an image an image

       ໃນວັນທີ 7 ກໍລະກົດ 2010 ນີ້ ທີ່ໂຮງແຮມ ນາວຽງຄຳ ແຂວງຫຼວງພະບາງ ໄດ້ເຜີຍແຜ່ບັນ ດາ ນິຕິກຳກ່ຽວກັບຂັ້ນຄຸ້ມຄອງລະບົບ, ຂັ້ນຕອນການແຈ້ງຂຶ້ນ ແລະ ການດັດແກ້ລະບຽບວິສາຫະກິດ ຕາມ ກົດໝາຍວ່າດ້ວຍວິກິດ ຄັ້ງທີ III ທົ່ວປະ ເທດຂຶ້ນໂດຍແມ່ນຫ້ອງວ່າການປົກ ຄອງແຂວງ ຮ່ວມ ກັບກົມການຄ້າພາຍໃນ ແລະ ພະແນກອຸດສາຫະກຳ-ການຄ້າແຂວງຈັດກອງປະຊຸມໃນ ຄັ້ງນີ້. ເຂົ້າ ຮ່ວມມີ ທ່ານ ດຣ. ຄຳແພງ ໄຊ ສົມແພງ ຮອງເຈົ້າແຂວງຫຼວງພະບາງ, ທ່ານ ສັນຕິສຸກ ວິໄລຈະ ເລີນ ຫົວໜ້າກົມການຄ້າພາຍໃນ, ມີບັນ ດາວິທະຍາກອນທີ່ມາຈາກກົມການຄ້າພາຍໃນ, ກະຊວງການ ເງິນ, ກະຊວງຖະແຫຼງຂ່າວ ແລະ ວັດທະນະ ທຳພ້ອມດ້ວຍສຳມະນາກອນຈາກພະແນກການ ທີ່ກ່ຽວຂ້ອງ ແລະ ຫ້ອງການອຸດສາຫະກຳ ແລະ ການຄ້າ ເມືອງອ້ອມຂ້າງ ແຂວງຫຼວງພະບາງ ເຂົ້າຮ່ວມ.

       ການສຳມະນາດັ່ງກ່າວຜູ້ເຂົ້າ ຮ່ວມ ແມ່ນໄດ້ຮັບຟັງການເຜີຍແຜ່ບັນດານິຕິກຳກ່ຽວກັບການ ແຈ້ງຂຶ້ນ ແລະ ດັດແກ້ລະບຽບວິສາຫະກິດ, ລະບຽບ, ຂັ້ນຕອນ, ການກຳນົດເວລາ ການຂຶ້ນທະ ບຽນອາກອນ ແລະການ ອະນຸຍາດຂຶ້ນປ້າຍວິສາຫະກິດຕ່າງໆເພື່ອໃຫ້ສອດຄ່ອງຕາມກົດໝາຍວ່າ ດ້ວຍວິສາຫະກິດ, ພ້ອມນັ້ນບັນດາສຳ ມະນາກອນຍັງໄດ້ມີການສົນທະນາ ຖາມ-ຕອບບົດຮຽນກັບ ບັນດາວິທະຍາກອນເພື່ອເປັນການແລກປ່ຽນບົດ ຮຽນເຊິ່ງກັນແລະກັນ ແລະ ເພື່ອໃຫ້ໄດ້ເນື້ອຄວາມ ກະຈ່າງແຈ້ງຫຼາຍຂຶ້ນ. ທັງນີ້ກໍ່ເພື່ອຮັບປະກັນໃນເວລາເອົາ ຄວາມຮູ້ດັ່ງກ່າວໄປເຜີຍແຜ່ໃນທ້ອງຖິ່ນ ຂອງຕົນ ໃຫ້ໄດ້ຮັບໝາກຜົນທີ່ດີ ແລະ ມີປະສິດທີຜົນສູງ. ທ່ານ ນີວອນ ຍອຍສາຍຄຳ ຫົວໜ້າຫ້ອງ ການທະບຽນວິສາຫະກິດ, ກົມການຄ້າພາຍໃນ ກ່າວວ່າ: ຕາມກົດໝາຍວ່າດ້ວຍວິສາຫະກິດສະ ບັບເລກທີ11/ສພຊ, ລົງວັນທີ 9 ພຶດສະພາ 2005 ວ່າດ້ວຍ ການເຄື່ອນໄຫວດຳເນີນທຸລະກິດຢູ່ ສປປ ລາວ ຕ້ອງນອນໃນ 4 ປະເພດ, 3 ຮູບການ, 4 ຮູບແບບເຊັ່ນ: 4 ປະເພດ ລວມມີ: ວິສາຫະກິດ ເອກະຊົນ, ວິສາຫະກິດລັດ, ວິສາຫະກິດປະສົມ ແລະ ວິສາຫະກິດລວມໝູ່, 3 ຮູບການ ຄື: ວິສາຫະ ກິດສ່ວນບຸກຄົນ, ວິສາຫະກິດຮຸ້ນສ່ວນ, ບໍລິສັດຫຼື ບໍລິສັດລັດວິສາຫະກິດ, ສ່ວນ 4 ຮູບການ ປະ ກອບມີ: ວິສາຫະກິດຮຸ້ນສ່ວນຈຳກັດ, ວິສາຫະກິດຮຸ້ນສ່ວນສາມັນ, ບໍລິສັດຈຳກັດ ແລະ ບໍລິສັດມະ ຫາຊົນ. /.

