an image an image

ເງິນຄັງແຫ່ງຊາດ ສະຫຼຸບວຽກງານຮອບດ້ານ 6 ເດືອນຕົ້ນປີ ແລະ ທິດທາງແຜນການທ້າຍປີ 2018

pulpit rock
ໃນວັນທີ 30 ສິງຫາ 2018 ທີ່ກະຊວງການເງິນ, ຄັງເງິນແຫ່ງຊາດ, ກະຊວງການເງິນໄດ້ຈັດກອງປະຊຸມສະຫຼຸບວຽກງານການເຄື່ອນໄຫວຮອບດ້ານຂອງຄັງເງິນແຫ່ງຊາດ 6 ເດືອນຕົ້ນປີ ແລະ ທິດທາງແຜນ 6 ເດືອນທ້າຍປີ 2018 ໂດຍການເປັນປະທານຂອງທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ, ມີຮອງຫົວໜ້າຄັງເງິນແຫ່ງຊາດ, ຫົວໜ້າພະແນກ, ຮອງຫົວໜ້າພະແນກ, ພ້ອມດ້ວຍພະນັກງານ-ລັດຖະກອນທົ່ວຄັງເງິນແຫ່ງຊາດເຂົ້າຮ່ວມ.
ທ່ານ ພຸດທະຂັນ ຂັນຕິ ຮອງຫົວໜ້າຄັງເງິນແຫ່ງຊາດ ໄດ້ຂຶ້ນຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານຄັງເງິນແຫ່ງຊາດຮອບດ້ານເປັນຕົ້ນດ້ານການເມືອງແນວຄິດ, ດ້ານການຈັດຕັ້ງ ແລະ ບຸກຄະລາກອນ, ວຽກງານຄັງເງິນແຫ່ງຊາດຂຶ້ນກັບສາຍຕັ້ງ, ການປະຕິບັດບັນດາຂໍ້ຫ້າມ ແລະ ວິໄນການເງິນ, ວຽກລາຍຮັບ, ວຽກລາຍຈ່າຍ, ການລະດົມທຶນ ແບະ ໜີ້ສິນພາຍໃນ, ວຽກງານບໍລິຫານຮັບໃຊ້ ແລະ ຮ່ວມມືກັບຕ່າງປະເທດ, ວຽກງານການຫັນຄັງເງິນເປັນທັນສະໄໝ, ວຽກງານບັນຊີ ແລະ ຂໍ້ມູນຂ່າວສານ ແລະ ບັນຫາອື່ນໆ.
ທ່ານ ຮອງຫົວໜ້າຄັງເງິນແຫ່ງຊາດ ໃຫ້ຮູ້ວ່າ: ການຈັດກອງປະຊຸມດັ່ງກ່າວເພື່ອເປັນການຈັດຕັ້ງປະຕິບັດວຽກງານວິຊາສະເພາະຂອງຄັງເງິນແຫ່ງຊາດ ໂດຍສະເພາະແມ່ນການຈັດຕັ້ງປະຕິບັດລາຍຮັບ-ລາຍຈ່າຍງົບປະມານໃນລະບົບຄັງເງິນ, ການຈັດຕັ້ງປະຕິບັດບັນດາມະຕິ, ຄໍາສັ່ງ ແລະ ວຽກງານນິຕິກໍາຕ່າງໆ ເປັນຕົ້ນ: ການຈັດຕັ້ງປະຕິບັດຄໍາສັ່ງເລກທີ່ 55/ນຍ ເຫັນວ່າໄດ້ດີພໍສົມຄວນສະແດງອອກຄັງເງິນແຫ່ງຊາດໄດ້ແຈ້ງອອກແຈ້ງການເຖິງຄັງເງິນແຫ່ງຊາດປະຈໍາທ້ອງຖິ່ນ ກ່ຽວກັບການນໍາໃຊ້ເງິນດຸ່ນດ່ຽງຈາກສູນກາງເຂົ້າໃນການເບີກຈ່າຍເງິນເດືອນ, ເງິນອຸດໜູນປະຈໍາປີ 2018 