ຝຶກອົບຮົມການບໍລິຫານຄຸ້ມຄອງລັດ ໃຫ້ພະນັກງານນຳພາ-ຄຸ້ມຄອງຂະແໜງພາສີ

ໃນລະຫວ່າງວັນທີ 5-16 ຕຸລາ 2020 ນີ້, ທີ່ສະຖາບັນເສດຖະກິດ-ການເງິນ, ກົມຈັດຕັ້ງ ແລະ ພະນັກງານກະຊວງການເງິນ,ໄດ້ຈັດເປີດຊຸດຝຶກອົບຮົມວຽກງານບໍລິຫານຄຸ້ມຄອງລັດ ສຳລັບຜູ້ບໍລິຫານລະດັບກາງ ໃຫ້ແກ່ພະນັກງານນຳພາ-ຄຸ້ມຄອງຂອງຂະແໜງພາສີ.

 

ໂດຍການເຂົ້າຮ່ວມເປັນປະທານ ຂອງທ່ານ ສົມດີ ດວງດີ ຮອງນາຍົົກລັດຖະມົນຕີ ລັດຖະມົນຕີກະຊວງການເງິນ, ມີທ່ານ  ປອ ນາງ ຈັນທາ ອ່ອນໄຊວຽງ  ຫົວໜ້າສະຖາບັນຄົ້ນຄວ້າວິທະຍາສາດການປົກຄອງ ແລະ ຝຶກອົບຮົມກະຊວງພາຍໃນ, ມີທ່ານ ພູເຂົາຄໍາ ວັນນະວົງໄຊ ຫົວໜ້າກົມພາສີ ກະຊວງການເງິນ, ທ່ານ ອຸໄທ ອິນທິລາດ ຮອງຫົວໜ້າກົມຈັດຕັ້ງ ແລະ ພະນັກງານ, ທ່ານ ນາງ ກະເສີມສີ ພົມມະວົງສາ ຫົວໜ້າສະຖາບັນເສດຖະກິດ-ການເງິນ ກະຊວງການເງິນ, ມີນັກວິທະຍາກອນພ້ອມດ້ວຍພະນັກງານຂະແໜງພາສີເຂົ້າຮ່ວມ.

ຈຸດປະສົ່ງການເປີດຊຸດຝຶກອົບຮົມ ວຽກງານບໍລິຫານຄຸ້ມຄອງລັດ ສຳລັບຜູ້ບໍລິຫານລະດັບກາງ ໃຫ້ແກ່ພະນັກງານນຳພາ-ຄຸ້ມຄອງຂອງຂະແໜງພາສີ, ເພື່ອເຮັດໃຫ້ພະນັກງານ-ລັດຖະກອນກໍ່ຄືພະນັກງານນຳພາ-ຄຸ້ມຄອງຂອງຂະແໜງພາສີ ໃນຂອບເຂດທົ່ວປະເທດໄດ້ຮຽນຮູ້ອັນໃໝ່, ເພື່ອເສີມສ້າງ, ພັດທະນາຄວາມສາມາດຂອງພະນັກງານລັດຖະກອນໃຫ້ທັນກັບການປ່ຽນແປງໃໝ່ຂອງພາກພື້ນ ແລະ ສາກົນໂດຍສະເພາະໃຫ້ພະນັກງານຫຼັກແຫຼ່ງຂອງຂະແໜງພາສີ ໃນຂອບເຂດທົ່ວປະເທດມີຈັນຍາບັນ, ຈັນຍາທຳ ແລະ ມີແບບແຜນການດຳລົງຊີວີດທີ່ປອດໃສ່, ສ້າງພະນັກງານ-ລັດຖະກອນທຸກປະເພດ ຕາມທິດຫັນເປັນໜຸ່ມເທື່ຶອລະກ້າວ.

ທ່ານ ອຸໄທ ອິນທິລາດ ຮອງຫົວໜ້າກົມຈັດຕັ້ງ ແລະ ພະນັກງານ ໄດ້ຜ່ານແຜນຝຶກອົບຮົມຫຼັກສູດການບໍລິຫານຄຸ້ມຄອງລັດ ສຳລັບຜູ້ບໍລິຫານລະດັບກາງ ໃຫ້ແກ່ພະນັກງານນຳພາ-ນໍາພາຄຸ້ມຄອງຂະແໜງພາສີ ແລະ ຂໍ້ຕົກລົງວ່າດ້ວຍການອະນຸມັດ ເປີດຊຸດຝືກອົບຮົມຫຼັກສູດການບໍລິຫານຄຸ້ມຄອງລັດ ສຳລັບຜູ້ບໍລິຫານລະດັບກາງ ໃຫ້ແກ່ພະນັກງານນຳພາ-ຄຸ້ມຄອງຂະແໜງພາສີ ແລະ ແຜນຝຶກອົບຮົມການຝຶກອົບຮົມຄັ້ງນີ້ໂດຍໃຊ້ເວລາ 10 ວັນທາງລັດຖະການເທົ່າ 80 ຊົ່ງໂມງລວມທັງພິທີ ເປີດ-ປິດ, ການໄປທັດສະນະສຶກສາ, ຈະໄດ້ຄົ້ນຄວ້າຮ່ຳຮຽນກ່ຽວກັບຄວາມສຳນຶກກ່ຽວກັບການປົກຄອງ, ການນຳພາ ແລະ ການຄຸ້ມຄອງ, ການບໍລິຫານປ່ຽນແປງເພື່ອຄວາມກ້າວໜ້າ, ການວາງແຜນຍຸດທະສາດ, ການຄຸ້ມຄອງພະນັກງານ-ລັດຖະກອນ, ການສ້າງເອກະສານທາງການ, ການຄຸ້ມຄອງ ແລະ ກວດກາງົບປະມານແຫ່ງລັດ.

