ເຊັນສັນຍາໂຄງການເຊົ່າ-ສຳປະທານ ທີ່ດິນຂອງລັດໃນຂອບເຂດເມືອງຜົ້ງສາລີ

ໃນວັນທີ 9 ກໍລະກົດ 2020 ຜ່ານມານີ້, ທີ່ພະແນກການເງິນແຂວງຜົ້ງສາລີ, ໄດ້ມີພິທີເຊັນສັນຍາໂຄງການເຊົ່າສຳປະທານທີ່ດິນຂອງລັດໃນຂອບເຂດເມືອງຜົ້ງສາລີ, ລະຫວ່າງພະແນກການເງິນແຂວງກັບບັນດາຫົວໜ່ວຍທຸ ລະກິດ, ໂດຍການເປັນປະທານຂອງທ່ານ ບຸນເລີດ ແກ້ວອິນດາປີງ ຮອງຫົວໜ້າພະແນກການເງິນແຂວງຜົ້ງສາລີ ແລະ ບັນດາທ່ານຜູ້ຕາງໜ້າເຈົ້າຂອງພັດທະຄານໄຊຫຼ້າວົງມະນີ, ຕົວແທນຮ້ານຂາຍຢາປົວພະຍາດ ແລະ ຫົວອາຫານສັດ,ເຈົ້າຂອງສາງເກັບມ້ຽນຖ່ານຫີນຂອງບໍລິສັດລາວເອີ ລາວເຕົາ, ບໍລິສັດ ລາວໂທລະຄົມມະນາຄົມມະຫາຊົນ (ເສົາສັນ ຍານໂທລະສັບ) ຮ່ວມເຊັນບົດບັນທຶກ ແລະ ບັນດາຜູ້ຕາງໜ້າຈາກພະແນກການກ່ຽວຂ້ອງເຂົ້າຮ່ວມ.

 

ໂຄງການເຊົ່າສຳປະທານທີ່ດິນຂອງລັດໃນຂອບເຂດເມືອງຜົ້ງສາລີ, ລະຫວ່າງພະແນກການເງິນແຂວງກັບບັນດາຫົວໜ່ວຍທຸລະກິດມີທັງໝົດ 4 ໂຄງການ ແລະ ດ້ານເນື້ອໃນສັນຍາວ່າມີຖືກຕ້ອງຮັດກຸມ ແລະ ສອດຄ່ອງທາງດ້ານກົດໝາຍ.  

15

ໂອກາດນີ້, ທ່ານ ບຸນເລີດ ແກ້ວອິນດາປີງ ຮອງຫົວໜ້າພະແນກການເງິນແຂວງຜົ້ງສາລີ, ໄດ້ມີຄຳເຫັນໃຫ້ແຕ່ລະພາກສ່ວນສືບຕໍ່ເອົາໃຈໃສ່ດ້ານເນື້ອໃນສັນຍາປະຕິບັດໃຫ້ຖືກຕ້ອງ,ຮັດກຸມ ແລະ ສອດຄ່ອງທາງດ້ານກົດໝາຍ,ສ່ວນອົງການປົກຄອງເມືອງ ແລະ ພາກສ່ວນທີ່ກ່ຽວຂ້ອງຂັ້ນເມືອງຕ້ອງລົງໃກ້ສິດຕິດແທດ, ຕິດຕາມ, ຊຸກຍູ້ການ ຈັດຕັ້ງປະຕິບັດເນື້ອໃນສັນຍາໃນແຕ່ລະໄລຍະຢ່າງເປັນປົກກະຕິ, ຂະແໜງຄຸ້ມຄອງຊັບສິນຂອງລັດ, ຫ້ອງການການເງິນເມືອງຕິດຕາມ, ຊຸກຍູ້ການຈັດຕັ້ງປະຕິບັດເນື້ອໃນສັນຍາເປັນຕົ້ນການຈັດຕັ້ງປະຕິບັດບັນດາກິດຈະການຕ່າງໆ. ພ້ອມນັ້ນ, ບັນດາຫົວໜ່ວຍຜູ້ປະກອບການຕ້ອງປະຕິບັດສິດ ແລະ ພັນທະຂອງຕົນຕໍ່ລັດເປັນຕົ້ນ: ແມ່ນການມອບຄ່າເຊົ່າທີ່ດິນໃນແຕ່ລະປີ ແລະ ຊຳລະຄ່າເຊົ່າທີ່ຍັງຄ້າງມອບໃຫ້ລັດຢ່າງຄົບຖ້ວນ ແລະ ທັນຕາມກຳນົດເວລາ.

 

                                                                           ຂໍ້ມູນ: ຈິນຕະນາ ສີພູວົງ

ພາບ/ຂ່າວ:
ວັນທີອອກຂ່າວ:
ວັນທີເກິດຂ່າວ:
Close Menu
Top