ກອງປະຊຸມໃຫຍ່ຄັ້ງທີ III ຂອງໜ່ວຍພັກ ພະແນກຄຸ້ມຄອງການຍົກເວັ້ນ ແລະ ງົດເກັບພາສີ

           ໃນ​ວັນ​ທີ  6  ມັງກອນ 2020 ທີ່​ຫ້ອງ​ປະຊຸມ​ກົມ​ພາສີ ກະຊວງ​ການ​ເງິນ, ​ໜ່ວຍພັກພະແນກຄຸ້ມຄອງການຍົກເວັ້ນ ແລະ ງົບເກັບພາສີ ຂຶ້ນກັບຄະນະພັກຮາກຖານກົມພາສີ, ໄດ້ເປີດກອງປະຊຸມໃຫຍ່ຄັ້ງທີ  III  ຂຶ້ນໂດຍການເຂົ້າຮ່ວມເປັນປະທານຂອງສະຫາຍ ບຸນປະເສີິດ ສີກຸນລະບຸດ ເລຂາຄະນະພັກຮາກຖານກົມພາສີ, ມີເລຂາໜ່ວຍພັກ ຮອງເລຂາໜ່ວຍພັກ, ມີສະມາຊິກພັກສົມບູນ, ສໍາຮອງພາຍໃນໜ່ວຍພັກ, ພ້ອມດ້ວຍແຂກຖືກເຊີນເຂົ້າຮ່ວມ.

             ໃນກອງປະຊຸມຍັງໄດ້ຜ່ານບົດລາຍງານກການເມືອງໃນໄລຍະຜ່ານມານັບແຕ່ ປີ 2015-2019 ແລະ ທິດທາງແຜນການໃນຕໍ່ໜ້ານັບແຕ່ປີ 2020-2024, ພ້ອມທັງໄດ້ຍົກໃຫ້ເຫັນຜົນງານຕ່າງໆທີ່ຍາດມາໄດ້ແມ່ນໝາກຜົນລວມຍອດແຫ່ງຄວາມສາມັັກຄີຂອງນ່ວຍພັກພະແນກຄຸ້ມຄອງການຍົກເວັ້ນ ແລະ ງົດເກັບພາສີ, ຊຶ່ງສາມາດຕີລາຄາບັນດາສາເຫດທີ່ພາໃຫ້ມີດ້ານດີ ຂໍ້ຄົງຄ້າງ, ດ້ານອ່ອນ ແລະ ຜົນສຳເລັດທີ່ໄດ້ຮັບຕົວຈິງ, ແບບແຜນການນຳພາ ແລະ ວິທີເຮັດວຽກ ແລະ ພຶດຕີກຳຕົວຈິງຂອງບັນດາຄະນະໜ່ວຍພັກຍາມໃດກໍ່ໄດ້ເສີດຊູຄວາມຮັບຜິດຊອບທາງດ້ານການເມືອງຂອງຕົນໃຫ້ສູງຂຶ້ນເຮັດໃຫ້ວຽກງານວິຊາສະເພາະຂອງໜ່ວຍພັກພະແນກຄຸ້ມຄອງການຍົກເວັ້ນ ແລະ ງົດເກັບພາສີ, ໃຫ້ມີຄວາມກ້າຫານກ້າຄິດ, ກ້າເຮັດ, ກ້າຮັບຜີດຊອບລວມທັງຂອດການບໍລິິການໃຫ້ມີຄວາມສະດວກວອງໄວ ໂປ່ງໃສ່.

ພ້ອມດຽວກັນນີ້, ໃນກອງປະຊຸມຍັງໄດ້ມີການປ່ອນບັດເລືອກຕັ້ງເອົາຄະນະໜ່ວຍພັກພະແນກຄຸ້ມຄອງການຍົກເວັ້ນ ແລະ ງົດເກັບພາສີຊຸດໃໝ່ໂດຍເຫັນດີເລືອກເອົາສະຫາຍ ສຸກສະຫວັນ ບົວພາ ເປັນເລຂາໜ່ວຍພັກ, ສະຫາຍ ໝອນແກ້ວ ດາລາວົງ ເປັນຮອງເລຂາ ທັງເປັນປະທານກວດກາພັກ ແລະ ສະຫາຍ ໄພວັນ ທຳມະວົງ ເປັນກຳມະການພັັັກ.

ໃນກອງປະຊຸມສະຫາຍ ບຸນປະເສີດ ສີກຸນລະບຸດ ຍັງໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ໝາກຜົນແຫ່ງການຊີ້ນໍາ-ນໍາພາ  ແລະ ຈິດໃຈສູ້ຊົນຂອງບັນດາສະຫາຍຄະນະພັກ, ສະມາຊິກພັກຊຸດເກົ່າ, ທີີ່ໄດ້ປະຕິບັດໜ້າທີ່ການເມືອງຂອງຕົນ,  ຍາດໄດ້ຜົນງານ, ຜົນສຳເລັດຫຼາຍດ້ານ. ພ້ອມນັ້ນຍັງເນັ້ນໃຫ້ເອົາໃຈໃສ່ບຸກບືນຕື່ມເພື່ອຍົກລະດັບຄຸນນະພາບການນໍາພາຂອງພັັກ, ຍົກສູງບົດບາດໃນການເປັນເສນາທິການໃຫ້ແກ່ຄະນະພັກຮາກຖານກົມພາສີ, ເພື່ອສ້າງ ແລະ ປະຕິບັັດຕາມແຜນງົບປະມານຈັດເກັບລາຍຮັບ, ໂຄງການເຄື່ອນໄຫວດຳເນີນງານແຕ່ລະໄລຍະຕິດພັນກັັບການ ຈັດຕັ້ງປະຕີບັດແນວທາງນະໂຍບາຍຂອງພັກເວົ້າລວມເວົ້າສະເພາະກໍ່ຄືອົງຄະນະພັກກະຊວງການເງິນວາງອອກໃນແຕ່ລະໄລຍະ.

ພາບ/ຂ່າວ:
ວັນທີອອກຂ່າວ:
ວັນທີເກິດຂ່າວ:
Close Menu
Top