an image an image

ເພື່ອເປັນການປະກອບສ່ວນສ້າງຂະບວນການຟົດຟື້ນສະເຫລີມສະຫລອງ ແລະ ຂ່ຳນັບຮັບຕ້ອນວັນ ສຳຄັນຕ່າງໆຂອງຊາດ ໂດສະເພາະກໍແມ່ນຮັບຕ້ອນກອງປະຊຸມໃຫຍ່ຫນ່ວຍພັກຫ້ອງການກໍຄືກອງ ປະຊຸມໃຫຍ່ອົງຄະນະພັກກະຊວງ ການເງິນທີ່ຈະໄຂຂຶ້ນໃນຕໍ່ຫນ້ານີ້. ຄະນະຊາວຫນຸ່ມຫ້ອງການກະ ຊວງໄດ້ຈັດການແຂ່ງຂັນບານເຕະຊາຍສຳລັບທີມຈາກກົມກອງຕ່າງໆອ້ອມຂ້າງຕຶກກະຊວງການເງິນ ໂດຍມີນັກກິລາບານເຕະທັງຫມົດ 08 ທີມເຂົ້າຮ່ວມຄື: ຄັງເງິນແຫ່ງຊາດ, ກົມກວດກາການເງິນ, ກົມ ຈັດຕັ້ງ-ພະນັກງານ+ກົມງົບປະມານ, ກົມເງິນ ຕາຕ່າງປະເທດ, ກົມຄຸ້ມຄອງຊັບສິນລັດ, ກົມຄຸ້ມຄອງ ການເງິນລັດວິສາຫະກິດ, ກົມນະໂຍບາຍການເງິນ ແລະ ຫ້ອງການກະຊວງຊຶ່ງໄດ້ແບ່ງອອກເປັນ ສອງສາຍ A, B ແລະໄດ້ເລີ່ມການແຂ່ງຂັນມາແຕ່ກາງເດືອນ ກຸມພາ ແລະໄດ້ປິດການແຂ່ງຂັນໃນວັນ ທີ 26 ກຸມພາ 2010 ນີ້ ຢູ່ທີເດີ່ນເຕະບານມິດຕະພາບໂດຍໃຫ້ກຽດເຂົ້າຮ່ວມພິທີປິດ ແລະ ມອບຂັນ ລາງວັນໃຫ້ແກ່ນັກກິລາໃນຄັ້ງນີ້ ມີທ່ານ ສາຍສະ ຫມອນ ໄຊສຸລຽນ ຫົວຫນ້າກົມງົບປະມານ; ທ່ານ ສິດທິສອນ ເທບພາສີ ຫົວຫນ້າ ກົມຄຸ້ມຄອງການເງິນລັດວິສາຫະກິດ ແລະ ທ່ານ ສັນຍາ ປຣະເສີດ ຮອງຫົວຫນ້າ ຫ້ອງການກະຊວງການເງິນ. ການແຂ່ງຂັນຄັ້ງນີ້ ທີມຊະນະເລີດແມ່ນກົມຄຸ້ມຄອງ ການເງິນລັດວິສາຫະກິດ ໄດ້ຮັບຂັນລາງວັນ 01 ຫນ່ວຍພ້ອມເງິນສົດ 400.000 ກີບ; ທີມສອງແມ່ນ ຄັງເງິນແຫ່ງຊາດ ໄດ້ຮັບຂັນລາງວັນ 01 ຫນ່ວຍພ້ອມເງິນສົດ 300.000 ກີບ; ທີ່ສາມແມ່ນກົມຈັດ ຕັ້ງ-ພະນັກງານ+ກົມງົບປະມານ ໄດ້ຮັບ ຂັນລາງວັນ 01 ຫນ່ວຍພ້ອມເງິນສົດ 200.000 ກີບ ແລະ ທີ່ສີ່ແມ່ນທີມຫ້ອງ ການ ໄດ້ຮັບເງິນສົດ 100.000 ກີບ ຢ່າງສົມຄວາມສາມາດ. ຂ່າວຍັງໃຫ້ຮູ້ອີກວ່າ: ເພື່ອສ້າງຄວາມສາມັກຄີຮັກແພງລະຫວ່າງພະນັກງານລັດຖະກອນດ້ວຍກັນ ເມື່ອທ້າຍເດືອນກຸມພາ ຜ່ານມານີ້, ຢູ່ທີເດືນບານເຕະໂຮງຮຽນມໍ.ຕົ້ນ ຫນອງໄຮ ໄດ້ມີການແຂ່ງຂັນບານເຕະມິດຕະພາບລະ ຫວ່າງທີມຫ້ອງການກະຊວງການເງິນ ແລະກົມພາສີຊຶ່ງຕະຫລອດການແຂ່ງຂັນທາງດ້ານຄວາມສາ ມາດລີລາການກິລາກໍຄືສຸຂະພາບ ແລະມິດຕະພາບຜົນປະກົດວ່າ ທີມຫ້ອງການສາມາດເອົາຊະນະ ທີມກົມພາສີດ້ວຍຄະແນນ7 ປະຕູຕໍ່ 6 ແລະ ໃນໂອກາດນີ້, ທາງທີມບານເຕະກົມພາສີ ຍັງໄດ້ແຖມ ”ລາງວັນ“ ເຄື່ອງນຸ່ງ ກິລາ ຈຳນວນ 20 ຊຸດ ພ້ອມດ້ວຍບານເຕະອີກ 2 ຫນ່ວຍ ໂດຍແມ່ນທ່ານ ອາດ ສະພັງທອງ ສີພັນດອນ ຮອງຫົວຫນ້າກົມພາສີ ເປັນຜູ້ມອບ ແລະ ທ່ານ ສັນປຣະເສີດ ຮອງຫົວຫນ້າ ຫ້ອງການເປັນຜູ້ຮັບ.

ວັນທີອອກຂ່າວ: 
12/03/2010
ວັນທີ່ເກີດຂ່າວ: 
08/03/2010
ສຸກ, 12 ມີນາ, 2010 - ພຸດ, 17 ມີນາ, 2010

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,086 8,096
THB 247.95 248.45
EUR 9,892 9,942
JPY 66.77 68.11
VND 0.3787   0.3863
ລາຍງານໂດຍ ທະນາຄານແຫ່ງ ສປປລາວ
ວັນທີ 19/12/2014

Counter

  • ຜູ້ເຂົ້າຊົມທັງໝົດ = 13,996,444
  • ເລີ້ມຕັ້ງແຕ່ = 20/03/2009

ປະຕິທິນ

1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31