an image an image

ຮອງລັດຖະມົນຕີກະຊວງການເງິນຕ້ອນຮັບການເຂົ້າຢ້ຽມຂໍ່ານັບຂອງຄະນະທະນາຄານໂລກ.

pulpit rock
ໃນວັນທີ 22 ກັນຍາ 2017 ທີ່ຫ້ອງຮັບແຂກກະຊວງການເງິນທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງທ່ານ ນາງ ແອນນາ ເບີກເດີ (Anna Bjerde) ຜູ້ອໍານວຍການດ້ານນະໂຍບາຍຍຸດທະສາດ ແລະ ການດໍາເນີນງານເພື່ອການພັດທະນາແບບຍືນຍົງຂອງທະນາຄານໂລກ, ຊື່ງມີຜູ້ຕາງໜ້າຈາກທະນາຄານພັດທະນາອາຊີ ພ້ອມດ້ວຍບັນດາກົມກ່ຽວຂ້ອງເຂົ້າຮ່ວມ.
ໂອກາດດັ່ງກ່າວນີ້ທ່ານ ນາງ ແອນນາ ເບີກເດີ ໄດ້ໃຫ້ຮູ້ວ່າ: ການເຂົ້າຢ້ຽມຂໍ່ານັບໃນຄັ້ງນີ້ເພື່ອເປັນການປຶກສາຫາລື ແລະ ລາຍງານກ່ຽວກັບຄວາມຄືບໜ້າໃນການຕິດຕາມການຈັດຕັ້ງປະຕິບັດຂອງໂຄງການ ນໍ້າເທີນ II ໃນການປິດໄລຍະເວລາການປະຕິບັດການຍົກຍ້າຍຈັດສັນປະຊາຊົນ ແລະ ສັນຍາສະໜັບສະໜຸນການພັດທະນາຂອງທະນາຄານໂລກທີ່ສອງຝ່າຍໄດ້ກໍານົດໄວ້ໃນວັນທີ 31 ທັນວາ 2017 ນີ້, ເຊິ່ງທາງຄະນະດັ່ງກ່າວຈະໄດ້ສຸມໃສ່ການຈັດຕັ້ງປະຕິບັດພາຍໃນຫ້າຂົງເຂດເປັນຕົ້ນແມ່ນ: ຂົງເຂດທົ່ງພຽງນາກາຍ, ເຂດລຸ່ມແມ່ນໍ້າ, ເສດເຫລືອດ້ານສິ່ງແວດລ້ອມທີ່ມີນໍ້າປະປາ, ໂຄງການຄຸ້ມຄອງລາຍຮັບ ແລະ ປ່າໄມ້ສົມທົບ ເພື່ອເປັນການພັດທະນາ ແລະ ສ້າງຄວາມເຂັ້ມແຂງ ໃຫ້ແກ່ການຈັດຕັ້ງປະຕິບັດໂຄງການໃຫ້ໄດ້ຮັບຜົນສໍາເລັດຕາມເປົ້າໝາຍ, ຄວາມຮັບຜິດຊອບຂອງໂຄງການໃຫ້ມີຄວາມກ້າວໜ້າ ແລະ ພັດທະນາໄປເທື່ອລະກ້າວ.
ໂອກາດນີ້, ທ່ານ ບຸນໂຈມ ອຸບົນປະເສີດ ໄດ້ກ່າວສະແດງຄວາມຂອບໃຈຕໍ່ທ່ານ ນາງ ແອນນາ ເບີກເດີ ພ້ອມດ້ວຍຄະນະທີ່ເຫັນໄດ້ເຖິງຄວາມສໍາຄັນຂອງວຽກງານດັ່ງກ່າວຢ່າງເລິກເຊີ່ງ ແລະ ຮ່ວມກັນແກ້ໄຂບັນຫາ, ຈັດສັນງົບປະມານເຂົ້າໃນວຽກງານໃຫ້ມີຄວາມສອດຄ່ອງກັບສະພາບຄວາມເປັນຈິງຂອງແຜນພັດທະນາເສດຖະກິດ-ສັງຄົມຂອງ ສປປ ລາວ ໃຫ້ມີຄວາມໝັ້ນຄົງ ແລະ ຢືນຍົງຢ່າງແທ້ຈິງ.
ພາບ-ຂ່າວ: ນາງ ສອນໄຊ ໄຊຍະລາດ.

ວັນທີອອກຂ່າວ: 
05/10/2017
ວັນທີ່ເກີດຂ່າວ: 
22/09/2017
ສຸກ, 22 ກັນຍາ, 2017 - ອັງຄານ, 22 ກັນຍາ, 2020
ເອກະສານຂະໜາດ
a603.jpg545.9 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,321 8,325
THB 254.89 256.80
EUR 9,762 9,811
JPY 72.70 74.15
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 15/12/2017

Counter

  • ຜູ້ເຂົ້າຊົມທັງໝົດ = 24,832,888
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31