an image an image

ເມືອງສີສັດຕະນາກນໍາໃຊ້ລະບົບ EASY TAX ແລະ TMIS ໃນການແຈ້ງ-ມອບລາຍຮັບສ່ວຍສາອາກອນ, ຄ່າທຳນຽມ, ບໍລິການຕ່າງໆ

pulpit rock
ເພື່ອເຮັດໃຫ້ການເກັບລາຍຮັບຕ່າງໆຂອງສີສັດຕະນາກ ນະຄອນຫລວງວຽງຈັນໃຫ້ມີຄວາມໂປ່ງໃສ່, ໃນວັນທີ 6 ທັນວາ 2017 ທີ່ຫ້ອງການ-ການເງິນເມືອງສີສັດຕະນາກ, ເປີດນຳໃຊ້ລະບົບ Easy TAX ແລະ TMIS ເຂົ້າໃນການແຈ້ງ-ມອບລາຍຮັບສ່ວຍສາອາກອນ, ຄ່າທໍານຽມທາງ ແລະ ຄ່າບໍລິການຕ່າງໆຜ່ານລະບົບທະນາຄານ, ໂດຍການເຂົ້າ ຮ່ວມຂອງທ່ານ ໂພຄໍາ ໄຊຍະສອນ ເຈົ້າເມືອງສີສັດຕະນາກ, ມີຜູ້ຕາງໜ້າຈາກບັນດາກົມອອ້ມຂ້າງກະຊວງການເງິນ, ທະນາຄານ ການຄ້າຕ່າງປະເທດລາວ ມະຫາຊົນ, ທະນາຄານ ພັດທະນາລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ໂພຄໍາ ໄຊຍະສອນ ລາຍງານໃຫ້ຮູ້ວ່າ: ການນໍາໃຊ້ລະບົບດັ່ງກ່າວແມ່ນເພື່ອອໍານວຍຄວາມສະດວກໃຫ້ແກ່ຜູ້ທີ່ມອບພັນທະສ່ວຍສາອາກອນໃນການແຈ້ງ-ມອບລາຍຮັບສ່ວຍສາອາກອນປະເພດຕ່າງໆ ໂດຍຜ່ານທາງອິນເຕີເນັດ ເຊິ່ງ ສາມາດຊໍາລະໄດ້ຜ່ານທາງ Mobile Banking, ຕູ້ ATM ແລະ Counter Service ຂອງທະນາຄານ, ປັດຈຸບັນແມ່ນທະນາຄານ ພັດທະນາລາວ ແລະ ທະນາຄານ ການຄ້າຕ່າງປະເທດລາວ ມະຫາຊົນ ທີ່ໃຫ້ບໍລິການ, ການນໍາໃຊ້ລະບົບດັ່ງກ່າວເຮັດໃຫ້ຊ່ວຍປະຢັດເວລາໃນການເດີນທາງ, ການລໍຖ້າໃນການອອກໃບສັ່ງມອບ, ການຂຽນຂໍ້ມູນເຂົ້າໃນໃບແຈ້ງ, ການລໍຖ້າຊໍາລະເງິນຢູ່ຄັງເງິນປະຈໍາເມືອງ, ປະຢັດຄ່າໃຊ້ຈ່າຍຕ່າງໆທີ່ຕິດພັນກັບການແຈ້ງມອບໃນແບບເກົ່າ ແລະ ສາມາດກວດຄືນໄດ້ດ້ວຍຕົນເອງໃນການແຈ້ງ-ມອບພັນທະສ່ວຍສາອາກອນຂອງວິສາຫະກິດໄດ້ຜ່ານລະບົບດັ່ງກ່າວ ໄດ້ທຸກເວລາທີ່ຕ້ອງການ ແລະ ທັງຊ່ວຍຫລຸດຜ່ອນການເກັບເອກະສານຂອງວິສາຫະກິດອີກດ້ວຍ.
ພ້ອນນັ້ນ, ຍັງເຮັດໃຫ້ພະນັກງານສ່ວຍສາອາກອນຜູ້ຄຸ້ມຄອງ ແລະ ນໍາໃຊ້ລະບົບດັ່ງກ່າວສາມາດສົມທຽບລາຍຮັບກັບຄັງເງິນແຫ່ງຊາດປະຈໍາເມືອງໄດ້ເປັນແຕ່ລະວັນ, ອາທິດ, ເດືອນ, ງວດ, ປີ ໂດຍຜ່ານລະບົບດັ່ງກ່າວເຊິ່ງຊ່ວຍປະຢັດເວລາ, ມີຄວາມຊັດເຈນສູງ, ສ້າງຄວາມສະດວກວ່ອງໄວຫລາຍທຽບໃສ່ຮູບແບບເກົ່າທີ່ເຄີຍປະຕິບັດຜ່ານມາ, ສະດວກໃນການຄຸ້ມຄອງຕິດຕາມ, ກວດກາ, ການປະຕິບັດພັນທະຂອງຜູ້ປະກອບການ, ມີຄວາມເປັນເອກະພາບສູງໃນການນໍາໃຊ້ແບບຟອມ, ຮູບແບບການຊໍາລະ, ສາມາດນໍາເອົາຂໍ້ມູນດັ່ງກ່າວມາໃຊ້ໃນການວິໄຈໃນການສ້າງແຜນລາຍຮັບໃນແຕ່ລະໄລຍະ ແລະ ທັງຊ່ວຍສ້າງຄວາມໂປ່ງໃສ, ຄວາມໜ້າເຊື່ອຖືໃຫ້ແກ່ຜູ້ປະກອບການ ແລະ ສັງຄົມຫລາຍຂຶ້ນ.
ທັງນີ້, ກໍ່ເພື່ອເປັນການພັດທະນາການຄຸ້ມຄອງ ການຈັດເກັບລາຍຮັບໃນນະຄອນຫລວງວຽງຈັນໃຫ້ຫັນໄປສູ່ລະ ບົບທີ່ທັນສະໄໝ ໂດຍສະເພາະຢູ່ 4 ເມືອງໃນໃຫ້ສາມາດບໍລິການການຮັບແຈ້ງ, ການມອບລາຍຮັບປະເພດຕ່າງໆໃຫ້ມີຄວາມສະດວກສະບາຍ ຫລາຍຮູບແບບຕາມເງື່ອນໄຂຕົວຈິງຂອງຜູ້ປະກອບການຄຽງຄູ່ກັບການເຕີບໃຫ່ຍຂະຫຍາຍຕົວຂອງຫົວໜ່ວຍວິສາຫະກິດທີ່ນັບມື້ນັບເພີ່ມຂຶ້ນ.

ວັນທີອອກຂ່າວ: 
08/12/2017
ວັນທີ່ເກີດຂ່າວ: 
06/12/2017
ພຸດ, 6 ທັນວາ, 2017 - ອາທິດ, 6 ທັນວາ, 2020
ເອກະສານຂະໜາດ
a724.jpg482.32 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 31,319,082
  • ເລີ້ມຕັ້ງແຕ່ = 20/03/2009

ປະຕິທິນ

1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31