ເພື່ອຜັນຂະຫຍາຍຕາມຈິດໃຈຊີ້ນຳຂອງກອງປະຊຸມວຽກງານຈັດຕັ້ງພະນັກງານ ຂະ ແຫນງການເງິນທົ່ວປະເທດ ຄັ້ງທີ I ແລະ ຕາມການເຫັນດີຂອງຄະນະນຳກະຊວງການເງິນ ເພື່ອ ເປັນການຍົກລະດັບຄວາມຮູ້ທາງດ້ານວຽກງານວິຊາສະເພາະໃຫ້ແກ່ພະນັກງານຫລັກແຫລ່ງ ພາຍໃນລັດວິສາຫະກິດຫວຍພັດທະນາ ພ້ອມກັນເຊື່ອມຊຶມ ແລະ ຫມູນໃຊ້ເຂົ້າໃນວຽກງານທຸ ລະກິດ ຂອງລັດວິສາຫະກິດດັ່ງກ່າວ.

      ໃນວັນທີ 21 ມິຖຸນາ 2010 ຢູ່ສໍານັກງານລັດວິສາຫະກິດ ຫວຍພັດທະນາ ໄດ້ເປີດຊຸດ ເຝິກອົບຮົມວິຊາສະເພາະ ບໍລິຫານທຸລະກິດໄລຍະສັ້ນຊຸດທຳອິດ ປະກອບມີ 4 ວິຊາ: ທິດສະດີ ການເມືອງ-ການປົກຄອງ, ບໍລິຫານການຕະຫລາດ, ບໍລິຫານການຜະລິດ ແລະ ບໍລິຫານການເງິນ ໂດຍມີບັນດາອາຈານຈາກສະຖາບັນການເມືອງ-ການປົກຄອງແຫ່ງຊາດ ມະຫາວິທະຍາໄລແຫ່ງຊາດ ແລະ ວິທະຍາໄລບຸດວິເສດ ຂຶ້ນຫ້ອງບັນລະຍາຍສິດສອນ ມີພະນັກງານເຂົ້າຮ່ວມທັງ ຫມົດ 20 ສະຫາຍ.

      ໃນບັ້ນເຝິກອົບຮົມຄັ້ງນີ້ແມ່ນເນັ້ນໃສ່ວິຊາທີ່ສຳຄັນ ຕົ້ນຕໍແນໃສ່ຍົກລະດັບຄວາມຮູ້ ຄວາມສາມາດໃຫ້ພະນັກງານ ເພື່ອນຳໄປຫມູນໃຊ້ເຂົ້າໃນວຽກງານຕົວຈິງໃຫ້ໄດ້ຮັບຜົນດີ ເຮັດ ໃຫ້ຫົວຫນ່ວຍທຸລະກິດມີປະສິດທິຜົນ ໂປ່ງໃສ ທັນສະໄຫມ ປະກອບສ່ວນພັດທະນາສັງຄົມ ແລະ ປະຕິບັດພັນທະງົບປະມານລັດຖະບານໃຫ້ນັບມື້ນັບຫລາຍຂຶ້ນ ຊຸດເຝິກອົບຮົມຈະດຳເນີນ ໄປຮອດວັນທີ 16 ກໍລະກົດ 2010 ຈຶ່ງຈະສຳເລັດ./