ເປັນບູລິມະສິດອັນດັບໜຶ່ງໂດຍໃຫ້ແຂວງນໍາໃຊ້ແຫຼ່ງລາຍຮັບພາຍໃນ ແລະ ເງິນດຸ່ນດ່ຽງຈາກສູນກາງສຸມໃສ່ການເບີກຈ່າຍເງິນເດືອນ, ເງິນອຸດໜູນໃຫ້ສໍາເລັດພາຍໃນເດືອນ. ພ້ອມກັນນັ້ນ ກໍ່ໃຫ້ທ້ອງຖິ່ນສະຫຼຸບລາຍງານການນໍາໃຊ້ເງິນດຸ້ນດ່ຽງຈາກສູນກາງເຄື່ອນໃຫ້ໃນແຕ່ລະເດືອນຢ່າງລະອຽດ, ເພື່ອເປັນຂໍ້ມູນໃຫ້ສູນກາງສ້າງແຜນເຄື່ອນຍ້າຍໃນເດືອນຕໍ່ໄປ.
ສ່ວນການເບີກຈ່າຍເງິນເດືອນ, ເງິນອຸດໜູນ ມີຄວາມວ່ອງໄວຂຶ້ນກວ່າເກົ່າຫຼາຍຖ້າທຽບໃສ່ເມື່ອກ່ອນ ໂດຍສະເພາະຢູ່ຂັ້ນສູນກາງ ແລະ ທ້ອງຖິ່ນຈໍານວນໜຶ່ງສາມາດເບີກຈ່າຍເງິນເດືອນໄດ້ທັນກໍານົດເວລາ (ເບີກຈ່າຍສໍາເລັດພາຍໃນເດືອນ), ເຫັນໄດ້ຢູ່ຂັ້ນສູນກາງໄດ້ເບີກຈ່າຍເງິນເດືອນ, ເງິນອຸດໜູນໃນ 6 ເດືອນຕົ້ນປີສໍາເລັດ 100%, ສ່ວນເດືອນ 7 ແມ່ນເບີກຈ່າຍສໍາເລັດເປັນສ່ວນໃຫຍ່, ຍັງຄ້າງຈ່າຍຈໍານວນ 5,47 ຕື້ກີບຂອງ 2 ພາກສ່ວນຄືສາຍຕັ້ງສ່ວຍສາອາກອນ ແລະ ບັນດາສະຖານທູດລາວປະຈໍາການຢູ່ຕ່າງປະເທດ (ເນື່ອງຈາກວ່າພາກສ່ວນກ່ຽວຂ້ອງຍັງບໍ່ທັນປະກອບເອກະສານມາຮອດຄັງເງິນ) ແລະ ກໍາລັງເບີກຈ່າຍເງິນເດືອນເດືອນສິງຫາ 2018, ສ່ວນຂັ້ນທ້ອງຖິ່ນໄດ້ເບີກຈ່າຍເງິນເດືອນສໍາເລັດ 100% ຮອດເດືອນ 6 /2018, ສ່ວນເດືອນ 7 ແມ່ນໄດ້ເບີກຈ່າຍເປັນສ່ວນໃຫຍ່ປະຈຸບັນຍັງຄ້າງຈ່າຍ 9,22 ຕື້ກີບ (ມີ 3 ພະແນກການ ແລະ 7 ເມືອງ) ແລະ ກໍາລັງເບີກຈ່າຍເງິນເດືອນ 8/2018, ການເຄື່ອນຍ້າຍເງິນຕາມແຜນການດຸ່ນໃຫ້ທ້ອງຖິ່ນໃນ 6 ເດືອນຕົ້ນປີທັງໝົດຈໍານວນ 2.785 ຕື້ກວ່າກີບ ເທົ່າກັບ 58,48% ຂອງແຜນການປີ.
ຂາວ-ພາບ: ສອນໄຊ ໄຊຍະລາດ

ວັນທີອອກຂ່າວ: 
31/08/2018
ວັນທີ່ເກີດຂ່າວ: 
30/08/2018
ພະຫັດ, 30 ສິງຫາ, 2018 - ຈັນ, 30 ສິງຫາ, 2021
ເອກະສານຂະໜາດ
a878.jpg256.91 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 32,461,846
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30