an image an image

ເປີດຊຸດຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ ຊຸດທີ IX

pulpit rock
ເພື່ອປະກອບຄວາມຮູ້ພື້ນຖານທາງດ້ານທິດສະດີການເມືອງ ເປັນຕົ້ນຫລັກມູນພື້ນຖານຂອງທິດສະດີ ມາກ-ເລນິນ ແລະ ແນວທາງນະໂຍບາຍຂອງພັກ, ຍົກລະດັບຄວາມຮູ້, ຫລັກໝັ້ນ ແລະ ທັດສະນະຊົນຊັ້ນກໍາມະກອນ, ຮູ້ຈັກຈໍາແນກມິດ-ສັດຕູ ເຊື່ອໝັ້ນຕໍ່ການນໍາພາຂອງພັກ ກໍຄືຈຸດໝາຍການປະຕິວັດຂອງປະເທດເຮົາ.
ໃນວັນທີ 20 ພະຈິກ 2017 ທີ່ສະຖາບັນເສດຖະກິດ-ການເງິນ (ດົງຄໍາຊ້າງ) ກົມຈັດຕັ້ງ ແລະ ພະນັກງານ ກະຊວງການເງິນ ໄດ້ເປີດຊຸດຝຶກອົບຮົມທິດສະດີການເມືອງ ແລະ ການປົກຄອງ ໄລຍະສັ້ນ ຊຸດທີ IX ຂອງກະຊວງການເງິນ ປະຈໍາປີ 2017 ໂດຍການເປັນປະທານຮ່ວມຂອງ ທ່ານ ບຸນໂຈມ ອຸບົນປະເສີດ ຮອງລັດຖະມົນຕີ ກະຊວງການເງິນ ມີທ່ານຮອງຫົວໜ້າສະຖາບັນການເມືອງ-ການປົກຄອງ, ມີບັນດາຄະນະກົມອອ້ມຂ້າງກະຊວງການເງິນ, ຫົວໜ້າພະແນກ, ຮອງພະແນກ, ວິທະຍາກອນຈາກສະຖາບັນການເມືອງ-ການປົກຄອງ ພ້ອມດ້ວຍນັກສໍາມະນາກອນເຂົ້າຮ່ວມ.
ຊຸດຝຶກອົບຮົມດັ່ງກ່າວ, ຈັດຂຶ້ນເພື່ອໃຫ້ພະນັກງານ-ສະມາຊິກພັກ, ພະນັກງານຫລັກແຫລ່ງຂອງກະຊວງການເງິນໄດ້ຮັບຄວາມຮູ້ອັນໃໝ່ກ່ຽວກັບກົດໝາຍ ແລະ ລະບຽບການຕ່າງໆຂອງຂະແໜງການເງິນ ແລະ ຂະແໜງການທີ່ກ່ຽວຂ້ອງໃນໄລຍະໃໝ່, ເພື່ອຝຶກຝົນຫລໍ່ຫລອມຄຸນສົມບັດ, ຍົກສູງຄຸນທາດການເມືອງ, ສະຕິຄວາມເປັນແບບຢ່າງນໍາໜ້າໃຫ້ແກ່ມະຫາຊົນ ແລະ ຍົກສູງສະຕິລະວັງຕົວຕໍ່ທຸກເລ້ລ່ຽມກົນອຸບາຍຍຸດທະສາດຫັນປ່ຽນໂດຍສັນຕິຂອງສັດຕູ, ທັງເພື່ອເສີມສ້າງ ແລະ ພັດທະນາຄວາມຮູ້ກ່ຽວກັບການຄຸ້ມຄອງ-ບໍລິຫານລັດ, ວຽກງານພິທີການ, ມາລະຍາດທາງສັງຄົມ ແລະ ການຮຽນຮູ້ວັດທະນະທໍາຂອງປະເທດອາຊຽນໃຫ້ແກ່ພະນັກງານນໍາພາ-ຄຸ້ມຄອງຂັ້ນພະແນກ ຫລືທຽບເທົ່າໃຫ້ໄດ້ມາດຕະຖານຕາມຕໍາແໜ່ງງານ. ຊຸດຝຶກອົບຮົມໃນຄັ້ງນີ້ ມີນັກສໍາມະນາກອນທັງໝົດ 36 ທ່ານ ເພດຍິງ 5 ທ່ານ ເຊິ່ງນັກສໍາມະນາກອນຈະໄດ້ຄົ້ນຄວ້າຮໍ່າຮຽນ 7 ພາກວິຊາ ແຕ່ລະພາກວິຊາຈະໄດ້ມີການສົມທຽບໃສ່ແນວທາງນະໂຍບາຍຂອງພັກທີ່ວາງອອກ ແລະ ພຶດຕິກໍາຕົວຈິງ.
ໂອກາດດັ່ງກ່າວ, ທ່ານ ບຸນໂຈມ ອຸບົນປະເສີດ ໃຫ້ຮູ້ວ່າ: ເພື່ອຮັບປະກັນໄດ້ໃນການຝຶກອົບຮົມໃນຄັ້ນີ້ ໃຫ້ໄດ້ຮັບຜົນສໍາເລັດຕາມລະດັບຄາດໝາຍ. ທັງນີ້, ກໍ່ເພື່ອຍົກສູງຄວາມຮູ້ຄວາມເຂົ້າໃຈທາງດ້ານທິດສະດີມາກ-ເລນິນ, ທາງດ້ານທິດສະດີຂອງພັກປະຊາຊົນປະຕິວັດລາວ ເຊິ່ງມີຄວາມຈໍາເປັນຫລາຍສໍາລັບພະນັກງານ-ຄຸ້ມຄອງ ຕ້ອງກໍາໄດ້ຫລັກການພື້ນຖານ ໂດຍສະເພາະຂີດຄວາມສາມາດໃນການນໍາພາຄຸ້ມຄອງຕໍ່ພະນັກງານ ມີຄວາມຮັບຜິດຊອບໃນການວາງແຜນ, ການເບິ່ງບັນຫາຕ່າງໆ ພ້ອມກັນນັ້ນ, ທ່ານ ຍັງໄດ້ເນັ້ນໃຫ້ນັກສໍາມະນາກອນທັງໝົດພ້ອມກັນຕັ້ງໃຈຮັບເອົາການຖ່າຍທອດບົດຮຽນ, ການສະເໜີບົດຮຽນຕາມລະບຽບການ, ເພື່ອເປັນການຝຶກຝົນຫລໍ່ຫລອມຕົນເອງໃນການຊີ້ນໍາ-ນໍາພາພະນັກງານໃນຕໍ່ໄປ.
ຂ່າວ: ອາພັດສະລາ

ວັນທີອອກຂ່າວ: 
24/11/2017
ວັນທີ່ເກີດຂ່າວ: 
20/11/2017
ຈັນ, 20 ພະຈິກ, 2017 - ສຸກ, 20 ພະຈິກ, 2020
ເອກະສານຂະໜາດ
a702.jpg481.68 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,304 8,308
THB 259.29 261.24
EUR 10,142 10,193
JPY 73.43 74.90
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 23/01/2018

Counter

  • ຜູ້ເຂົ້າຊົມທັງໝົດ = 25,225,161
  • ເລີ້ມຕັ້ງແຕ່ = 20/03/2009

ປະຕິທິນ

1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31