ຄະນະສະຫະພັນແມ່ຍິງ ກະຊວງການເງິນ ຢ້ຽມຢາມ-ທັດສະນະສຶກສາທີ່ສວນຜູ້ໄທທິລະ

ໃນວັນທີ 25 ກັນຍາ 2020 ນີ້, ຄະນະສະຫະພັນແມ່ຍິງ ກະຊວງການເງິນ, ໄດ້ເຄື່ອນໄຫວຢ້ຽມຢາມ ແລະ ທັດສະນະສຶກສາແລກປ່ຽນບົດຮຽນຢູ່ສວນຜູ້ໄທທິລະ ເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການເງິນທີ່ຈະຈັດຂຶ້ນມໍ່ໆນີ້.

ໂດຍການນຳພາຂອງ ທ່ານ ນາງ ດາວອນ ທອງຈັນ ປະທານສະຫະພັນແມ່ຍິງກະຊວງການເງິນ, ພ້ອມດ້ວຍຄະນະສະຫະພັນແມ່ຍິງກະຊວງ, ສະມາຊິກເອື້ອຍແມ່ຍິງບັນດາກົມອ້ອມຂ້າງກະຊວງ, ວິສາຫະກິດທີ່ຂຶ້ນກັບກະຊວງການເງິນເຂົ້າຮ່ວມ, ໂດຍການຕ້ອນຮັບຂອງທ່ານ ນາງ ແພງສີ ຟອງມະນີ ເຈົ້າຂອງກິດຈະການສວນຜູ້ໄທທິລະ.

ສວນຜູ້ໄທທິລະ ສ້າງຕັ້ງຂຶ້ນໃນປີ 2017 ຕັ້ງຢູ່ບ້ານໜອງແປນເໜືອ ເມືອງຫາດຊາຍຟອງ ນະຄອນຫຼວງວຽງຈັນ ຖະໜົນ 450 ປີ, ຈຸດປະສົງເພື່ອຢາກອະນຸລັກໄວໃຫ້ລູກຫຼານໄດ້ຮູ້ຈັກຊົນເຜົ່າຜູ້ໄທປະຫວັດ ແລະ ຕົ້ນກຳເກີດຊົນເຜົ່າຜູ້ໄທ ແມ່ນມາຈາກເມືອງຈຳພອນ ແຂວງສະຫວັນນະເຂດ, ສ່ວນເນື້ອທີ່ຂອງສວນຜູ້ໄທມີປະມານ 30 ແຮັກຕາ, ສຳລັບການເຂົ້າຢ້ຽມຊົມ 10 ພັນກີບ/ຄົນ/ຄັ້ງ, ສຳລັບລູກທົ່ວທາງກິດຈະການສວນຜູ້ໄທມີສວນຫຼຸດ 10% ແລະ ຜູ້ອາວຸໂສທາງສວນຈະບໍ່ໄດ້ເກັບຄ່າເຂົ້າຊົມ. ດັ່ງນັ້ນ, ຈຶ່ງຂໍເຊີນຊວນທຸກທ່ານເຂົ້າມາຢ້ຽມຊົມເພື່ອເປັນການອະນຸລັກຮັກສາຮີດຄອງປະເພນີອັນດີງາມຂອງຊາດລາວເຮົາໄວ້ຢູ່ຄົງເດີມ.

ໂອກາດດັ່ງກ່າວທ່ານ ນາງ ດາວອນ ທອງຈັນ ປະທານສະຫະພັນແມ່ຍິງກະຊວງການເງິນ ໃຫ້ຮູ້ວ່າ:ໃນການມາຄັ້ງນີ້, ເປັນການຢຽມຢ້າມ ແລະ ແລກປ່ຽນບົດຮຽນກ່ຽວກັບຮີດຄອງປະເພນີ້ຂອງເຜົ່າຜູ້ໄທເພື່ອເປັນການສ້າງຂະບວນການເຕົ້າໂຮມຄວາມສາມັກຄີພາຍໃນເອື້ອຍນ້ອງແມ່ຍິງທົ່ວກະຊວງການເງິນ ແລະ ການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ III  ຂອງອົງຄະນະພັກກະຊວງການເງິນ ແລະ ກອງປະຊຸມໃຫຍ່ແມ່ຍິງລາວທົ່ວປະເທດ ຄັ້ງທີ XIII. ນອກຈາກນີ້, ເປັນການສ້າງກິດຈະກໍາສືບຕໍ່ມາຈາກແຜນສະເຫຼີມສະຫຼອງວັນສ້າງຕັ້ງແມ່ຍິງລາວຄົບຮອບ 65 ປີ ນຳອີກດ້ວຍ. 

ພາບ/ຂ່າວ:

ປ່ຽນນິສາ

ວັນທີອອກຂ່າວ:

30/09/2020

ວັນທີເກິດຂ່າວ:

25/09/2020

Close Menu
Top