an image an image

ແມ່ຍິງກົມສ່ວຍສາອາກອນ ເຊື່ອມຊຶມແນວທາງນະໂຍບາຍຄວາມສະເໝີພາບຍິງ-ຊາຍ

pulpit rock
ໃນວັນທີ 4 ພຶດສະພາ 2018 ຜ່ານມາ, ທີ່ກົມສ່ວຍສາອາກອນ, ສະຫະພັນແມ່ຍິງກົມສ່ວຍສາອາກອນໄດ້ຈັດກອງປະຊຸມເຜີຍແຜ່ແນວທາງນະໂຍບາຍຂອງພັກ-ລັດຖະບານກ່ຽວກັບ ການສົ່ງເສີມຄວາມສະເໝີພາບຍິງ-ຊາຍ ເປັນຕົ້ນແມ່ນແຜນຍຸດທະສາດ ປີ 2016-2025 ແລະ ແຜນດໍາເນີນງານຄວາມສະເໝີພາບລະຫວ່າງຍິງ-ຊາຍ, ໂດຍການເຂົ້າຮ່ວມຂອງທ່ານ ນາງ ສຸພອນ ວໍລະວົງ ຮອງປະທານອົງການແນວລາວສ້າງຊາດ ນະຄອນຫລວງວຽງຈັນ ຊີ້ນໍາວຽກງານໂຄສະນາອົບຮົມ, ອາດີດຮອງປະທານຄະນະກໍາມະການເພື່ອຄວາມກ້າວໜ້າແມ່ຍິງ ແລະ ເດັກ ນະຄອນຫຼວງວຽງຈັນ, ມີທ່ານ ນາງ ຄອນມະນີ ພິມມະສັກ ຜູ້ຊີນໍາວຽກງານສາມອົງການຈັດຕັ້ງມະຫາຊົນ, ຄະນະກໍາມະການເພື່ອຄວາມກ້າວໜ້າແມ່ຍິງກະຊວງການເງິນ ຮອງຫົວໜ້າກົມສ່ວຍສາອາກອນ, ພ້ອມດ້ວຍບັນດາສະມາຊິກແມ່ຍິງກົມສ່ວຍສາອາກອນເຂົ້າຮ່ວມ.
ໂອກາດນີ້, ທ່ານ ນາງ ຄອນມະນີ ພິມມະສັກ ໃຫ້ຮູ້ວ່າ: ການຈັດກອງປະຊຸມຂຶ້ນໃນຄັ້ງນີ້, ເພື່ອເປັນການເຜີຍແຜ່ເຊື່ອມຊຶມແນວທາງນະໂຍບາຍຂອງພັກ-ລັດຖະບານໃນການສົ່ງເສີມຄວາມສະເໝີພາບຍິງ-ຊາຍ ເປັນຕົ້ນແມ່ນແຜນຍຸດທະສາດ ປີ 2016-2025 ແລະ ແຜນດໍາເນີນງານຄວາມສະເໝີພາບລະຫວ່າງຍິງ-ຊາຍ ແຫ່ງຊາດ, ໃຫ້ບັນດາເອື້ອຍນ້ອງຍິງ-ຊາຍພາຍໃນກົມສ່ວຍສາອາກອນໄດ້ຮັບຮູ້ ແລະ ເຂົ້າໃຈ ເພື່ອນໍາໄປໝູນໃຊ້ໃນໜ້າທີ່ວຽກງານ ແລະ ຊີວິດປະຈໍາວັນ ເພື່ອເປັນການສ້າງຄວາມເຂັ້ມແຂງໃນອົງກອນ ແລະ ຍົກສູງສິດເປັນເຈົ້າຕົນເອງຂອງເພດຍິງໃຫ້ບັນລຸຕາມຄໍາຂວັນຂອງສະຫະພັນແມ່ຍິງລາວວາງອອກດັ່ງນີ້, “ພັດທະນາຄວາມສະເໝີພາບຍິງ-ຊາຍ ຕິດພັນກັບການພັດທະນາປະເທດຊາດ” ແລະ ປະຕິບັດຄໍາຂວັນຂອງສ່ວຍສາອາກອນ “ແຜນຈັດເກັບລາຍຮັບສ່ວຍສາອາກອນໃຫ້ບັນລຸຕາມເປົ້າໝາຍທີ່ກໍານົດໄວ້”.
