an image an image

ເຈົ້າໜ້າທີ່ດ່ານສາກົນນ້ຳກັ່ນ ຢຶດສານເສບຕິດນ້ຳໜັກເກືອບ 2 ໂຕນ ພ້ອມກັກຕົວຜູ້ຕ້ອງຫາສັນຊາດຫວຽດນາມ

pulpit rock

ໃນວັນທີ 4 ກໍລະກົດ 2017 ເຈົ້າໜ້າທີ່ພາສີໄດ້ສົມທັບກັບເຈົ້່າໜ້າທີ່ກວດຄົນເຂົ້າເມືອງ ປະຈຳດ່ານສາກົນນ້ຳກັ່ນ ແຂວງຊຽງຂວາງ, ກັກລົດບັນທຸກ 6 ລໍ້ຍີ່ຫໍ້ຮຸ່ນໄດ ໝາຍເລກທະບຽນ 37c 08677 ພ້ອມກັກຕົວທ້າວ ຫງຽນກົງມິງ ຜູ້ຕ້ອງຫາສັນຊາດສສ ຫວຽດນາມ ຈໍານວນ 1 ຄົນ, ທີ່ຊຸກເຊື່ອງຂອງຜິດກົດໝາຍປະເພດຝຸ່ນສີຂາວ ຈຳນວນ 75 ເປົາ ລວມນ້ຳໜັກ 1.875 ກິໂລ (ລັກສະນະເປັນສານເຄມີຂັ້ນຕົ້ນເພື່ອນຳໄປຜະລິດເປັນຢາເສບຕິດ).
ອີງຕາມການລາຍງານຂອງທ່ານ ຄຳພັດ ບຸນມີໄຊ ຮອງຫົວໜ້າດ່ານພາສີສາກົນນໍ້າກັ່ນ ແຂວງຊຽງຂວາງ ໃຫ້ຮູ້ວ່າ: ໃນເວລາ 9:00 ໂມງ ຂອງວັນທີ 4 ກໍລະກົດ 2017 ໄດ້ມີລົດບັນທຸກ 6 ລໍ້ ຍີ່ຫໍ້ຮຸ່ນໄດ ໝາຍເລກທະບຽນ 37c 08677 ຂະໜາດບັນທຸກ 15 ໂຕນ, ຊຶ່ງຂັບຂີ່ໂດຍທ້າວ ຫງຽນກົງມິງ ຖືປື້ມໜັງສືແຜນເລກທີ B8363957 ແຈ້ງເອກະສານລົດຕໍ່ເຈົ້າໜ້າທີ່ພາສີປະຈຳດ່ານ ເພື່ອແຈ້ງເຂົ້າມາສປປ ລາວ ຫລັງຈາກປະກອບເອກະສານຄົບຖ້ວນແລ້ວຜູ້ກ່ຽວໄດ້ນຳເອົາເອກະສານລົດ ແລະ ໜັງສືແຈ້ງຜ່ານແດນຕໍ່ຈຸງານກວດກາສິນຄ້າກວດກາລົດຄັນດັ່ງກ່າວ.
ຜ່ານການກວດການຕົວຈິງເຫັນວ່າລົດຄັນດັ່ງກ່າວບໍ່ໄດ້ບັນທຸກສິນຄ້າຫຍັງ ແລະ ສັງເກດເຫັນວ່າພື້ນທ້ອງລົດຄັນດັ່ງກ່າວມີຄວາມໜ້າຜິດຜິດປົກກະຕິມີການດັດແປງລັກສະນະພື້ນສອງຊັ້ນ, ໃນເວລານັ້ນເຈົ້າໜ້າທີ່ພາສີສັ່ງໃຫ້ເຈົ້າຂອງລົດເປີດໃຫ້ເບິ່ງ ແຕ່ຜູ້ກ່ຽວປະຕິເສດບໍ່ມີຫຍັງ ແລະ ເປີດບໍ່ໄດ້, ເມື່ອສັງໃຫ້ເປີດຫລາຍຄັ້ງຜູ້ກ່ຽວບໍ່ໃຫ້ຄວາມຮ່ວມມືເຈົ້າໜ້າທີ່ພາສີສົມທົບກັບເຈົ້າໜ້າທີ່ກວດຄົນເຂົ້າເມືອງປະຈຳດ່ານກັກລົດ ແລະ ເຈົ້າຂອງລົດໄວ້.
ມາຮອດເວລາ 15:10 ໂມງ ຂອງວັນດຽວກັນເຈົ້າໜ້າທີ່ດ່ານສາກົນນ້ຳກັ່ນໄດ້ພ້ອມກັນແກະມ້າງໂດຍຊ່ອງໜ້າເຈົ້າຂອງລົດເຫັນວ່າມີສິນຄ້າຊຸກເຊື່ອງຢູ່ພື້ນລົດກວດພົບເຫັນຝຸ່ນສີຂາວ ຈຳນວນ 75 ເປົ້າ, ລວມນ້ຳໜັກ 1.875 ກິໂລ (ລັກສະນະເປັນສານເຄມີຂັ້ນຕົ້ນເພື່ອນຳໄປຜະລິດເປັນຢາເສບຕິດ) ພ້ອມທັງໄດ້ເຮັດບົດບັນທຶກຂອງກາງຄື: ຝຸ່ນສີຂາວ, ລົດຮຸ່ນໄດກັບຜູ້ຕ້ອງຫາ 1 ຄົນ ພ້ອມທັງສຳນວນຄະດີທາງພາສີໃຫ້ເຈົ້າໜ້າທີ່ຕຳຫລວດເສດຖະກິດ ແຂວງຊຽງຂວາງ ດຳເນີນຕາມລະບຽບການ ແລະ ກົດໝາຍ.
