ຄະນະຊຸກຍູ້ເກັບລາຍຮັບ ເຄື່ອນໄຫວ ຕິດຕາມ ກວດກາ ການຈັດຕັ້ງປະຕິບັດແຜນງົບປະມານທີ່ແຂວງອັດຕະປື

ຄະນະຊຸກຍູ້ການຈັດເກັບລາຍຮັບເຂົ້າງົບປະມານແຫ່ງລັດ ຕາມຂໍ້ຕົກລົງຂອງກະຊວງການເງິນ ສະບັບເລກທີ 2086/ກງ, ລົງວັນທີ 05 ສິງຫາ 2020 ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາ ແລະ ວິຊາການເຄື່ອນໄຫວຊຸກຍູ້, ຕິດຕາມ, ກວດກາການປະຕິບັດງົບປະມານ 06 ເດືອນຕົ້ນປີ ແລະ ແຜນດັດແກ້ 06 ເດືອນທ້າຍປີ 2020 ໃນຂອບເຂດທົ່ວປະເທດ.

ໃນວັນທີ 28 ກັນຍາ 2020 ທີ່ພະແນກການເງິນແຂວງອັດຕະປື,ຊຶ່ງນຳໂດຍທ່ານ ທຳມະລົດ ຣາຊະພົນ ຮອງຫົວໜ້າກົມ ສ່ວຍສາອາກອນ ກະຊວງການເງິນ, ພ້ອມດ້ວຍຄະນະ, ໄດ້ລົງເຄື່ອນໄຫວຊຸກຍູ້ ຕິດຕາມ ກວດກາການປະຕິບັດງົບປະມານຢູ່ພະແນກການເງິນແຂວງອັດຕະປື, ໂດຍການຕ້ອນຮັບຂອງທ່ານ ຄຳເຜີຍ ໂສມຖາວອນ ຫົວໜ້າພະແນກການເງິນແຂວງອັດຕະປື, ມີຄະນະຂະແໜງການ 3 ສາຍຕັ້ງ, ພະນັກງານລັດຖະກອນຂະແໜງການເງິນຂອງແຂວງເຂົ້າຮ່ວມ.

ຈຸດປະສົງເພື່ອເປັນການປຶກສາຫາລືກ່ຽວກັບຂໍ້ສະດວກ, ຂໍ້ຫຍຸ້ງຍາກ, ສິ່ງທ້າທ້າຍ ແລະ ບັນຫາອື່ນໆ.ພ້ອມດຽວກັນນີ້, ຍັງເປັນການເກັບກຳຂໍ້ມູນ, ຊອກຫາວິທີແກ້ໄຂ, ບັນຫາຂໍ້ຫຍຸ້ງຕ່າງໆ ແລະ ຊອກທ່າແຮງລາຍຮັບບົ່ມຊ້ອນຂອງແຂວງ, ທັງກວດກາຄືນການປະຕິບັດຕົວເລກລາຍຈ່າຍຕາມການອະນຸມັດຂອງສະພາແຫ່ງຊາດຂອງແຕ່ລະຂະແໜງການ, ແນ່ໃສ່ການຈັດເກັບລາຍຮັບທີ່ເປັນຈຸດສຸມສະເພາະເປັນຕົ້ນ: ວຽກງານລາຍຮັບ-ລາຍຈ່າຍງົບປະມານ 2020 ແລະ ຂຶ້ນແຜນ 2021, ວຽກງານລາຍຮັບຈາກຂະແໜງສ່ວຍສາອາກອນ, ຂະແໜງພາສີ, ຂະແໜງຄຸ້ມຄອງຊັບສິນຂອງລັດ ແລະ ການເງິນທີ່ລັດລົງທຶນ, ຄ່າທໍານຽມ-ຄ່າບໍລິການ ແລະ ອື່ນໆໃນສົກປີ 2020 ໃຫ້ສອດຄ່ອງງກັບລະບຽບກົດໝາຍ.

ພາບ/ຂ່າວ:
ວັນທີອອກຂ່າວ:

30/09/2020

ວັນທີເກິດຂ່າວ:

28/09/2020

Close Menu
Top