ອະນຸກໍາມະການຂະບວນການ ແລະ ປ້ອງກັນ ລາຍງານຄວາມຄືບໜ້າກຽມກອງປະຊຸມໃຫ່ຍ ຄັ້ງທີ III

ພ້ອມກັນນັ້ນ, ຍັງໄດ້ມີຄໍາເຫັນເພື່ອເປັນທິດຊີ້ນໍາໃນການປັບປຸງການຮ່າງບົດລາຍງານການເມືອງ ແລະ ບົດສໍາຫຼວດການນໍາພາໃນຫຼາຍໆດ້ານເປັນຕົ້ນ: ໃຫ້ເອົາໃຈໃສ່ການຕີລາຄາວຽກງານກໍ່ສ້າງພັກພະນັກງານ ໂດຍສະເພາະກົນໄກການຊັບຊ້ອນພະນັກງານ ແມ່ນຕ້ອງໄດ້ມີການກວດກາໃຫ້ມີຕາມຄວາມເໝາະສົມ ເພື່ອເປັນການສ້າງພະນັກງານສືບທອດປ່ຽນແທນ, ກວດກາບັນດາບັນຫາທີ່ເຫັນວ່າເປັນການທ່ວງດຶງໃຫ້ແກ່ການພັດທະນາຂະແໜງການເງິນໃຫ້ມີກົນໄກ ແລະ ວິທີການແກ້ໄຂ, ຍົກລະດັບຄວາມຮູ້ວິຊາສະເພາະໃຫ້ມີການຫັນປ່ຽນໃໝ່ ແລະ ອື່ນໆ… ທັງນີ້, ເພື່ອແນໃສ່ໃຫ້ຮັບປະກັນໄດ້ໃນການຈັດຕັ້ງປະຕິບັດວຽກງານໃຫ້ໄດ້ຮັບຜົນສໍາເລັດຕາມລະດັບຄາດໝາຍທີ່ວາງໄວ້.

 ໂອກາດດັ່ງກ່າວ, ສະຫາຍ ສົມດີ ດວງດີ ໃຫ້ຮູ້ວ່າ: ການທາບທາມໃນຄັ້ງນີ້ເປັນການທາບທາມຮອບທີ II ເພື່ອຄັດເລືອກເອົາບຸກຄະລາກອນທີ່ມີມາດຕະຖານ, ຄວາມຮັບຜິດຊອບເປັນພະນັກງານຫຼັກແຫຼ່ງຂອງຂະແໜງການເງິນປະກອບເຂົ້າໃນຄະນະບໍລິຫານງານພັກກະຊວງ, ການເຂົ້າຮ່ວມທາບທາມຮອບທີ II ນີ້ແມ່ນຂັ້ນຮອງຫົວໜ້າພະແນກຂຶ້ນໄປ. ສະນັ້ນ, ຕ້ອງໄດ້ເອົາໃຈໃສ່ຄົ້ນຄວ້າຢ່າງຮອບດ້ານຢ່າງພາວະວິໄສ ແລະ ເອົາໃຈໃສ່ຄາດຄະເນຄາດຄະເນໃນທິດທາງໃນ 5 ປີ ຕໍ່ໜ້າໃຫ້ຂະແໜງການເງິນໃຫ້ດີຂຶ້ນການທາບທາມຄັດເລືອກເອົາບຸກຄະລາກອນເຂົ້າໃນການບໍລິຫານງານພັກນີ້ເປັນສິ່ງທີ່ສໍາຄັນຫຼາຍ ເພາະເປັນຜູ້ທີ່ຈະສາມາດຊີ້ນໍາວຽກງານຂະແໜງການເງິນໃຫ້ມີການພັດທະນາຂຶ້ນໄປເລື້ອຍໆ….ພ້ອມກັນນັ້ນ, ໃນກອງປະຊຸມຍັງໄດ້ສະເໜີຜ່ານຮ່າງບົດລາຍງານການເມືອງ ຂອງຄະນະພັກກະຊວງການເງິນໂດຍຫຍໍ້ເພື່ອໃຫ້ບັນດາສະມາຊິກພັກໄດ້ຮັບຊາບ ແລະ ປັບປຸງດ້ານເນື້ອໃນຂຶ້ນຕື່ມເພື່ອໃຫ້ມີຄວາມຖືກຕ້ອງຄົບຖ້ວນສົມບູນ ເພື່ອນໍາສະເໜີໃນກອງປະຊຸມໃຫ່ຍຂອງອົງຄະນະພັກກະຊວງການເງິນ ອີກດ້ວຍ.