ສະນັ້ນ, ເພື່ອເປັນການການສະເຫຼີມສະຫຼອງວັນກໍາມະກອນສາກົນ ຄົບຮອບ 132ປີ, ສະມາຊິກສະຫະພັນແມ່ຍິງກົມສ່ວຍສາອາກອນ, ຈຶ່ງຈັດກອງປະຊຸມດັ່ງກ່າວຂຶ້ນເພື່ອໃຫ້ບັນດາພະນັກງານເອື້ອຍນ້ອງຍິງ-ຊາຍ ໄດ້ສຸມໃສ່ຈັດຕັ້ງຜັນຂະຫຍາຍການເຄື່ອນໄຫວລວມສູນຕາມສາຍຕັ້ງ ແລະ ເລັ່ງໃສ່ການຈັດເກັບລາຍຮັບສ່ວຍສາອາກອນເຂົ້າງົບປະມານຢ່າງມີປະສິດທິຜົນ ແລະ ຮັບປະກັນຄວາມຖຶກຕ້ອງໂປ່ງໃສ, ຄົບຖ້ວນຕາມກໍານົດເວລາການເກັບລາຍຮັບສ່ວຍສາອາກອນໃນປີ 2018 ໃຫ້ໄດ້ 11.600 ຕື້ກີບ ທຽບໃສ່ຕົວເລກຄາດຄະເນປີຜ່ານມາເພີ່ມຂຶ້ນ 12,54%, ເພື່ອເຮັດໃຫ້ບັນລຸຕາມຄາດໝາຍທີ່ວາງໄວ້ບັນດາເອື້ອຍນ້ອງຍິງທົ່ວກົມສ່ວຍສາອາກອນໄດ້ສຸມເຫື່ອເທແຮງພ້ອມກັນຈັດຕັ້ງປະຕິບັດຢ່າງເຂັ້ມງວດ.
ໂອກາດດຽວກັນ, ທ່ານ ນາງ ສຸພອນ ວໍລະວົງ ຍັງໄດ້ສະເໜີແນວທາງນະໂຍບາຍ ການສົ່ງເສີມຄວາມສະ ເໝີພາບຍິງ-ຊາຍໃນສປປ ລາວ, ຍົກໃຫ້ເຫັນເຖິງສະພາບລວມຂອງແມ່ຍິງລາວ, ຊຶ່ງຕະຫລອດໄລຍະຜ່ານມາແມ່ຍິງ ລາວເຮົາໄດ້ມີຄວາມກ້າວໜ້າຫຼາຍດ້ານໃນການຈັດຕັ້ງປະຕິບັດແນວທາງນະໂຍບາຍຂອງພັກ-ລັດ ລັດຖະທໍາມະນູນ, ກົດໝາຍຂອງລັດ ແລະ ນິຕິກໍາອື່ນໆ, ໂດຍສະເພາະໃນປັດຈຸບັນໄດ້ປະຕິບັດຕາມແນວທາງນະໂຍບາຍຂອງພັກ-ລັດ ແລະ ເອົາໃຈໃສ່ກ່ຽວກັບການສົ່ງເສີມຄວາມສະເໝີພາບລະຫວ່າງຍິງ-ຊາຍ ເພື່ອເປັນການຍົກສູງຄວາມຕື່ນຕົວໃນທຸກດ້ານ, ປຸກລະດົມການສ້າງເງື່ອນໄຂໃຫ້ແມ່ຍິງໄດ້ມີສ່ວນຮ່ວມຢ່າງຕັ້ງໜ້າ ແລະ ນໍາໃຊ້ກໍາລັງແຮງງານແມ່ຍິງໃຫ້ມີຄວາມເໝາະສົມ, ເພື່ອເສີມຂະຫຍາຍພາລະບົດບາດຂອງບັນດາເອື້ອຍນ້ອງແມ່ຍິງໃຫ້ມີຄວາມເຂັ້ມແຂງຍິ່ງໆຂຶ້ນ.

ພາບ-ຂ່າວ: ຫັດທະພອນ-ສອນໄຊ.

ວັນທີອອກຂ່າວ: 
11/05/2018
ວັນທີ່ເກີດຂ່າວ: 
04/05/2018
ສຸກ, 4 ພຶດສະພາ, 2018 - ອັງຄານ, 4 ພຶດສະພາ, 2021
ເອກະສານຂະໜາດ
a861.jpg188.35 KB
a862.jpg226.24 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 30,289,977
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30