an image an image

ຮອງນາຍົກ ຕ້ອນຮັບປະທານບໍລິສັດ ສະຫັວນລີເຈນ ຣີສອດສ໌

pulpit rock
ໃນວັນທີ 20 ທັນວາ 2017 ທີ່ຫ້ອງວ່າການສຳນັກງານນາຍົກລັດຖະມົນຕີ, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ເດວິດ ຊາວ ປະທານບໍລິສັດ ສະຫັວນລີເຈນ ຣີສອດສ໌ ຈໍາກັດຜູ້ດຽວ, ພ້ອມດ້ວຍຄະນະ ເພື່ອລາຍງານຄວາມຄືບໜ້າໃນການບໍລິຫານ ແລະ ຂໍທິດຊີ້ນໍາໃນການດໍາເນີນທຸລະກິດ, ໂດຍມີບັນດາພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ໂອກາດດັ່ງກ່າວ, ທ່ານ ເດວິດ ຊາວ (Davial chow) ປະທານ ບໍລິສັດ ສະຫັວນລີເຈນ ຣີສອດສ໌ ຈໍາກັດຜູ້ດຽວ ໄດ້ລາຍງານໃຫ້ຮູ້ວ່າ: ການເຂົ້າຢ້ຽມຂໍ່ານັບໃນຄັ້ງນີ້, ເພື່ອເປັນການລາຍງານຄວາມຄືບໜ້າກ່ຽວກັບການຈ່າຍເງິນທົດແທນຄ່າໃຊ້ຈ່າຍຫລັງການຂາຍກິດຈະການທີ່ໄດ້ແກ້ໄຂສໍາເລັດແລ້ວແຕ່ເດືອນ 9 ຜ່ານມາ, ບັນຫາທີ່ດິນເຂດເສດຖະ ກິດພິເສດຈຸດ A ມາຮອດປັດຈຸບັນບໍລິສັດມີທັດສະນະປ່ຽນແປງພາຍຫລັງການສໍາຫລວດທີ່ດິນທັງໝົດ 305 ເຮັກຕາ ເຫັນວ່າຕ້ອງມີການຈ່າຍຊົດເຊີຍເປັນຈຳນວນຫລາຍລ້ານໂດລາສະຫະລັດ, ຊຶ່ງຜ່ານມາທາງບໍລິສັດ ແລະ ແຂວງສະຫວັນນະເຂດ ໄດ້ມີຄວາມພະຍາຍາມຫາທາງອອກເພື່ອໃຫ້ມີທາງເລືອກໃນການຊົດເຊີຍແຕ່ກໍ່ເຫັນວ່າສູງ. ສະນັ້ນ, ບໍລິສັດຈຶ່ງຈະກັບມາພັດທະນາເຂດສໍາປະທານຕົນເອງ 50 ເຮັກຕາໂດຍກາານສ້າງໂຮງແຮມຫ້າດາວຂຶ້ນຫລັງໃໝ່ ແລະ ສ້າງສະ ໜາມກອຟ 9 ຂຸມການລົງທຶນດັ່ງກ່າວຈະລົງທຶນໃນປີ 2018 ນີ້.
ສ່ວນການຈ່າຍອາກອນ ມອບເໝົາ 10 ລ້ານໂດລາສະຫະລັດຕໍ່ປີທາງບໍລິສັດມີຈຸດປະສົງສະເໜີຂໍໃຫ້ລັດ ຖະບານພິຈາລະນາຫລຸດອັດຕາດັ່ງກ່າວລົງໃນອັດຕາປະມານ 5 ລ້ານໂດລາສະຫະລັດຕໍ່ປີ ເນື່ອງຈາກເຫັນວ່າເປັນອັດຕາທີ່ສູງ ໃນເງື່ອນໄຂທີ່ບໍ່ສາມາດພັດທະນາຈຸດເຂດຈຸດ A ໄດ້ຕາມເງື່ອນສັນຍາ ແລະ ບໍລິສັດຍັງຈ່າຍຄ່າດິນຈຸດ A ໃນມູນຄ່າ 10 ລ້ານໂດລາໃນເວລາຊື້ກິດຈະການສະຫວັນນະເຂດໃນປີ 2016, ບັນຫາການຂົນສົ່ງຜູ້ໂດຍສານຜ່ານແດນແຕ່ຂົວມິດ ຕະພາບບັນຫານີ້ທາງບໍລິສັດ ກັບກະຊວງໂຍທາທິການ ແລະ ຂົນສົ່ງ ໄດ້ມີການປຶກສາຫາລືກັນແລ້ວຊຶ່ງອະນຸຍາດໃຫ້ລົດຕູ້ຂະໜາດ 12 ບ່ອນນັ່ງຂ້າມໄປຮັບຜູ້ໂດຍສານທີ່ຈະມາຫລິ້ນກາຊີໂນໄດ້, ສ່ວນລົດບັດຂະໜາດ 45 ບ່ອນນັ່ງຍັງມີເງື່ອນໄຂທີ່ກົມຂົນສົ່ງຕ້ອງການໃຫ້ບໍລິສັດເຊັນບົດບັນທຶກຮ່ວມກັນແບບມີເງື່ອນໄຂ ປັດຈຸບັນຍັງບໍ່ທັນສາມາດຕົກລົງກັນໄດ້, ການພັດທະນາສະໜາມບິນສາກົນ ສະຫວັນນະເຂດ ຜ່ານມາທາງບໍລິສັດ ໄດ້ສົມທົບກັບກົມການບິນພົນລະເຮືອນ ເພື່ອກໍານົດອອກແບບເສັ້ນທາງບິນຂຶ້ນລົງຢູ່ສະໜາມບິນສາກົນສະຫວັນນະເຂດ ໃຫ້ໄດ້ມາດຕະຖານສາກົນໂດຍບໍລິສັດອອກຄ່າໃຊ້ຈ່າຍທັງໝົດປະມານ 50.000 ໂດລາສະຫະລັດ ປັດຈຸບັນແມ່ນສໍາເລັດໜ້າວຽກດັ່ງກ່າວແລ້ວ. ດັ່ງນັ້ນ, ທາງບໍລິສັດຈຶ່ງຂໍທິດຊີ້ນໍາໃນການແກ້ໄຂບັນຫາດັ່ງກ່າວຕາມກອບນະໂຍບາຍຂອງລັດຖະບານເພື່ອໃຫ້ໄດ້ຮັບການແກ້ໄຂຕາມຄວາມເໝາະສົມ ແລະ ສອດຄ່ອງກັບສະພາບຄວາມເປັນຈິງ.
ໂອກາດນີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ສະແດງຄວາມຂອບໃຈຕໍ່ປະທານ ບໍລິສັດ ສະຫັວນລີເຈນ ຣີສອດສ໌ ຈໍາກັດຜູ້ດຽວ ທີ່ເຫັນໄດ້ເຖິງຄວາມສໍາຄັນໃນການພັດທະນາເສດຖະກິດ-ສັງຄົມ ຂອງ ສປປ ລາວ, ໂດຍສະເພາະແມ່ນດ້ານການລົງທຶນດັ່ງກ່າວ. ພ້ອມນີ້ຮອງນາຍົກລັດຖະມົນຕີ ຍັງໄດ້ສະແດງຄວາມຍິນດີ ແລະ ໃຫ້ການຮ່ວມມືໃນການແກ້ໄຂບາງບັນຫາ ເພື່ອເປັນການສົ່ງເສີມການລົງທຶນໃນສປປ ລາວ ໃຫ້ໄດ້ຮັບການພັດທະນາຢ່າງແທ້ຈິງ. ນອກນີ້, ຍັງຈະນໍາເອົາລາຍລະອຽດໃນຄັ້ງນີ້ໄປລາຍງານໃຫ້ທ່ານນາຍົກລັດ ຖະມົນຕີຮັບຊາບ ຕື່ມອີກ.
ໃນວັນດຽວກັນນີ້, ທີ່ຫ້ອງວ່າການສຳນັກງານນາຍົກລັດຖະມົນຕີ, ທ່ານ ສົມດີ ດວງດີ ຮອງນາຍົກລັດຖະມົນຕີ ໄດ້ໃຫ້ກຽດຕ້ອນຮັບທ່ານ ພົນອາກາດເອກ ປຣະຈິນ ຈັ່ນຕອງ ຮອງນາຍົກລັດຖະມົນຕີ ລັດຖະມົນຕີວ່າການກະຊວງຍຸຕິທຳ ແຫ່ງຣາຊະນາຈັກໄທ ພ້ອມດ້ວຍຄະນະໃນໂອກາດເດີນທາງມາເຂົ້າຮ່ວມກອງປະຊຸມສອງຝ່າຍລະຫວ່າງລາວ-ໄທ ລະດັບລັດຖະມົນຕີວ່າດ້ວຍການຮ່ວມມືເພື່ອຄວບຄຸມຢາເສບຕິດ ຄັ້ງທີ 16 ທີ່ນະຄອນຫວງວຽງຈັນ, ລະຫວ່າງວັນທີ 19-21 ທັນວາ 2017.
ໃນໂອກາດດັ່ງກ່າວ, ທ່ານ ສົມດີ ດວງດີ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງຕໍ່ທ່ານ ພົນອາກາດເອກ ປຣະຈິນ ຈັ່ນຕອງ ທີ່ໄດ້ນຳພາຄະນະເດີນທາງມາເຮັດວຽກ ຢູ່ ສປປ ລາວ ໃນຄັ້ງນີ້, ເຊິ່ງຈະເປັນການປະກອບສ່ວນສຳຄັນເຂົ້າໃນການເພີ່ມທະວີການພົວພັນຮ່ວມມືລະຫວ່າງສອງປະເທດລາວ-ໄທໃຫ້ໄດ້ຮັບການພັດທະນາ ແລະ ແຕກດອກອອກຜົນຂຶ້ນໄປເລື້ອຍໆ.
ໃນໂອກາດດຽວກັນນີ້, ທ່ານ ພົນອາກາດເອກ ປຣະຈິນ ຈັ່ນຕອງ ກໍ່ໄດ້ສະແດງຄວາມຂອບໃຈຕໍ່ທ່ານ ສົມດີ ດວງດີ ທີ່ໄດ້ສະຫລະເວລາອັນມີຄ່າ ໃຫ້ການຕ້ອນຮັບອັນອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງຂອງການເດີນທາງມາ ສປປ ລາວ ໃນຄັ້ງນີ້ ໃຫ້ ທ່ານຮອງນາຍົກ ຊາບຕື່ມອີກ.
ພາບ-ຂ່າວ: ນາງ ສອນໄຊ.

ວັນທີອອກຂ່າວ: 
22/12/2017
ວັນທີ່ເກີດຂ່າວ: 
20/12/2017
ພຸດ, 20 ທັນວາ, 2017 - ອາທິດ, 20 ທັນວາ, 2020
ເອກະສານຂະໜາດ
a755.jpg963.49 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,297 8,301
THB 261.52 263.48
EUR 10,241 10,293
JPY 74.40 75.89
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 25/01/2018

Counter

  • ຜູ້ເຂົ້າຊົມທັງໝົດ = 25,604,195
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28