ຮອງນາຍົກ ພ້ອມດ້ວຍຄະນະລົງກວດກາຄວາມພ້ອມ ຕ້ານການລະບາດເຊື້ອໄວຣັສໂຄໂຣນາຢູ່ໂຮງໝໍ 103

ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ທັງເປັນຫົວໜ້າຄະນະກໍາມະການສະເພາະກິດປ້ອງກັນປ້ອງ ແລະ ຄວບຄຸມພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ຫຼື ໂຄໂຣນາໄວຣັດ, ພ້ອມດ້ວຍທ່ານລັດຖະມົນຕີ, ທ່ານຮອງລັດຖະມົນຕີກະຊວງທາສາລະນະສຸກ, ພ້ອມດ້ວຍຄະນະໄດ້ເຄື່ອນໄຫວເຮັດວຽກຢູ່ໂຮງໝໍ 103 ນະຄອນຫຼວງວຽງຈັນ, ເພື່ອກວດກາດ້ານຕ່າງໆຂອງໂຮງໝໍ 103 ໃນການກຽມຄວາມພ້ອມເພື່ອຮັບມືກັບການລະບາດຂອງພະຍາດນີ້, ພາຍຫຼັງທີ່ລັດຖະບານກໍານົດເອົາໂຮງໝໍ 103 ເປັນໜຶ່ງໃນສະຖານທີ່ປີ່ນປົວຄົນເຈັບທີ່ເປັນພະຍາດອັກເສບປອດສາຍພັນໃໝ່.ເຖິງວ່າຢູ່ ສປປ ລາວຍັງບໍ່ພົບຄົນເປັນພະຍາດນີ້ກໍ່ຕາມ.

 

ທ່ານ ພົນຈັດຕະວາ ບົວສີງ ອິນທະວົງ ຫົວໜ້າກົມເສນາຮັກ ກະຊວງປ້ອງກັນປະເທດ ທັງຢູ່ໃນຄະນະຮັບຜິດຊອບກັນ ແລະ ຄວບຄຸມພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ໄດ້ລາຍງານສະພາບການຈັດຕັ້ງປະຕິບັດດ້ານວຽກງານຕ່າງໆໂດຍສະເພາະການກຽມຄວາມພ້ອມຂອງໂຮງໝໍໃນການຮັບມືກັບພະຍາດນີ້ ຕາມທີ່ລັດບານກໍ່ຄືກະຊວງສາທາລະນະກໍານົດໃຫ້ເປັນຕົ້ນ: ການກະກຽມຫ້ອງແຢກປ່ຽວ, ອຸປະກອນການກວດຫາເຊື້ອທີ່ທັນສະໄໝ, ຢາປີ່ນປົວພະຍາດ ແລະ ບຸກຄະລາແພດໝໍຈໍານວນໜຶ່ງ, ຊຶ່ງໂຮງໝໍແຫ່ງນີ້ຍັງເຮັດໜ້າທີ່ຕິດຕາມເຝົ້າລະວັງກໍລະນີສົງໃສທີ່ອາດຕິດເຊື້ອພະຍາດອັກເສບປອດສາຍພັນໃໝ່, ຊຶ່ງມາຮອດປັດຈຸບັນການກຽມຄວາມພ້ອມດ້ານຕ່າງໆເປັນສໍາເລັດເກືອບຮ້ອຍສ່ວນຮ້ອຍແລ້ວ.