          9 ເດືອນດ່ານພາສີສາກົນນາເພົ້າເກັບລາຍຮັບເຂົ້າງົບປະມານລື່ນແຜນການ 218.48 % 

       ສະພາບການຈັດເກັບລາຍຮັບເຂົ້າງົບປະມານຂອງດ່ານພາສີສາກົນນາເພົ້າ ທີ່ເປັນດ່ານພາສີ ຊາຍແດນ ຕິດກັບດ່ານຈໍຫລໍ ສສຫວຽດນາມໄດ້ດຳເນີນໄປດ້ວຍຄວາມຄ່ອງຕົວດີ , ພາຍຫລັງທາງ ດ່ານໄດ້ຮັບແຜນຕົວເລກ ສົກງົບປະມານປະຈຳປີ 2009-2010 ຈາກເຂດ 3 ແລ້ວ, ກໍໄດ້ນຳເອົາ ແຜນດັ່ງກ່າວມາແບ່ງເປັນງວດ, ເດືອນ ຢ່າງລະອຽດແລ້ວນຳໄປຈັດຕັ້ງປະຕິບັດຕົວຈິງໄລຍະ 9ເດືອນ ຂອງສົກງົບປະມານ 2009-2010 ສາມາດປະຕິບັດໄດ້ທັງໝົດ 21, 847 ຕື້ກວ່າກີບ . ທຽບໃສ່ ແຜນການປີ 10ຕື້ກີບ ແມ່ນລື່ນແຜນການເຖິງ 218.48% . ນີ້ ຄືຕົວເລກທີ່ໄດ້ຮັບການເປີດເຜີຍໃນ ບົດສະຫລຸບລາຍງານການປະຕິບັດຈັດເກັບລາຍຮັບເຂົ້າງົບປະມານ 9 ເດືອນ ຂອງສົກປີ 2009- 2010 ແລະ ແຜນການ 3ເດືອນທ້າຍປີ ຂອງດ່ານສາກົນນາເພົ້າ ສະເໜີຂອງທ່ານ ໄຊຊະນະ ວົງຊົມ ພູ ຫົວໜ້າດ່ານພາສີສາກົນນ້ຳເພົ້າ ຕໍ່ ທ່ານ ນາງວຽງທອງ ສີພັນດອນ ລັດຖະມົນຕີຊ່ວຍວ່າການ ກະຊວງການເງິນ ພ້ອມຄະນະ ໃນໂອກາດລົງເຄື່ອນໄຫວຊຸກຍູ້ ແລະ ຊີ້ນຳການຈັດເກັບລາຍຮັບ ຢູ່ 2 ແຂວງພາກກາງ .

       ຫົວໜ້າດ່ານພາສີສາກົນນ້ຳເພົ້າໃຫ້ຮູ້ວ່າ : ການຈັດຕັ້ງປະຕິບັດຂອງພວກເຮົາສົກປີນີ້ ຖ້າທຽບ ໃສ່ໄລຍະດຽວກັນຂອງສົກປີ 2008-2009 ຖືວ່າແມ່ນເພີ່ມຂຶ້ນເຖິງ 303.72% ໂດຍລາຍຮັບສ່ວນ ໃຫ່ຍແມ່ນໄດ້ມາຈາກ ນໍ້າມັນເຊືອໄຟ ກໍບັນລຸເຖິງ 11, 937 ຕື້ກວ່າກີບ , ເຄື່ອງອຸປະໂພກ-ບໍລິໂພກ 4,434 ຕື້ກວ່າກີບນອກຈາກນີ້ ກໍແມ່ນຈາກຄ່າຊັກພິເສດ, ຄ່າທໍານຽມ ແລະ ຄ່າປັບໄໝຂາຍເຄື່ອງ ຢຶດອີກຈຳນວນໜຶ່ງ . ຕົວເລກລາຍຮັບເຂົ້າປະມານບັນລຸເປັນທີ່ເພິ່ງພໍໃຈຄືກ່າວມານັ້ນ ກໍຍ້ອນມີກົດ ໝາຍ ແລະ ນິຕິກຳຕ່າງໆທີ່ເປັນອີງໃນການຈັດຕັ້ງປະຕິບັດ ແລະ ມີການຊີ້ນຳ-ນຳພາຢ່າງໃກ້ສິດຕິດ ແທດຈາກກົມພາສີເວົ້າລວມ ເວົ້າສະເພາະແມ່ນທາງຄະນະພາສີເຂດ III ເອື້ອອຳນວຍໃຫ້ແກ່ການ ຊ່ວຍເຫລືອຢ່າງເປັນປະຈຳ ແລະ ມີການນຳເຂົ້ານ້ຳມັນເຊື້ອໄຟຂອງບໍລິສັດນັ້ນມັນເຊືອໄຟລາວ .

