an image an image

ຮອງປະທານພັດທະນາທຸລະກິດສາກົນຫາລືປັບປຸງລະບົບຂໍ້ມູນຂ່າວສານການເງິນ (LFIS)

pulpit rock
ເພື່ອເປັນການປັບປຸງບັນດາຫນ້າວຽກການຄຸ້ມຄອງການເງິນ ໃຫ້ມີຄວາມທັນສະໄໝ ແລະ ແທດເໝາະກັບສະພາບການໃນແຕ່ລະໄລຍະ, ກະຊວງການເງິນ ໄດ້ມີການປັບປຸງລະບົບຂໍ້ມູນຂ່າວສານການເງິນໃຫ້ມີຄວາມກ້າວໜ້າຂຶ້ນເລື້ອຍໆ ສາມາດທຽບເທົ່າກັບສາກົນ, ທັງນີ້ ກໍ່ເພື່ອໃຫ້ການຄຸ້ມຄອງລະບົບງົບປະມານມີຄວາມໂປ່ງໃສໃນການຈັດຕັ້ງປະຕິບັດວຽກງານໃຫ້ດີຂຶ້ນເປັນກ້າວໆ.
ໃນວັນທີ 26 ກັນຍາ 2017 ທີ່ກະຊວງການເງິນ ທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ ໄດ້ຕ້ອນຮັບການຢ້ຽມຂໍ່ານັບຂອງທ່ານ ຄໍາຣັນ ຄານ ຮອງປະທານພັດທະນາທຸລະກິດສາກົນ, ຜູ້ບໍລິຫານບໍລິສັດສ້າງຊັອບແວ (FreeBalance), ພ້ອມດ້ວຍຄະນະ.
ການຢ້ຽມຂໍ່ານັບໃນຄັ້ງນີ້, ກໍ່ເພື່ອລາຍງານຄວາມຄືບໜ້າໃນການຈັດຕັ້ງປະຕິບັດໂຄງການລະບົບຂໍ້ມູນຂ່າວສານການເງິນ (LFIS) ແລະ ການປະຕິຮູບລະບົບການເງິນຂອງລັດຖະບານເປັນຕົ້ນ ແມ່ນການປັບປຸງການຄຸ້ມຄອງການເງິນ, ການສ້າງຂະບວນການເຮັດວຽກແບບອັດຕະໂນມັດ ເຊິ່ງຈະຊ່ວຍ ຫລຸດຜ່ອນການເຮັດວຽກຂອງພະນັກງານ, ກ້າວໄປສູ່ການປະຕິບັດວຽກທີ່ບໍ່ໃຊ້ເຈ້ຍ, ທັງເສີມຂະຫຍາຍການຄຸ້ມຄອງງົບປະມານ, ສະໜອງການຄຸ້ມຄອງເງິນສົດ ແລະ ການສົມທຽບທະນາຄານ ພາຍໃນລະບົບຂໍ້ມູນຂ່າວສານການເງິນ, ແນໃສ່ສ້າງຄວາມຄວາມເຊື່ອໝັ້ນໃຫ້ແກ່ຜູ້ໃຫ້ທຶນ ແລະ ສ້າງຄວາມສົນໃຈໃຫ້ແກ່ການລົງທຶນໂດຍກົງຂອງຕ່າງປະເທດ ແລະ ໃຫ້ມີຄວາມໂປ່ງໃສ ຕໍ່ຄວາມຮັບຜິດຊອບໃນການປະຕິບັດວຽກງານ ສະເພາະການລົງທຶນສ້າງ ແລະ ພັດທະນາລະບົບຂໍ້ມູນຂ່າວສານການເງິນນີ້ ແມ່ນລັດຖະບານ ສປປ ລາວ ລົງທຶນ 40% ເທົ່າກັບ 4.77 ລ້ານໂດລາ ສະຫະລັດ ບໍລິສັດແມ່ນລົງທຶນ 60% ເທົ່າກັບ 7.21 ລ້ານໂດລາ.