 

ຊຸດຝຶກອົບຮົມການບໍລິຫານຄຸ້ມຄອງລັດ ສຳລັບຜູ້ບໍລິຫານລະດັບກາງ ໃຫ້ແກ່ພະນັກງານນຳພາ-ຄຸ້ມຄອງຂອງຂະແໜງພາສີ ມີນັກສຳມະນາກອນເຂົ້າຮ່ວມທັງໝົດ 30 ທ່ານ. ໃນນັ້ນ, ມາຈາກພະແນກຂອງກົມພາສີ, ກອງຄຸ້ມພາສີ, ກອງກວດກາພາສີປະຈຳແຂວງ, ດ່ານພາສີສາກົນທົ່ວປະເທດ.

ໂອກາດດັ່ງກ່າວ ທ່ານ ສົມດີ ດວງດີ ໄດ້ໃຫ້ກຽດໂອລົມຕໍ່ນັກສຳມະນາກອນວ່າ: ຊຸດຝຶກອົບຮົມວຽກງານບໍລິຫານຄຸ້ມຄອງລັດ
ສຳລັບຜູ້ບໍລິຫານລະດັບກາງ ໃຫ້ແກ່ພະນັກງານນຳພາ-ຄຸ້ມຄອງ ໃຫ້ເປັນຫຼັກສູດຝືກອົບຮົມພື້ນຖານໃຫ້ແກ່ພະນັກງານ-ລັດຖະກອນການເງິນທຸກຂັ້ນ, ເພື່ອຮັບປະກັນຜູ້ທີ່ຈະກາຍເປັນພະນັກງານ ສືບທອດປ່ຽນແທນໃນຕໍ່ໜ້າມີຄວາມຮູ້-ຄວາມສາມາດໄດ້ຜ່ານການຝຶກອົບຮົມພື້ນຖານຈະຖືກເລືື່ອນຊັ້ນເລື່ອນຊັ້ນເລື່ອນຕຳແໜ່ງ ຫຼື ໄດ້ຮັບໜ້າທີ່ໃໝ່ທີ່ສູງກວ່າເກົ່າ.

ການຝຶກອົບຮົມຄັ້ງນີ້ບັນດານັກສຳມະນາກອນ ພະນັກງານນຳພາ-ຄຸ້ມຄອງຈະໄດ້ຮຽນຮູ້ກ່ຽວກັບ, ການປົກຄອງ, ການນຳພາ ແລະ ການຄຸ້ມຄອງ, ການບໍລິຫານການປ່ຽນແປງເພື່ອຄວາມກ້າວໜ້າ, ການວາງແຜນຍຸດທະສາດການຄຸ້ມຄອງພະນັກງານ-ລັດຖະກອນ, ການສ້າງເອກະສານທາງການ ແລະ ການຄຸ້ມຄອງ ແລະ ກວດກາງົບປະມານແຫ່ງລັດ.

ທ່ານ ສົມດີ ດວງດີ ຍັງໄດ້ຮຽກຮອງໃຫ້ນັກສຳມະນາກອນຕັ້ງໃຈ ແລະ ສຸມທຸກກຳລັງຄວາມຄິດຄວາມສາມາດ, ເອົາໃຈໃສ່ເຂົ້າຮ່ວມຝຶກອົບຮົມຍາດແຍ່ງເອົາຄວາມຮູ້ຄວາມຮູ້ ແລະ ຄວາມເຂົ້າໃຈເພື່ອຝຶກຝົນຫຼໍ່ຫຼອມຕົນເອງໃຫ້ກາຍເປັນພະນັກງານທີ່ມີຄຸນສົມບັດ, ສິນທຳປະຕິວັດ ແລະ ມີຄວາມຮູ້ຄວາມສາມາດພ້ອມກັນປະກອບສ່ວນເຂົ້າ ໃນໜ້າທີ່ວຽກງານດ້ານການເງິນໃນລະດັບສູງກວ່າເກົ່າ.

ພາບ/ຂ່າວ:
ວັນທີອອກຂ່າວ:

07/10/2020

ວັນທີເກິດຂ່າວ:
Close Menu
Top