ໜ່ວຍພັກພະແນກສັງລວມ ແລະ ເລຂານຸການ ເລືອກຕັ້ງຄະນະໜ່ວຍພັກຊຸດໃໝ່

               ໃນວັນທີ 7 ກຸມພາ 2020 ທີ່ກະຊວງການເງິນ, ໜ່ວຍພັກພະແນກສັງລວມ ແລະ ເລຂານຸການ ຂຶ້ນກັບຄະນະພັກຮາກຖານຫ້ອງການກະຊວງການເງິນ; ໄດ້ຈັດກອງປະຊຸມສະຫຼຸບຕີລາຄາຜົນສຳເລັດການຈັດຕັ້ງປະຕິບັດໃນໄລຍະຜ່ານມາ, ໂດຍການເຂົ້າຮ່ວມເປັນປະທານຂອງສະຫາຍ ສົມບູນ ອິນທະປັດຖາ ເລຂາຄະນະພັກຮາກຖານ ຫ້ອງການກະຊວງການເງິນ, ມີສະຫາຍ ສົມຈິດ ຄຳມຸງຄຸນ ເລຂາໜ່ວຍພັກພະແນກສັງລວມ ແລະ ເລຂານຸການ, ມີສະມາຊິກພັກສົມບູນ-ສຳຮອງ ແລະ ແຂກຖືກເຊີນເຂົ້າຮ່ວມ.

              ໃນກອງປະຊຸມ, ສະຫາຍ ສົມຈິດ ຄຳມຸງຄຸນ ໄດ້ຜ່ານບົດລາຍງານການເມືອງ ແລະ ຕີລາຄາຜົນສຳເລັດວຽກງານຕົວຈິງຂອງໜ່ວຍພັກຢ່າງຕັ້ງໜ້າ, ໄດ້ເອົາໃຈໃສ່ໃນວຽກງານການຫັນເປັນທັນສະໄໝໃນການຄຸ້ມຄອງເອ ກະສານແບບເອເລັກໂຕຣນິກ, ການຕິດຕາມ, ຊຸກຍູ້ ແລະ ອຳນວຍຄວາມສະດວກໃນການສ້າງແຜນ, ຕິດຕາມການຕັດຕັ້ງປະຕິບັດແຜນງົບປະມານຂອງລັດປະຈຳແຕ່ລະສົກປີຕາມລະບຽບກົດໝາຍບົນຈິດໃຈປະຢັດມັດທະຍັດ,  ເປັນເຈົ້າການຕິດຕາມເກັບກຳບັນດາບັນຫາຂອງບັນດາກົມທຽບເທົ່າ ແລະ ພະແນກການເງິນບັນດາແຂວງ, ນະຄອນຫຼວງເພື່ອສັງລວມລາຍງານໃຫ້ຄະນະນຳກະຊວງມີທິດຊີ້ນຳ, ພ້ອມນີ້ກໍ່ໄດ້ເລືອກເຟັ້ນບັນດາບັນຫາສຳຄັນເລັ່ງດ່ວນເພື່ອນຳສະເໜີເຂົ້າວາລະກອງປະຊຸມຄະນະນຳກະຊວງພິຈາລະນາຕົກລົງແກ້ໄຂເປັນແຕ່ລະກໍລະນີ, ໜ່ວຍພັກພະແນກສັງລວມ ແລະ ເລຂານຸການໄດ້ເອົາໃຈໃສ່ຊີ້ນຳໆພາປະຕິບັດ

ໜ້າທີ່ດ້ວຍຄວາມຮັບຜິດຊອບສູງ, ບຸກບືນເຮັດສຳເລັດໜ້າທີ່ການເມືອງທີ່ພັກ ແລະ ລັດມອບໝາຍໃຫ້.

