ຫ້ອງການ-ການເງິນເມືອງທ່າແຕງ ສະຫຼຸບວຽກງານປະຈໍາປີ 2019 ຕິດພັນກັບຂະບວນການເສຍຄ່າທໍານຽມຕ່າງໆຜ່ານລະບົບທະນາຄານ

            ກອງປະຊຸມສະຫຼຸບວຽກງານການເງິນທົ່ວເມືອງທ່າແຕງປະຈໍາປີ 2019 ແລະ ທິດທາງແຜນການປະຈໍາປີ 2020 ຕິດພັນກັບການເປີດຂະບວນການເສຍຄ່າທໍານຽມທາງ, ອາກອນ ແລະ ພາສີທີ່ດິນຜ່ານລະບົບທະນາຄານການຄ້າຕ່າງປະເທດລາວມະຫາຊົນ.

            ໄດ້ຈັດຂຶ້ນໃນວັນທີ 28 ກຸມພາ 2020ນີ້ຢູ່ທີ່ສະໂມສອນຂອງເມືອງໂດຍການເປັນປະທານຂອງທ່ານ ລົດແກ້ວ ເພັງພູນສະຫວັດ ຮອງເລຂາພັກເມືອງທ່າແຕງ, ມີທ່ານ ບຸນຮອນ ລຽບເຊກອງ ຮອງຫົວໜ້າພະແນກການເງິນແຂວງເຊກອງ, ມີຫົວໜ້າຫ້ອງການ-ການເງິນເມືອງ ,ພະແນກການກ່ຽວຂ້ອງຂັ້ນແຂວງ-ຂັ້ນເມືອງ, ເຂດຈຸດສຸມພັດທະນາ, ລັດວິສາຫະກິດ, ພ້ອມດ້ວຍອົງການປົກຄອງບ້ານທົ່ວເມືອງທ່າແຕງເຂົ້າຮ່ວມ.

           ທ່ານ ສຸວັນ ສ້ອຍທະວົງສາ ຫົວໜ້າຫ້ອງການ-ການເງິນເມືອງທ່າແຕງ ໄດ້ຍົກໃຫ້ເຫັນຜົນການຈັດຕັ້ງປະຕິບັດລາຍຮັບງົບປະມານລວມຂອງປີ 2019 ຊຶ່ງປະຕິບັດໄດ້ 38,16 ຕື້ກວ່າກີບທຽບໃສ່ແຜນປີໄດ້ 99 ກວ່າສ່ວນຮ້ອຍ,ໃນນີ້ລາຍຮັບດຸ່ນດ່ຽງຈາກແຂວງ 34,37 ຕື້ກີບ,ປະຕິບັດໄດ້ 34, 14 ຕື້ກວ່າກີບ, ສ່ວນລາຍຮັບພາຍໃນເມືອງປະຕິບັດໄດ້ 3, 788 ຕື້ກວ່າກີບທຽບໃສ່ແຜນປີປະຕິບັດໄດ້ 96 ກວ່າສ່ວນຮ້ອຍ,ຫຼຸດລົງ 3 ກວ່າສ່ວນຮ້ອຍ,ທຽບໃສ່ໄລຍະດຽວກັນເພີ່ມຂຶ້ນຈາກປີຜ່ານມາ 6 ກວ່າສ່ວນຮ້ອຍ, ຊຶ່ງລາຍຮັບສ່ວນໃຫ່ຍແມ່ນໄດ້ຈາກສວຍສາອາກອນ 2, 322 ຕື້ກວ່າກີບ,ທຽບໃສ່ແຜນປີປະຕິບັດໄດ້ 89 ກວ່າສ່ວນຮ້ອຍ, ຮັບຈາກຊັບສິນຂອງລັດ 675 ລ້ານກ່ວາກີບ,ທຽບໃສ່ແຜນປີເພີ່ມຂຶ້ນ 50 ກວ່າສ່ວນຮ້ອຍ, ທຽບໃສ່ໄລຍະດຽວຂອງປີກ່ອນເພີ່ມຂຶ້ນ 33 ສ່ວນຮ້ອຍ, ຮັບຈາກຄ່າບໍລິການມີ 379 ລ້ານກວ່າກີບ,ທຽບໃສ່ແຜນປີປະຕິບັດໄດ້ຮ້ອຍສ່ວນຮ້ອຍ (ຮັບ-ຈ່າຍ ເທົ່າຕົວ), ຮັບຈາກພາສີທີ່ດິນ 270 ລ້ານກວ່າກີບ,ທຽບໃສ່ແຜນປີປະຕິບັດໄດ້ 75 ກວ່າສ່ວນຮ້ອຍ,ຫຼຸດລົງ 24 ກວ່າສ່ວນຮ້ອຍ,ທຽບໃສ່ໄລຍະດຽວກັນຂອງປີກ່ອນໄດ້ 7 ສ່ວນຮ້ອຍ,ເພີ່ມຂຶ້ນຈາກປີຜ່ານມາ 31 ສ່ວນຮ້ອຍ ແລະ ຮັບຈາກຄ່າທໍານຽມ 140 ລ້ານກວ່າກີບ, ທຽບໃສ່ແຜນປີໄດ້ 58 ກວ່າສ່ວນຮ້ອຍ, ຫຼຸດລົງ 41 ກວ່າສ່ວນຮ້ອຍ.

            ພ້ອມນັ້ນ, ຜູ້ເຂົ້າຮ່ວມກອງປະຊຸມໄດ້ສຸ່ມໃສ່ປະກອບຄໍາຄິດເຫັນຢ່າງກົງໄປກົງມາຕໍ່ບົດສະຫຼຸບ ແລະ ທິດທາງແກ້ໄຂໃນຕໍ່ໜ້າ,ການເໜີບາງບັນຫາທີ່ພົ້ນເດັ່ນ, ຂໍ້ຫຍຸ້ງຍາກ ແລະ ສິ່ງທ້າທາຍໃນການຈັດຕັ້ງປະຕິບັດເກັບລາຍຮັບເຂົ້າງົບປະມານ,ການຄຸ້ມຄອງຖານລາຍຮັບ,ການຈັດເກັບລາຍຮັບໃຫ້ກ້າວສູ່ການຄຸ້ມຄອງທີ່ທັນສະໄໝ, ຕ້ານ-ປາບປາມການລັກລອບໜີພາສີ ແລະ ມາດຕະການແກ້ໄຂໃນຕໍ່ໜ້າຢ່າງເຂັ້ມງວດ.

           ໂອກາດດຽວກັນຍັງໄດ້ມອບໃບຍ້ອງຍໍໃຫ້ນິຕິບຸກຄົນຫ້ອງການ-ການເງິນ, ຫົວໜ່ວຍທຸລຸກິດ ແລະ ຫ້ອງການທີ່ຊອກເຈັດເກັບລາຍຮັບເຂົ້າງົບປະມານແຫ່ງລັດບັນລຸຕາມແຜນການວາງໄວ້ຕື່ມອີກ.

ໂດຍ: ພອນ ບຸນອຸທິດ 020 5632 8844

ພາບ/ຂ່າວ:
ວັນທີອອກຂ່າວ:
ວັນທີເກິດຂ່າວ:
Close Menu
Top