານພັກ ກະຊວງການເງິນ ຄັ້ງວັນທີ I  ປະຈໍາປີ 2020.

 

 ຊິ່ງຕະຫຼອດການແຂ່ງຂັນກິລາໃນຄັ້ງນີ້, ໄດ້ດຳເນີນໄປຢ່າງເປັນຂະບວນຟົດຟື້ນ ແລະ ເຕັມໄປດ້ວຍນ້ຳໃຈຈິດມິດຕະພາບທີ່ດີຕໍ່ກັນ ຜ່ານການແຂ່ງຂັນຜົນປາກົດວ່າກິລາບານເຕະຊາຍຫ້ອງການກະຊວງການເງິນ ກັບ ຄະນະໂຄສະນາອົບຮົມສູນກາງພັກ ( ກົມອົບຮົມ),  ສະເໝີ  22 ປະຕູ.

ພາບ/ຂ່າວ:

ພາບ-ຂ່າວ: ປ່ຽນນິສາ

ວັນທີອອກຂ່າວ:

16/10/2020

ວັນທີເກິດຂ່າວ:

15/10/2020

Close Menu
Top