ກະກຽມໂຄງການ ໄລຍະທີ 1 ແມ່ນສໍາເລັດຮຽບຮ້ອຍແລ້ວ ທາງບໍລິສັດໄດ້ສະເໜີໃຫ້ມີການເພີ່ມຈໍານວນ ຜູ້ນໍາໃຊ້ລະບົບຕື່ມ ຈໍານວນ 1000 ຄົນ ເພື່ອຂະຫຍາຍລະບົບດັ່ງກ່າວ ສູ່ທ້ອງຖິ່ນ ແລະ ສະເໜີໃຫ້ມີການເລີ່ມນໍາໃຊ້ລະບົບ LFIS ໃນຄັງເງິນແຫ່ງຊາດ ພາຍຫລັງຈາກເຊັນສັນຍາ ຈາກນັ້ນ, ຈຶ່ງດໍາເນີນການປະຕິບັດໃນທຸກຂົງເຂດວຽກງານຂອງລັດຖະບານ ແລະ ເພື່ອເປັນການພັດທະນາລະບົບໃຫ້ຖືກຕ້ອງສອດຄ່ອງ ກັບສະພາບການໃນຕົວຈິງ ບໍລິສັດໄດ້ປັງປຸງລະບົບໃຫ້ມີການໃຊ້ງານທີ່ໃກ້ຄຽງກັບລະບົບທີ່ໃຊ້ໃນປັດຈຸບັນ ໃຫ້ໃຊ້ງານໄດ້ງ່າຍ ແລະ ເຂົ້າໃຈໄວ. ໃນການພັດທະນາລະບົບແມ່ນຍັງມີຫລາຍພາກສ່ວນທີ່ຍັງບໍ່ເຂົ້າໃຈກ່ຽວກັບລະບົບດັ່ງກ່າວ ສະນັ້ນ, ກ່ອນຈະເປີດນໍາໃຊ້ລະບົບກໍ່ຈະໄດ້ມີການຈັດຝຶກອົບຮົມໃຫ້ບຸກຄະລາກອນກ່ຽວກັບການໃຊ້ງານລະບົບດັ່ງກ່າວ ໃຫ້ມີຄວາມຮູ້ຄວາມສາມາດໃນການໃຊ້ງານໃຫ້ມີຄວາມຄ່ອງແຄ້ວ ຄາດວ່າ ໂຄງການພັດທະນາລະບົບຂໍ້ມູນຂ່າວສານການເງິນ ນີ້ຈະສໍາເລັດໃນປີ 2019.
ໂອກາດນີ້, ທ່ານ ອາດສະພັງທອງ ສີພັນດອນ ໄດ້ກ່າວສະແດງຄວາມຂອບໃຈ ແລະ ຊົມເຊີຍຕໍ່ຄະນະພັດທະນາລະບົບທີ່ໄດ້ມາລາຍງານສະພາບການຈັດຕັ້ງປະຕິບັດໂຄງການໃນໄລຍະຜ່ານມາ ເຊິ່ງປັດຈຸບັນ ກະຊວງການເງິນກໍ່ໄດ້ມີການປັບປຸງຂະແໜງການເງິນ ໂດຍສະເພາະຂອບເຂດງົບປະມານຄັງເງິນ ແມ່ນກໍາລັງຢູ່ໃນຊ່ວງຂອງການສຶກສາລະບົບ ແລະ ເຫັນວ່າການນໍາໃຊ້ລະບົບໃນປັດຈຸບັນແມ່ນຍັງບໍ່ທັນໄດ້ຮັບການຮັບຮອງໃນລັກສະນະສາກົນ ທັງດ້ານເຕັກນິກ ທາງດ້ານລາຍຮັບ-ລາຍຈ່າຍ ຈໍາເປັນຕ້ອງໄດ້ມີການປັບປຸງປົວແປງໄປເລື້ອຍໆ ພ້ອມກັນນັ້ນ, ກໍ່ຈະໄດ້ມີການແຕ່ງຕັ້ງພະນັກງານໄປຝຶກອົບຮົມສຶກສາລະບົບດັ່ງກ່າວ, ເພື່ອສຶກສາກົນໄກການເຮັດວຽກຕື່ມອີກ
ຂ່າວ: ອາພັດສະລາ

ວັນທີອອກຂ່າວ: 
05/10/2017
ວັນທີ່ເກີດຂ່າວ: 
26/10/2017
ພະຫັດ, 26 ຕຸລາ, 2017 - ຈັນ, 26 ຕຸລາ, 2020
ເອກະສານຂະໜາດ
a605.jpg447.38 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 23,806,848
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31