ອີງຕາມ ມະຕິຕົກລົງ ສະບັບເລກທີ 098/ຄປຈ.ກງ, ລົງວັນທີ 18 ມິຖຸນາ 2020 ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາລວມການກະກຽມດໍາເນີນກອງປະຊຸມໃຫ່ຍ ຄັ້ງທີ III ຂອງອົງຄະນະພັກກະຊວງການເງິນ ແລະ ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບອະນຸກໍາມະການຂະບວນການ ແລະ ປ້ອງກັນ ກະກຽມດໍາເນີນກອງປະຊຸມໃຫ່ຍ ຄັ້ງທີ III ຂອງອົງຄະນະພັກກະຊວງການເງິນທີ່ຈະເປີດຂຶ້ນໃນມໍ່ໆນີ້.

 

ໃນວັນທີ 23 ກັນຍາ 2020 ທີ່ກະຊວງການເງິນ, ໄດ້ຈັດກອງປະຊຸມລາຍງານຄວາມຄືບໜ້າຂອງອະນຸກໍາມະການຂະບວນການ ແລະ ປ້ອງກັນ, ໂດຍການເປັນປະທານຂອງ ສະຫາຍ ສົມດີ ດວງດີ ກຳມະການສູນກາງພັກ ເລຂາຄະນະບໍລິຫານງານພັກກະຊວງ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ມີສະຫາຍ ສົມບູນ ອິນທະປັດຖາ ກຳມະການຄະນະພັກ ຫົວໜ້າຫ້ອງການກະຊວງ, ສະຫາຍເລຂາຄະນະພັກຮາກຖານ, ເລຂາໜ່ວຍພັກ, ຄະນະກົມ, ຄະນະພະແນກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.  

ໃນກອງປະຊຸມ ສະຫາຍ ສົມບູນ ອິນທະປັດຖາ ໄດ້ລາຍງານກ່ຽວກັບຄວາມຄືບໜ້າໃນການກະກຽມຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການເງິນ, ໂດຍສະເພາະປະຕິບັດຕາມຂໍ້ຕົກລົງວ່າດ້ວຍແຕ່ງ ຕັ້ງການແຕ່ງຕັ້ງຄະນະຮັບຜິດຊອບອະນຸກໍາມະການ ແລະ ປ້ອງກັນ ກະກຽມດໍາເນີນກອງປະຊຸມໃຫ່ຍ ຄັ້ງທີ III ຂອງອົງຄະນະພັກກະຊວງ, ເຊິ່ງໄດ້ມີການປຶກສາຫາລືກັນ ແລະ ແບ່ງເປັນໜ່ວຍງານຮັບຜິດຊອບໂດຍໄດ້ແບ່ງອອກເປັນ 4  ໜ່ວຍງານຄື: ໜ່ວຍງານຂະບວນການແຂ່ງຂັນຮັກຊາດ ແລະ ພັດທະນາ, ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ປະເມີນພະນັກງານ, ເກັບກໍາດ້ານແນວຄິດການເມືອງ; ໜ່ວຍງານວຽກງານຂ່າວສານ, ວາລະສານການເງິນ ແລະ ຫໍມູນເຊື້ອ; ໜ່ວຍງານຂະບວນການປະຕິບັດວຽກງານວິຊາສະເພາະ; ໜ່ວຍງານຂະບວນການອະນາໄມ, ປ້ອງກັນ, ສິນລະປະ ແລະ ກິລາ.