ໂອກາດດຽວກັນນີ້, ທ່ານສົມດີ ດວງດີ ຮອງນາຍົກລັດຖະມົນຕີ  ລັດຖະມົນຕີກະຊວງການເງິນ ຫົວໜ້າ ຄະນະກໍາມະການສະເພາະກິດກັນ ແລະ ຄວບຄຸມພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ໄດ້ສະແດງຄວາມຊົມເຊີຍຕໍ່ໂຮງໝໍ 103 ທີ່ມີຄວາມພະຍາຍາມໃນການຈັດຕັ້ງປະຕິບັດວຽກງານຕະຫຼອດມາພ້ອມທັງ ເນັ້ນໜັກໃຫ້ບຸກລະລາກອນແພດໝໍພາຍໃນໂຮງໝໍ 103 ທຸກຄົນກະກຽມພ້ອມເຝົ້າລະວັງສະພາບການລະບາດຂອງພະຍາດອັກເສບປອດຢ່າງຕໍ່ເນື່ອງ ແລະ ສຸມທຸກເຮື່ອແຮງເຂົ້າໃນການຈັດຕັ້ງປະຕິບັດຫນ້າທີ່ວຽກງານທີ່ຖືກມອບຫມາຍຢ່າງແຂງແຮງເພື່ອບໍລິການຮັບໃຊ້ປະຊາຊົນດ້ວຍຄວາມເປັນເຈົ້າການ.

ທ່ານ ສົມດີ ດວງດີ ເນັ້ນຕື່ມອີກວ່າ: ສໍາລັບກໍລະນີ້ມີນັກສຶກສາຈີນຈໍານວນຫຼາຍກວ່າ 100 ຄົນມີການພັກພາກທີ 1 ກັບເມືອຈີນແລ້ວເດີນທາງກັບຄືນມາລາວເພື່ອສືບຕໍ່ຮໍ່າຮຽນສຶກສາໃນພາກຮຽນ 2 ໃຫ້ພາກສ່ວນກ່ຽວຂ້ອງຕິດຕາມເຝົ້າລະວັງຢ່າງໃກ້ສິດ ໂດຍສະເພາະຈໍາກັດເຂດທີ່ພັກອາໃສຊົ່ວຄົວ ແລະ ຕິດຕາມອາການ ຈົນກວ່າຈະຄົບ 14 ວັນເພື່ອປ້ອງກັນການແຜ່ລະບາດຂອງພະຍາດອັກເສບປອດລວມເຖິງວຽກງານສໍາຄັນຈໍານວນໜຶ່ງ.

 

ສໍາລັບຕົວເລກຜູ້ຕິດເຊື້ອ ແລະ ເສຍຊີວິດຈາກການເປັນພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ຫຼື ໂຄໂຣນາໄວຣັດຢູ່ຈີນຕາມການລາຍງານຂອງພາກສ່ວນກ່ຽວຂ້ອງຂອງຈີນມາຮອດວັນທີ 7 ກຸມພານີ້ຈີນມີຜູ້ຕິເຊື້ອທັງຫມົດ 34.546 ຄົນ, ເສຍຊີວິດ 722 ຄົນ, ໃນນີ້ສະເພາະຢູ່ເມືອງອູຮານ ແຂວງຫູເປີຍມີທັງໝົດ 24.953 ຄົນເສຍຊີວິດ 699 ຄົນ ແລະ ປົວດີເປັນກະຕິ 1.115 ຄົນ, ສໍາລັບຢູ່ລາວຍັງບໍ່ພົບຜູ້ຕິດເຊື້ອ ຫຼື ເສຍຊີວິດຈາກການເປັນພະຍາດອັກເສບປອດສາຍພັນໃໝ່ຈັກກໍລະນີ ແລະ ທຸກການກວດກາຫາເຊື້ອພະຍາດນີ້ແມ່ນໄດ້ຮັບການຢັ້ງຢືນຈາກອົງການອະນາໄມໂລກ.