ການຢຶດສິນຄ້າພ້ອມດ້ວຍຂອງກາງຈາກກຸ່ມຄົນບໍ່ດີລັກລອບນໍາເຂົ້າ-ອອກ ສປປ ລາວ ຜ່ານດ່ານສາກົນນ້ຳກັ່ນ ແຂວງຊຽງຂວາງເປັນຄັ້ງທີ 2 ໃນຮອບ 2 ເດືອນ (ມິຖຸນາ-ກໍລະກົດ) ຊຶ່ງກ່ອນໜ້ານີ້ໃນວັນທີ 21 ມິຖຸນາ 2017 ຜ່ານມາ, ເຈົ້າໜ້າທີ່ພາສີປະຈໍາດ່ານສາກົນນໍ້າກັ່ນ ແຂວງຊຽງຂວາງກໍ່ໄດ້ສົມທົບກັບ, ເຈົ້າໜ້າທີ່ຕຳຫລວດ, ປ່າໄມ້ ແລະ ບໍລິຫານດ່ານໄດ້ກວດກາພົບເຫັນໄມ້ຄ້າຍຄືໄມ້ຄະຍຸງປະມານ 9 ພັນກ່ວາກິໂລ, ທີ່ຊຸກເຊື່ອງຢູ່ລົດຕູ້ຄອນເທັນເນີໝາຍເລກທະບຽນ:43C-123.30 ທີ່ບັນທຸກສາລີເມັດ ເພື່ອສົ່ງອອກໄປ ສສ ຫວຽດນາມ, ປັດຈຸບັນເຈົ້າໜ້າທີ່ໄດ້ຢຶດໄມ້ ແລະ ລົດຄັນດັ່ງກ່າວໄວ້ເປັນຫລັກຖານ ເພື່ອທຳການສືບສວນສອບສວນຊອກຫາຜູ້ກະທຳຜິດມາຮັບໂທດຕາມລະບຽບກົດໝາຍ.
ໂດຍລວມແລ້ວການຢືດສິນຄ້າຜິດກົດໝາຍພ້ອມດ້ວຍຂອງກາງຈາກກຸ່ມຄົນບໍ່ດີ ລັກລອບນໍາເຂົ້າ-ອອກ ສປປ ລາວ ຂອງເຈົ້າໜ້າທີ່ດ່ານສາກົນຕ່າງໆເວົ້າລວມເວົ້າສະເພາະແມ່ນດ່ານສາກົນນ້ຳກັ່ນ ລ້ວນແລ້ວແຕ່ແມ່ນຄວາມເອົາໃຈໃສ່ຢ່າງໃກ້ຊິດຕິດແທດຂອງຂັ້ນເທິງ, ເພາະມີນິຕິກຳ, ຄຳສັ່ງ ແລະລະບຽບການຕ່າງໆເປັນບ່ອນອີງໃຫ້ແກ່ການຈັດຕັ້ງປະຕິບັດວຽກງານ, ນອກຈາກນັ້ນກໍແມ່ນຍ້ອນການຮ່ວມມືຈາກທຸກພາກສ່ວນເປັນຢ່າງດີ. ຕ້ອງຂໍຊົມເຊີຍ! ເຈົ້າໜ້າທີ່ປະຈຳດ່ານສາກົນນ້ຳກັ່ນ ແຂວງຊຽງຂວາງ ທີ່ເອົາໃຈໃສ່ໃນການປະຕິບັດໜ້າທີ່ຢ່າງເຂັ້ມງວດ...

ວັນທີອອກຂ່າວ: 
14/07/2017
ວັນທີ່ເກີດຂ່າວ: 
04/07/2017
ອັງຄານ, 4 ກໍລະກົດ, 2017 - ເສົາ, 4 ກໍລະກົດ, 2020
ເອກະສານຂະໜາດ
a421.jpg32.31 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,318 8,322
THB 251.03 252.92
EUR 9,665 9,714
JPY 71.77 73.21
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 14/11/2017

Counter

  • ຜູ້ເຂົ້າຊົມທັງໝົດ = 24,405,731
  • ເລີ້ມຕັ້ງແຕ່ = 20/03/2009

ປະຕິທິນ

 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30