ຄະນະພັກຮາກຖານພະແນກການເງິນແຂວງອັດຕະປື ຮັບຮອງແຜນສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ

ວັນທີ 13 ຕຸລາ 2020 ນີ້ຄະນະພັກຮາກຖານພະແນການເງິນແຂວງອັດຕະປື, ໄດ້ປະກາດຮັບຮອງເອົາແຜນສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຂຶ້ນທີ່ຫ້ອງປະຊຸມສະພາປະຊາຊົນແຂວງ, ໂດຍການເປັນປະທານຂອງ ສະຫາຍ ຄຳເຜີຍ ໂສມຖາວອນ ກຳມະການພັກແຂວງ ເລຂາຄະນະພັກຮາກຖານ ຫົວໜ້າພະແນກການເງິນແຂວງອັດຕະປຶ, ມີເລຂາໜ່ວຍພັກ, ຄະນະໜ່ວຍພັກ, ສະມະຊິກພັກສົມບູນ-ສຳຮອງເຂົ້າຮ່ວມ.

ກອງປະຊຸມສະຫາຍ ຄຳເຜີຍ ໂສມຖາວອນ ເລຂາຄະນະພັກຮາກຖານ ຫົວໜ້າພະແນກການເງິນແຂວງອັດຕະປື ໄດ້ມີຄຳເຫັນວ່າ: ການປະກາດຮັບຮອງເອົາແຜນສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ຄັ້ງນີ້ແມ່ນເປັນການກ້າວເຂົ້າສູ່ການຮັກສາບົດບາດໜ້າທີ່ການນຳພາຂອງພັກກໍ່ຄືການປະຕິບັດໜ້າທີການເມຶອງຂອງສະມະຊິກພັກໃຫ້ມີຄວາມເຂັ້ມແຂງໜັກແໜ້ນ ຮັກສາໄດ້ສະຖຽນລະພາບທາງດ້ານການເມຶອງ ເຮັດໃຫ້ໜ່ວຍພັກກ້າວເຂົ້າສູ່ການປະກາດເປັນໜ່ວຍພັກປອດໃສ ເຂັ້ມແຂງ ໜັກແໜ້ນ ໃນອານາຄົດ.

ໂອກາດດຽວກັນສະຫາຍເລຂາທັງ 5 ໜ່ວຍພັກຄື: ໜ່ວຍພັກຂະແໜງຈັດຕັ້ງ-ບໍລິຫານ ແລະ ຂະແໜງຄຸ້ມຄອງຊັບສິນຂອງລັດ; ໜ່ວຍພັກຂະແໜງງົບປະມານ, ຂະແໜງກວດກາ ແລະ ຂະແໜງບັນຊີ; ໜ່ວຍພັກລັດວິສາຫະກິດການຄ້າຂາອອກ-ຂາເຂົ້າ, ໜ່ວຍພັກກອງກວດກາພາສີ ປະຈໍາແຂວງ, ໜ່ວຍພັກຄັງເງິນແຫ່ງຊາດ ປະຈຳແຂວງ ໄດ້ຂຶ້ນສະຫຼຸບຕີລາຄືນການຈັດຕັ້ງປະຕິບັດວຽກງານໃນໄລຍະຜ່ານມາ. ພ້ອມທັງໄດ້ຕີລາຄາຈຸດດີ ຈຸດອ່ອນ ບົດຮຽນຖອດຖອນໄດ້ ແລະ ຜ່ານແຜນສ້າງໜ່ວຍພັກປອດໃສ ເຂັ້ມແຂງ ໜັກແໜ້ນປີ 2020 ຊຶ່ງແຕ່ລະສະຫາຍຍົກໃຫ້ຜົນສຳເລັດໃນການຊີ້ນຳໆພາໄນໄລຍະຜ່າມາ ແລະ ທັງພ້ອມວາງຄາດໜາຍສູ້ຊົນການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ບົນລະບຽບຫຼັກການຂອງພັກກໍຄື 5 ມາດຖານເງືອນໄຂຂອງການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ເປັນຕົ້ນ: ການພຳພາດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນນຳພາ ແລະ ດ້ານການນຳພາປະຕິບັດໜ້າທີ່ການເມືອງ,

ໂອກາດດຽວກັນກອງປະຊຸມຍັງໄດ້ມີການຜ່ານມະຕິຕົກລົງ ຂອງຄະນະປະຈຳພັກແຂວງ ວ່າດວຍການມອບບັດແດງໃຫ້ແກ່ສະມະຊິກພັກສົມບູນມີຈຳນວນ 13 ສະຫາຍໂດຍການເປັນກຽດຂຶ້ນມອບຂອງສະຫາຍ ຄຳເຜີຍ ໂສມຖາວອນ ເລຂາຄະນະພັກຮາກຖານພະແນກການເງິນແຂວງອັດຕະປື.

ທັງນີ້, ເພືອຕັ້ງໜ້າສູ້ຊົນປະຕິບັດແຜນໃນແຕ່ລະດ້ານໃຫ້ໄດ້ຮັບຜົນສຳເລັດເສີມຂະຫຍາຍມູນເຊື້ອອັນດີງານ ແນ່ໃສ່ເຊີດຊູບົດບາດຄວາມສາມາດການນໍາພາຂອງແຕ່ລະໜ່ວຍພັກ ຮັບປະກັນໃຫ້ພັກມີຄວາມ ປອດໃສ ເຂັ້ມແຂງ ໜັກແໜ້ນ ເພື່ອຍົກສູງຄຸນນະພາບຂອງໜ່ວຍພັກ ສະມະຊິກພັກ ໃຫ້ມີການຫັນປ່ຽນຢ່າງຕັ້ງໜ້າດ້ວຍບາດກ້າວບຸກທະລຸ,ສາມາດເປັນແກນນຳທີ່ເຂັ້ມແຂງ ນຳພາຈັດຕັ້ງປະຕິບັດໜ້າທີ່ການເມືອງທີ່ໄດ້ຮັບການມອບໝາຍໄດ້ຮັບຜົນ ສຳເລັດ. 

ພາບ/ຂ່າວ:

ຂ່າວ: ວັດທະນາ  ແຂວງອັດຕະປື

ວັນທີອອກຂ່າວ:
ວັນທີເກິດຂ່າວ:
Close Menu
Top