4 ໜ່ວຍພັກໄດ້ຮັບໃບຢັ້ງຢືນເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ

ໜ່ວຍພັກພະແນກການເງິນແຂວງ, ໜ່ວຍພັກສ່ວຍສາອາກອນປະຈຳແຂວງ, ໜ່ວຍພັກຄັງເງິນແຫ່ງຊາດປະຈຳແຂວງ, ໜ່ວຍພັກກອງຄຸ້ມຄອງພາສີ I ຂຶ້ນກັບຄະນະຮາກຖານພະແນກການເງິນແຂວງຫຼວງນໍ້າທາ, ໄດ້ຮັບໃບຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຊຶ່ງພິທີມອບດັ່ງກ່າວໄດ້ຈັດຂຶ້ນໃນວັນທີ 17 ກໍລະກົດ 2020 ຢູ່ທີ່ພະແນກການເງິນແຂວງຫຼວງນ້ຳທາ, ໂດຍການເປັນປະທານຂອງສະຫາຍ ອ່ອນຈັນ ຄຳພາວົງ ກຳມະການປະຈຳພັກແຂວງ ເລຂາຄະນະພັກຮາກຖານພະແນກການເງິນແຂວງ, ເຂົ້າຮ່ວມມີເລຂາຮອງເລຂາໜ່ວຍພັກທີ່ຂຶ້ນກັບພະພະແນກການເງິນ, 3 ອົງການຈັດຕັ້ງພັກ, ຕະຫຼອດຮອດສະມາຊິກພັກພາຍໃນໜ່ວຍເຂົ້າຮ່ວມ.

19

ສະຫາຍ ກອນແສງ ຄັນທະວົງ ຮອງເລຂາຄະນະພັກຮາກຖານພະແນກການເງິນແຂວງ ໄດ້ຜ່ານບົດສະຫຼຸບສັງລວມປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຂອງໜ່ວຍພັກພະແນກການເງິນແຂວງ, ໜ່ວຍພັກສວຍສາອາກອນປະຈຳແຂວງ,  ໜ່ວຍພັກຄັງເງິນແຫ່ງຊາດປະຈຳແຂວງ ຄັ້ງທີ 2 ຮອບທີ 2 ແລະ ໜ່ວຍພັກກອງຄຸ້ມຄອງພາສີ 1 ຄັ້ງທີ 1 ຮອບທີ 1 ປະຈໍາປີ 2019 ແລະ ທິດທາງແຜນການປີ 2020, ໃນໄລຍະຜ່ານມາເລຂາຄະນະພັກຮາກຖານໄດ້ເອົາໃຈໃສ່ຊີ້ນໍາໆພາການຈັດຕັ້ງເຜີຍແຜ່ມະຕິ, ນິຕິກໍາຕ່າງໆເອົາໃຈໃສ່ຄົ້ນຄ້ວາ, ເຊື່ອມຊຶມ ແລະ ເປັນເຈົ້າການເຄື່ອນໄຫວຈັດຕັ້ງປະຕິບັດວິຊາສະເພາະຕາມພາລະບົດບາດຂອງຕົນ, ຊຸກຍູ້ສົ່ງເສີມການລົງທຶນຕ່າງໆ, ກວດກາພາຍໃນພາຍນອກເປັນປົກກະຕິ, ສາມາດຕີລາຄາປະເມີນໜ່ວຍພັກແຂງທັງ 4 ໜ່ວຍພັກໄດ້ 100%.

ໂອກາດນີ້, ໄດ້ມອບໃບຢັ້ງຢືນ ແລະ ຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ໃຫ້ກຽດມອບໂດຍສະຫາຍ ອ່ອນຈັນ ຄໍາພາວົງ ກໍາມະການປະຈໍາພັກແຂວງ ເລຂາຄະນະພັກຮາກຖານພະແນກການເງິນແຂວງໂດຍຜູ້ຕາງຮັບແມ່ນເລຂາຮອງເລຂາ 4 ຂອງໜ່ວຍ.

ພາບ/ຂ່າວ:
ວັນທີອອກຂ່າວ:
ວັນທີເກິດຂ່າວ:
Close Menu
Top