 

ສ່ວນຄວາມຄືບໜ້າໄດ້ຈັດປະຊຸມຄົ້ນຄວ້າສ້າງແຜນເຄື່ອນໄຫວ ແລະ ມາດຕະການຈັດຕັ້ງປະຕິບັດຕົວຈິງທີ່ຕິດພັນກັບງົບປະມານ, ມີການສະຫຼຸບລາຍງານໃນແຕ່ລະໄລຍະ, ປະສານສົມທົບກັບພາກສ່ວນທີ່ກ່ຽວຂ້ອງເກັບກໍາຂໍ້ມູນໃນການເຄື່ອນໄຫວວຽກງານຕ່າງໆ… ເຊິ່ງເຫັນວ່າຫຼາຍວຽກງານມີຄວາມຄືບໜ້າຫຼາຍສົມຄວນເປັນຕົ້ນ: ການປະສານງານກັບບັນດາຄະນະພັກຮາກຖານ-ໜ່ວຍພັກເພື່ອປະເມີນຜົນຄືນການປະຕິບັດວຽກງານ, ວຽກງານວາລະສານສໍາເລັດແລ້ວທາງດ້ານເນື້ອໃນ, ສໍາເລັດການເກັບກໍາຂໍ້ມູນນໍາອະດິດການນໍາຂອງກະຊວງການເງິນ ເພື່ອນໍາມາເປັນຂໍ້ມູນໃນຫໍມູນເຊື້ອ ແລະ ບັນດາວຽກງານອື່ນໆມີຄວາມຄືບໜ້າໃນລັກນະນະທີ່ຕັ້ງໜ້າ.

ໂອກາດນີ້, ທ່ານ ສົມດີ ດວງດີ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນໍາເພື່ອເປັນແບບແຜນໃນການຈັດຕັ້ງປະຕິບັດວຽກງານໃຫ້ສໍາເລັດຕາມຄາດໝາຍ,ໃຫ້ແຕ່ລະໜ່ວຍງານສຸມໃສ່ປະກອບສ່ວນໃນການຈັດຕັ້ງປະຕິບັດວຽກງານຢ່າງຕັ້ງໜ້າໂດຍໃຫ້ມີການກວດກາຄືນບັນດາຂະບວນການຕ່າງໆໃຫ້ມີການຄົ້ນຄວ້າ, ກໍານົດເວລາວາງແຜນ ການເຄື່ອນ ໄຫວກັນຢ່າງລະອຽດ, ແຕ່ລະວຽກງານໃຫ້ມີຄວາມຈະແຈ້ງເປັນຕົ້ນ: ວຽກງານຮັກຊາດ ແລະ ພັດທະນາ,ຂະບວນການແຂ່ງຂັນປອດໃສ, ການປະເມີນຜົນພະນັກງານ ແລະ ອື່ນໆ. 

ພ້ອມນັ້ນ, ການແບ່ງໜ່ວຍຕ້ອງໄດ້ມອບໃຫ້ແຕ່ລະໜ່ວຍມີໜ້າທີ່ຮັບຜິດຊອບຢ່າງຂາດຕົວ, ການໂຄສະນາເຜີຍແຜ່ໃຫ້ມີລັກສະນະກ້ວາງຂວາງຂຶ້ນຕື່ມ ເພື່ອໃຫ້ສັງຄົມໄດ້ຮັບຊາບກ່ຽວກັບການຈັດຕັ້ງປະຕິບັດວຽກງານຂອງຂະແໜງການເງິນ ໂດຍເຂົ້າເຖິງຫຼາຍໆຊ່ອງທາງ, ສ່ວນວຽກງານວິຊາສະເພາະກໍ່ໃຫ້ມີການກະຕຸກຊຸກຍູ້ ແລະ ຕີລາຄາການຈັດຕັ້ງປະຕິບັດ ແລະ ແຜນການໃນຕໍ່ໜ້າຢ່າງລະອຽດທັງສູນກາງ ແລະ ທ້ອງຖິ່ນ. ທັງນີ້ກໍ່ເພື່ອເປັນການຂໍ່ານັບຮັບຕ້ອນກອງປະຊຸມໃຫ່ຍ ຄັ້ງທີ III ຂອງອົງຄະນະພັກກະຊວງການເງິນໃຫ້ໄດ້ຮັບຜົນສໍາເລັດອັນຈົບງາມ.

ວັນທີອອກຂ່າວ:

30/09/2020

ວັນທີເກິດຂ່າວ:

18/06/2020

Close Menu
Top