ພ້ອມນັ້ນ, ຍັງໄດ້ເອົາໃຈໃສ່ນຳພາວຽກງານອົງການຈັດຕັ້ງມະຫາຊົນ ແລະສ້າງຂະບວນການປິ່ນອ້ອມໜ່ວຍພັກເປັນຕົ້ນ: ຍົກລະດັບຄວາມຮູ້ຄວາມສາມາດດ້ານວິຊາການ ແລະ ພາສາຕ່າງປະເທດເຊື່ອມຊຶມຂໍ້ແຂ່ງຂັນຕ່າງໆຂອງອົງການຈັດຕັ້ງມະຊົນວາງອອກເຂົ້າສູ່ຊີວິດ ແລະ ພຶດຕິກຳຕົວຈິງ, ປະກອບສ່ວນວຽກງານປ້ອງກັນຄວາມສະຫງົບ ແລະ ຮັກສາຄວາມເປັນລະບຽບຮຽບຮ້ອຍ, ເປັນສ່ວນໜຶ່ງໃນການພົວພນຮ່ວມມືກັບຫ້ອງການກະຊວງການເງິນ ສສ ຫວຽດນາມໃນການຫັນເອົາວຽກງານຫ້ອງການໄປສູ່ຄວາມທັນສະໄໝດ້ານການບໍລິຫານເອກະສານ  (Ioffice), ປະສານສົມທົບ, ຊຸກຍູ້ ແລະ ອຳນວຍຄວາມສະດວກໃຫ້ບັນດາກົມ, ສະຖາບັນ ແລະ ວິສາຫະກິດອ້ອມຂ້າງກະຊວງໃນວຽກງານພົວພັນສາກົນ.

 

ໃນກອງປະຊຸມຍັງໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່, ໂດຍໄດ້ຕົກລົງເຫັນດີເລືອກເອົາສະ ຫາຍ ສົມຈິດ ຄຳມຸງຄຸນ ເປັນເລຂາໜ່ວຍພັກພະແນກສັງລວມ ແລະ ເລຂານຸການອີກໜຶ່ງສະໄໝ, ສະຫາຍ ພູມາລາ ມະນີວົງ ເປັນຮອງເລຂາ ທັງເປັນຜູ້ກວດກາພັກ ແລະ ສະຫາຍ ວິໄລພອນ ປຸ້ຍດວງແກ້ວ ເປັນກຳມະການພັກ.

ໂອກາດດັ່ງກ່າວ, ສະຫາຍ ສົມບູນ ອິນທະປັດຖາ ເລຂາຄະນະພັກຮາກຖານ ຫ້ອງການກະຊວງການເງິນ, ໄດ້ຍ້ອງຍໍຊົມເຊີຍຕໍ່ຜົນງານຫຼາຍດ້ານທີ່ຍາດມາໄດ້ ແລະ ໄດ້ເນັ້ນໜັກໃຫ້ເລຂາໜ່ວຍພັກຊຸດໃໝ່ເອົາໃຈໃສ່ຈັດຕັ້ງເຊື່ອມຊຶມກົດລະບຽບ ແລະ ແນວທາງນະໂຍບາຍຂອງພັກ, ກ້າເຮັດ ກ້າຮັບຜິດຊອບ ກ້າຕຳນິຕົນເອງ, ສະມາຊິກພັກຕ້ອງເປັນແບບຢ່າງໃຫ້ແກ່ມະຫາຊົນກ້າວໜ້າ, ເຊີດຊູສະຕິປັນຍາ ແລະ ຄວາມຮັບຜິດຊອບສູງຕໍ່ໜ້າທີ່ການເມືອງຂອງຕົນໃຫ້ສູງຂຶ້ນເຮັດວຽກງານວິຊາສະເພາະຂອງໜ່ວຍພັກພະແນກສັງລວມ ແລະ ເລຂານຸການໃຫ້ມີການຫັນ ປ່ຽນໃໝ່ທີ່ຕັ້ງໜ້າດີຂຶ້ນກວ່າເກົ່າເຮັດໃຫ້ຄະນະພັກ, ສະມາຊິກພັກມີຄວາມປອດໃສ, ເຂັ້ມແຂງ, ໜັກແໜ້ນ.

ຂ່າວພາບ: ຫັດທະພອນ

ພາບ/ຂ່າວ:
ວັນທີອອກຂ່າວ:
ວັນທີເກິດຂ່າວ:
Close Menu
Top