ໃນຕອນເຊົ້າຂອງວັນທີ 07 ກໍລະກົດ 2010 ນີ້ ໜວ່ຍພັກ ຂອງ ລັດວິສາຫະກິດ ສາງສິນຄ້າຜ່ານແດນທ່ານາແລ້ງ (ລສທ) ໄດ້ຈັດພິທີຮັບເອົາມະຫາຊົນຜູ້ກ້າວຫນ້າ ເຂົ້າເປັນສະມາ ຊິກພັກສຳຮອງ ຈຳນວນ 3 ສະຫາຍ,ໂດຍອີງຕາມມະຕິຕົກລົງ ຂອງຄະນະພັກກະຊວງການເງິນ ສະບັບເລກທີ 059/ຄພກງ, ລົງວັນທີ 30 ມີຖຸນາ 2010 ວ່າດວ້ຍການຮັບເອົາມະຫາຊົນເຂົ້າພັກສໍາຮອງ ໂດຍເປັນກຽດເຂົ້າຮ່ວມໃນພິທີດັ່ງກ່າວ ມີສະຫາຍ ຄຳແພງ ສີສະຫງ່າ ເລຂາໜວ່ຍພັກ, ຜູ້ອຳນວຍການ ລສທ ພອ້ມດ້ວຍຄະນະ, ມີບັນດາສະມາຊິກ ພັກສົມບູນ,ສຳຮອງ ແລະ ຜູ້ຕາງໜ້າ 3 ອົງການຈັດຕັ້ງມະຫາຊົນ (ຊາວໜຸ່ມ,ແມ່ຍິງ ແລະ ກໍາມະບານ)ເຂົ້າຮວ່ມຈໍານວນ 27 ສະຫາຍ,

       ໃນພິທີພາຍຫລັງ ມະຫາຊົນຜູ້ກ້າວໜ້າທັງ 3 ສະຫາຍໄດ້ຂື້ນອ່ານໃບສະໝັກຂໍ ເຂົ້າພັກດ້ວຍຕົນເອງ, ຄະນະຈັດຕັ້ງພິທີ ກໍ່ໄດ້ອ່ານມະຕິຕົກລົງ ຂອງຄະນະພັກກະຊວງການເງິນໃນການຮັບເອົາມະຫາຊົນຜູ້ກ້າວຫນ້າເຂົ້າໃນການຈັດພັກ, ສະຫາຍ ເລຂາໜວ່ຍພັກກໍ່ໄດ້ໃຫ້ກຽດໂອ້ລົມ ພ້ອມທັງໃຫ້ຄຳໂອ້ວາດຕັກເຕືອນໃຫ້ແກ່ສະມາຊິກພັກໃໝ່ຊື່ງໄດ້ເໜັ້ນໜັກເຖີງ 5 ໜ້າທີ່ຂອງສະມາຊິກພັກ,ຜ່ານການຝຶກຝົນຫຼໍ່ຫຼອມຕົນເອງ ໃນໄລຍະສະໄໝສຳ ຮອງ 12 ເດືອນ, ຄວາມຊື່ສັດບໍລິສຸດ, ຄວາມເສຍສະຫຼະເພື່ອຜົນປະໂຫຍດລວມຂອງຊາດ ໃຫ້ສູງກວ່າຜົນ ປະໂຫຍດສວ່ນຕົວ ແລະ ສະມາຊິກພັກໃໝ່ກໍ່ໄດ້ຂື້ນກ່າວຮັບຄຳໂອ້ວາດຕັກເຕືອນ ເພື່ອນຳເອົາເນື້ອໃນ ຈິດໃຈຂອງການໂອ້ລົມໃນຄັ້ງນີ້ ນຳໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງ ຂອງແຕ່ລະສະຫາຍຮັບຜິດຊອບໃຫ້ສູງຂື້ນເທື່ອລະກ້າວ.

       ຫນ່ວຍພັກ ລສທ ເປັນຫນ່ວຍພັກຫນຶ່ງທີ່ຂຶ້ນກັບອົງຄະນະພັກກະຊວງການເງິນ, ຊຶ່ງປັດ ຈຸບັນມີສະມາຊິກພັກທັງຫມົດ 23 ສະຫາຍ ຍິງ 5 ສະຫາຍ ສະມາຊິກພັກສຳຮອງ 3 ສະຫາຍ, ໂດຍມີພາລະບົດບາດໃນການຊີ້ນຳໆພາການເຄື່ອນໄຫວວຽກງານຮອບດ້ານຂອງ ລສທ./