an image an image

ເມືອງສີໂຄດຕະບອງມີຫົວໜ່ວຍທຸລະກິດ 4.224 ພື້ນຖານ

pulpit rockpulpit rock

ຜ່ານການຈັດຕັ້ງປະຕິບັດວຽກງານເດີນສຳຫລວດຖານລາຍຮັບເຂົ້າງົບປະມານຄືນໃໝ່ ທົ່ວນະຄອນ ຫລວງວຽງຈັນ, ສະເພາະເມືອງສີໂຄດຕະບອງ ນະຄອນຫລວງວຽງຈັນ, ມີຫົວໜ່ວຍທຸລະກິດທັງໝົດ 4.224 ພື້ນຖານ, ສ່ວນການຈັດຕັ້ງປະຕິບັດເກັບລາຍຮັບເຂົ້າງົບປະມານໃນສົກປີ 2015-2016 ໄດ້ທັງໝົດ 40,9 ຕື້ກວ່າກີບທຽບໃສ່ແຜນການປີເທົ່າກັບ 85,24%.
ທ່ານ ຄຳຕາ ອໍລະດົມ ຫົວໜ້າຫ້ອງການ-ການເງິນເມືອງສີໂຄດຕະບອງ ລາຍງານຕໍ່ກອງປະຊຸມສະຫລຸບການເຄື່ອນໄຫວວຽກງານການເງິນ ປະຈຳສົກປີ 2015-2016 ແລະ ທິດທາງແຜນການປີ 2017 ທີ່ຈັດຂຶ້ນໃນວັນທີ 11 ເມສາ 2017 ທີ່ຫ້ອງວ່າການປົກເມືອງສີໂຄດຕະບອງ ໂດຍການເປັນປະທານຂອງທ່ານ ນາງ ພູວຽງ ແກ້ວວົງວິຈິດ ເຈົ້າເມືອງສີໂຄດຕະບອງ, ມີທ່ານ ແອລະວັນ ຈັນທະວິໄຊ ຮອງຫົວໜ້າພະແນກສ່ວຍສາອາກອນ ນວ, ພ້ອມດ້ວຍພະນັກທີ່ກ່ຽວຂ້ອງເຂົ້າຮ່ວມ.
ທ່ານ ຄຳຕາ ອໍລະດົມ ຍົກໃຫ້ເຫັນວ່າ: ຜ່ານການຈັດຕັ້ງປະຕິບັດວຽກງານເດີນສຳຫລວດຖານລາຍຮັບເຂົ້າງົບປະມານຄືນໃໝ່ ທົ່ວນະຄອນຫລວງວຽງຈັນ, ສະເພາະເມືອງສີໂຄດຕະບອງ, ມີຫົວໜ່ວຍທຸລະກິດທັງໝົດ 4.224 ພື້ນຖານ, ເພີ່ມຂຶ້ນ 8,22% ໃນນີ້, ຫົວໜ່ວຍທຸລະກິດທີ່ເມືອງຄຸ້ມຄອງມີ 2.649 ພື້ນຖານ, ຂະແໜງການຄ້າ 906 ພື້ນຖານ, ຂະແໜງການບໍລິການ 642 ພື້ນຖານ, ການໃຫ້ເຊົ່າ 1.009 ພື້ນຖານ, ຂະແໜງການຜະລິດ 92 ພື້ນຖານ, ຫົວໜ່ວຍທີ່ບ້ານຄຸ້ມຄອງມີ 1.575 ພື້ນຖານ ເພີ່ມຂຶ້ນ 3,48%, ຂະແໜງການຄ້າ 929 ພື້ນຖານ, ຂະແໜງການບໍລິການ 635 ພື້ນຖານ, ຂະແໜງການຜະລິດ 11 ພື້ນຖານ.
ສ່ວນການຈັດຕັ້ງປະຕິບັດເກັບລາຍຮັບເຂົ້າງົບປະມານໃນສົກປີ 2015-2016 ທີ່ພະແນກການເງິນນະຄອນຫລວງວຽງຈັນ ມອບໃຫ້ຈັດເກັບລາຍຮັບເຂົ້າງົບປະມານໃຫ້ໄດ້ 48 ຕື້ກວ່າກີບ, ຖ້າທຽບໃສ່ແຜນ ການຂອງສົກປີຜ່ານມາຫລຸດລົງ 1%, ທຽບໃສ່ການຈັດຕັ້ງປະຕິບັດຕົວຈິງເພີ່ມຂຶ້ນ 22%, ຜ່ານການຈັດຕັ້ງປະຕິບັດຕົວຈິງສາມາດເກັບລາຍຮັບເຂົ້າງົບປະມານໄດ້ທັງໝົດ 40,9 ຕື້ກວ່າກີບ ທຽບໃສ່ແຜນການປີເທົ່າກັບ 85,24%, ຖ້າທຽບໃສ່ການຈັດຕັ້ງປະຕິບັດຂອງສົກປີຜ່ານມາເທົ່າກັບ 103,92% ເພີ່ມຂຶ້ນ 3,9% (ເປັນເງິນ 1.545.890.861 ກີບ).
ທ່ານ ຄຳຕາ ອໍລະດົມ ຫົວໜ້າຫ້ອງການ-ການເງິນເມືອງສີໂຄດຕະບອງ ກ່າວອີກວ່າ: ສາເຫດທີ່ບໍ່ສາມາດເກັບລາຍຮັບບັນລຸຕາມແຜນການທີ່ວາງໄວ້ ເນື່ອງຈາກວ່າການດັດແກ້ຖານອາກອນປະຕິບັດບໍ່ສຳ ເລັດ, ມີຫົວໜ່ວຍທຸລະກິດຈຳໜຶ່ງຍັງບໍ່ທັນຕື່ນຕົວແຈ້ງລາຍຮັບຕົວຈິງ, ອັດຕາການຈັດເກັບອາກອນລາຍໄດ້ຈາກການມອບໂອນສິດນຳໃຊ້ທີ່ດິນມີການດັດແກ້ຫລຸດລົງຈາກ 5% ຍັງເຫລືອພຽງ 2%, ການເກັບລາຍຮັບຈາກພາສີທີ່ດິນທີ່ມອບໃຫ້ບ້ານຈັດຕັ້ງປະຕິບັດເຫັນວ່າຍັງມີດິນຫລາຍຕອນເກັບບໍ່ທັນໄດ້, ການສຳປະ ທານຫີນ-ຊາຍ, ດິນດຳ, ດິນແດງ, ຫີນດານ, ການຖົມດິນ ການປະຕິບັດມອບພັນທະຍັງບໍ່ທັນຕາມບໍລິມາດຕົວຈິງ ແລະ ຍັງມີພະນັກງານການເງິນບາງຄົນຂາດຄວາມຮັບຜິດຕໍ່ໜ້າທີ່ວຽກງານຄວາມຮັບຜິດຊອບ,ຂາດການປະສານສົມທົບກັບບັນດາຂະແໜງການຕ່າງໆ...

ວັນທີອອກຂ່າວ: 
07/04/2017
ວັນທີ່ເກີດຂ່າວ: 
07/04/2017
ສຸກ, 7 ເມສາ, 2017
ເອກະສານຂະໜາດ
a306.jpg368.38 KB
a307.jpg220.69 KB
a308.jpg388.26 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,881,303
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30