ໂຮງໝໍສູນກາງ 103 ກອງທັບປະຊາຊົນລາວເປັນອີກໂຮງໝໍໜຶ່ງທີ່ກະຊວງສາທາລະນະສຸກຈັດເປັນສະຖານທີ່ກວດກັ່ນກ່ອງຄົນເຈັບກໍລະນີສົງໃສຕາມ 4 ນິຍາມຂອງຜູ້ທີ່ຕິດເຊື້ອພະຍາດອັກເສບປອດຈາກເຊື້ອຈຸລະໂລກໄວຣັສໂຄໂຣນາ ແລະ ໄດ້ກະກຽມບຸກຄະລາກອນທີ່ມີຄວາມຊ່ຽວຊານ 20 ກວ່າຄົນ ແລະ ໄດ້ມີການກະກຽມສະຖານທີ່ເພື່ອກັ່ນກອງຄົນເຈັບໄວ້ຢູ່ເຂດຮ້ອນ, ຊຶ່ງມີ 4 ຫ້ອງ 6 ຕຽງນອນໃນໄລຍະຜ່ານມາໄດ້ມີກໍລະນີສົງໃສ 3 ກໍລະນີ ແຕ່ບໍ່ພົບເຊື້ອພະຍາດນີ້.

ປັດຈຸບັນຄະນະນຳຂອງໂຮງໝໍສູນກາງ 103 ກອງທັບປະຊາຊົນ

ລາວເປັນອີກໂຮງໝໍໜຶ່ງທີ່ກະຊວງສາທາລະນະສຸກຈັດເປັນສະຖານທີ່ກວດກັ່ນກ່ອງຄົນເຈັບກໍລະນີສົງໃສຕາມ 4 ນິຍາມຂອງຜູ້ທີ່ຕິດເຊື້ອພະຍາດອັກເສບປອດຈາກເຊື້ອຈຸລະໂລກໄວຣັສໂຄໂຣນາ ແລະ ໄດ້ກະກຽມບຸກຄະລາກອນທີ່ມີຄວາມຊ່ຽວຊານ 20 ກວ່າຄົນ ແລະ ໄດ້ມີການກະກຽມສະຖານທີ່ເພື່ອກັ່ນກອງຄົນເຈັບໄວ້ຢູ່ເຂດຮ້ອນ, ຊຶ່ງມີ 4 ຫ້ອງ 6 ຕຽງນອນໃນໄລຍະຜ່ານມາໄດ້ມີກໍລະນີສົງໃສ 3 ກໍລະນີ ແຕ່ບໍ່ພົບເຊື້ອພະຍາດນີ້.

              ປັດຈຸບັນຄະນະນຳຂອງໂຮງໝໍສູນກາງ 103 ກອງທັບປະຊາຊົນລາວໄດ້ພ້ອມກັນເອົາໃຈໃສ່ຕິດຕາມກະກຽມຄວາມພ້ອມທຸກດ້ານເຊັ່ນ: ບຸກຄະລາກອນສະຖານທີ່ ແລະ ອຸປະກອນ ເພື່ອເຝົ້າລະວັງ ແລະ ຕິດຕາມຄົນເຈັບກໍລະນີສົງໃສຄື: ຄົນເຈັບທີ່ມາກວດທີ່ມີອາການເປັນໄຂ້ຫຼາຍກວ່າ 38 ອົງສາເປັນຫວັດ ເປັນໄອ ຫາຍໃຈຝຶດ ຄົນເຈັບທີ່ມີປະຫວັດມາຈາກເຂດທີ່ມີຄວາມສ່ຽງ ຫຼື ການລະບາດໄດ້ໃກ້ສິດກັບຄົນທີ່ເປັນພະຍາດດັ່ງກ່າວ, ຖ້າພົບເຫັນແມ່ນໃຫ້ນໍາຕົວຄົນເຈັບມາກວດກັ່ນກອງກວດຫາເຊື້ອ ໃນກໍພົບວ່າມີຜູ້ຕິດເຊື້ອແມ່ນຈະນຳສົ່ງໄປປິ່ນປົວຢູ່ໂຮງໝໍມິດຕະພາບ 150 ຕຽງ.

ຂໍ້ມູນ-ພາບ: Lao National Radio

ພາບ/ຂ່າວ:
ວັນທີອອກຂ່າວ:
ວັນທີເກິດຂ່າວ:
Close Menu
Top