       ທ່ານ ໄຊຊະນະ ວົງຊົມພູ ໃຫ້ຮູ້ວ່າ : ວຽກງານຕ້ານ ແລະ ສະກັດກັ້ນການລັບລອບໜີພາສີ ພວກເຮົາກໍໄດ້ເອົາໃຈໃສ່ເປັນພິເສດ ໂດຍສະເພາະແມ່ນສິນຄ້າທີ່ມີຄວາມສ່ຽງຫລໍ່ແຫລມເຊັ່ນ: ສິນ ທີ່ເກືອກຫ້າມປະເພດໄມ້, ທີ່ລັບລອບໃສ່ລົດຫີນກາວ. ອັນໄດ້ສ້າງຄວມຫຍຸ້ງຍາກສັບສົນ ໃນການ ກວດ ແຕ່ດ້ວຍເອົາໃຈໃສ່ຂອງພວກເຮົານັ້ນ ກໍສາມາດຈັບກຸມໄດ້ທັງໝົດ 78 ຄະດີ, ໄດ້ໄມ້ຈຳນວນ 8, 731 ແມັດກ້ອນ, ເງິນປັບໃຫມຫລາຍກວ່າ 1, 063 ຕື້ກີບ .ນອກຈາກຂາຍເຄື່ອງຍືດໄດ້ຈຳນວນໜຶ່ງ ແລະ ມອບເຂົ້າງົບປະມານຕື່ມແລ້ວ 670 ລ້ານກວ່າກີບ .ສ່ວນໄມ້ແມ່ນມອບໃຫ້ຂະແໜງການກ່ຽວ ຂ້ອງແລ້ວຈໍານວນ 5.352 ແມັດກ້ອນ . ເພື່ອສືບຕໍ່ເຮັດໃຫ້ແຜນຄາດຄະເນຕົວເລກລາຍຮັບ 3ເດືອນ ທ້າຍ ປີ ບັນລຸຕາມແຜນການ ແລະ ລື່ນໝາຍທີ່ວາງໄວ້ນັ້ນ ຫົວໜ້າດ່ານພາສີສາກົນກໍໄດ້ໃຫ້ ຮູ້ວ່າ : ຈະສືບຕໍ່ວຽກງານສຶກສາອົບຮົມທາງດ້ານການເມືອງ-ແນວຄິດໃຫ້ແກ່ພະນັກງານອ້າຍນ້ອງຢູ່ໃນດ່ານ ເປັນປົກກະຕິ ໄປພ້ອມກັບໃຫ້ການຕິດຕາມ ກວດກາການປະຕິບັດວຽກງານວິຊາສະເພາະຢ່າງເປັນ ປະຈຳ ໂດຍເອົາການເຜີຍແຜ່ ເຊື່ອມຊຶມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ເພື່ອໃຫ້ເຂົາເຈົ້າຮູ້ໄດ້ລະບຽບຫລັກການ ແລະ ມີທັດສະນະທີ່ຖືກຕ້ອງ ບັນຫາສຳຄັນໜຶ່ງກໍແມ່ນວາງ ມາດຕະການໃນການັຈດເກັບລາຍຮັບໃຫ້ເຂົ້າສູ່ລະບຽບກົດໝາຍ ແລະ ມີການສະຫລຸບຖອດຖອນ ບົດຮຽນ ເພື່ອໃຫ້ຄາດຄະເນ ໝົດປີນີ້ ຈະສ້າງລາຍຮັບທັງໝົດໃຫ້ໄດ້ 29, 847 ຕື້ກວ່າກີບ ( ມີຮູບ ດ່ານພາສີສາກົນນາເພົ້າ )

ວັນທີອອກຂ່າວ: 
04/08/2010
ວັນທີ່ເກີດຂ່າວ: 
30/07/2010
ສຸກ, 30 ກໍລະກົດ, 2010 - ຈັນ, 16 ສິງຫາ, 2010

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,042 8,058
THB 248.73 249.85
EUR 11,138 11,194
JPY 77.71 79.27
VND 0.3757   0.3833
ລາຍງານໂດຍ ທະນາຄານແຫ່ງ ສປປລາວ
ວັນທີ 11/4/2014

Counter

  • ຜູ້ເຂົ້າຊົມທັງໝົດ = 11,965,793
  • ເລີ້ມຕັ້ງແຕ່ = 20/03/2009

ປະຕິທິນ

 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30