ຄະນະຜູ້ແທນທະນາຄານນະໂຍລາບແຫ່ງ ສປປ ລາວ ໄດ້ເດີນທາງໄປຢ້ຽມຢາມທະນາຄານນະໂຍ ບາຍ ສສ ຫວຽດນາມ ເພື່ອຖອດຖອນບົດຮຽນ ແລະປະສົບການໃນຂົງເຂດວຽກງານທະນາຄານ, ໄດ້ມີກອງປະຊຸມພົບປະລະຫວ່າງຜູ້ແທນທັງສອງຝ່າຍ ແລະທັງໄດ້ຮ່ວມກັນລົງນາມໃນບົດບັນທຶກ ຊ່ວຍຈຳພົວພັນຮ່ວມມືແຍຍພິເສດຮອບດ້ານ. ຄະນະຜູ້ແທນທະນາຄານນະໂຍບາຍ ແຫ່ງ ສປປ ລາວ ນຳໂດຍທ່ານ ບົວລອງ ໄຊຍະ ວົງ ຜູ້ອຳນວຍການໃຫຍ່ ທະນາຄານນຳໂຍບາຍ ພ້ອມດ້ວຍຄະນະໄດ້ ເດີນທາງໄປຢ້ຽມຢາມທະ ນາຄານນະໂຍບາຍ ສສ ຫວຽດນາມ ໃນລະຫວ່າງວັນທີ 20-25 ມີຖຸນາ 2010 ໂດຍໄດ້ມີການ ພົບປະກັບທ່ານນາງ ດຣ ຮ່າທິແຫ້ງ ຜູ້ອຳນວຍການໃຫຍ່ ທະນາຄານນະໂຍ ບາຍ ສສ ຫວຽດ ນາມ. ເນື່ອງໃນໂອກາດດັ່ງກ່າວ ທ່ານ ບົວລອງ ໄຊຍະວົງ ຜູ້ອຳນວຍການໃຫຍ່ ທະນາຄານນະໂຍບາຍ ໄດ້ກ່າວເຖິງການຢ້ຽມຢາມໃນຄັ້ງນີ້: ແມ່ນເພື່ອແນ່ໃສຖອດຖອນບົດຮຽນ ແລະ ປະສົບ ການໃນຂົງເຂດວຽກງານທະນາຄານເປັນຕົ້ນ ທະນາຄານນະໂຍບາຍ ສສ ຫວຽດ ນາມ ທີ່ເປັນອົງການຈັດຕັ້ງຂອງລັດຖະບານ, ໄດ້ຮັບການຊ່ວຍຫນຸນດ້ານທຶນຮອນ, ສະຫນອງຫ້ອງ ການ, ພາຫະນະ ແລະເຄື່ອງມືຮັບໃຊ້ທີ່ຈຳເປັນຢ່າງພຽງພໍເຊິ່ງ ທນບ ສສ ຫວຽດນາມ ມີພາລະບົດ ບາດໃນການສະຫນອງສິນເຊື່ອດອກເບ້ຍນະໂຍບາຍຂອງລັດຖະບານ ເພື່ອເປັນທຶນຮອນຊຸກຍູ້ການ ຜະລິດຂອງຊາວກະສິກອນໃນທົ່ວປະເທດຄືກັບທະນາຄານນະໂຍບາຍແຫ່ງ ສປປ ລາວ, ໂດຍມີຜະ ລິດຕະພັນສິນເຊື່ອທັງຫມົດ 14 ຜະລິດຕະພັນເຊັ່ນ: ສິນເຊື່ອສຳລັບລູກຄ້າຄົນທຸກຍາກ, ສິນເຊື່ອ ເພື່ອການສຶກສາແຕ່ຊັ້ນປະຖົມເຖິງວິຊາສະເພາະ, ສິນເຊື່ອໄປອອກແຮງງານຢູ່ຕ່າງປະເທດ ແລະ ສິນ ເຊື່ອຊຸກຍູ້ການຜະລິດສິນຄ້າຂະຫນາດນ້ອຍ-ກາງ. ການມາຢ້ຽມຢາມສປປລາວຂອງຄະນະຜູ້ແທນ ທະນາຄານນະໂຍບາຍ ສ.ສຫວຽດນາມໃນ ຄັ້ງນີ້ໄດ້ມີການຮ່ວມລົງນາມບົດບັນທຶກຊ່ວຍຈຳຮັດ ແຫນ້ນການພົວພັນຮ່ວມມືຮອບດ້ານແບບພິເສດລະຫວ່າງສອງທະນາຄານນະໂຍບາຍ ແຫ່ງ ສປປ ລາວ ແລະ ທະນາຄານນະໂຍບາຍ ສສ ຫວຽດນາມ, ໃນນັ້ນຈະໄດ້ສຸມໃສ່ວຽກງານກໍ່ສ້າງບຸກຄະ ລາກອນ ແລະ ແລກປ່ຽນບົດຮຽນ ປະສົບການໃນວຽກງານວິຊາສະເພາະ ເປັນຕົ້ນວຽກງານສິນ ເຊື່ອ, ບັນຊີ-ການເງິນ, ກວດກາ, ຫ້ອງການບໍລິຫານ ແລະ ວຽກງານຈັດຕັ້ງ-ພະນັກງານຂອງສອງ ທະນາຄານ ແລະບັນຫາອື່ນອີກ./