an image an image

ຮອງນາຍົກເນັ້ນໃຫ້ສືບຕໍ່ໂຄງການກໍ່ສ້າງເສັ້ນທາງ 3 ເສັ້ນທາງຢູ່ແຂວງໄຊສົມບູນ

pulpit rock
ໃນວັນທີ 5 ເມສາ 2017 ທີ່ກະຊວງການເງິນ, ໄດ້ຈັດກອງປະຊຸມປຶກສາຫາລືກ່ຽວກັບໂຄງການກໍ່ສ້າງເສັ້ນທາງປູຢາງ 2 ຊັ້ນ 3 ເສັ້ນທາງ ທີ່ກຳລັງຂຸ້ນຂ້ຽວກໍ່ສ້າງຢູ່ແຂວງໄຊສົມບູນ, ໂດຍການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ມີທ່ານ ປອ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ, ມີຮອງລັດຖະມົນຕີກະຊວງການເງິນ, ຮອງລັດຖະມົນຕີຊ່ວຍກະຊວງແຜນການ ແລະ ການລົງທຶນ, ຮອງເຈົ້າແຂວງໄຊສົມບູນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມດັ່ງກ່າວແມ່ນເພື່ອລາຍງານຜົນຂອງກອງປະຊຸມວິຊາການໃນຄັ້ງວັນທີ 14 ມີນາ 2017 ທີ່ຜ່ານມາ ແລະ ການຈັດຕັ້ງປະຕິບັດໂຄງການກໍ່ສ້າງເສັ້ນທາງປູຢາງ 2 ຊັ້ນ 3 ເສັ້ນຢູ່ແຂວງໄຊສົມບູນ, ພ້ອມທັງຫາລືກ່ຽວກັບການປະຕິບັດໂຄງການກໍ່ສ້າງເສັ້ນທາງດັ່ງກ່າວທີ່ມີມູນຄ່າຕາມສັນຍາທັງໝົດ 924,27 ຕື້ກີບ, ມີກໍານົດເວລາການກໍ່ສ້າງ 24 ເດືອນ ນັບແຕ່ເດືອນກຸມພາ ປີ 2014 ເປັນຕົ້ນໄປ.
ອີງຕາມການລາຍງານຂອງກົມຂົວທາງ (ຍທຂ) ກ່ຽວກັບຄວາມຄືບໜ້າຂອງໂຄງການກໍ່ສ້າງເສັ້ນທາງແຕ່ລະເສັ້ນມີດັ່ງນີ້: ເສັ້ນທາງເບີ 2 ເລີ່ມແຕ່ບ້ານຜາສະຫງົບ ເມືອງອະນຸວົງ ຫາ ບ້ານວຽງທອງ ເມືອງທ່າໂທມ ຄວາມຍາວ 50.012 ກິໂລແມັດ, ໜ້າທາງກ້ວາງ 7 ແມັດ ມີການກໍ່ສ້າງຂົວ 4 ແຫ່ງ ລວມຄວາມຍາວ 267,65 ແມັດ, ຮັບເໝົາກໍ່ສ້າງໂດຍບໍລິສັດ ທະວີໂຊກພັດທະນາການກໍ່ສ້າງ ຈໍາກັດ, ມູນຄ່າກໍ່ສ້າງຕາມສັນຍາ 356.89 ຕື້ກີບ, ມູນຄ່າກໍ່ສ້າງຕາມຕົວຈິງ 465,18 ຕື້ກີບ, ການກໍ່ສ້າງສໍາເລັດແລ້ວ 42,96% ຄິດໄລ່ເປັນມູນຄ່າ 190,53 ຕື້ກີບ ຍັງບໍ່ທັນສໍາເລັດຕາມຄາດໝາຍ 57,04%, ໄດ້ຊໍາລະໃຫ້ແລ້ວຮອດປັດຈຸບັນ 19,60 ຕື້ກີບ, ເທົ່າກັບ 5,49%,
ເສັ້ນທາງເບີ 4 ເລີ່ມແຕ່ບ້ານພູຫົວຊ້າງ ຫາ ບ້ານອ່າວໃຕ້ ເມືອງອະນຸວົງ ຄວາມຍາວທັງໝົດ 30,50 ກິໂລເມັດ, ໜ້າທາງກ້ວາງ 6 ແມັດ, ມີການກໍ່ສ້າງຂົວ 2 ແຫ່ງ, ລວມຄວາມຍາວ 55,60 ແມັດ, ຮັບເໝົາກໍ່ສ້າງໂດຍ ບໍລິສັດຫຼັກໄຊ ກໍ່ສ້າງຂົວທາງ ຈໍາກັດຜູ້ດຽວ, ມູນຄ່າກໍ່ສ້າງເສັ້ນທາງຕາມສັນຍາແມ່ນ 263,36 ຕື້ກີບ, ມູນຄ່າກໍ່ສ້າງຕາມຕົວຈິງ 294,13 ຕື້ກີບ, ການກໍ່ສ້າງສໍາເລັດແລ້ວ 87,87% ຄິດໄລ່ເປັນມູນຄ່າ 227,56 ຕື້ກີບ ຍັງບໍ່ທັນສໍາເລັດຕາມຄາດໝາຍ 12,13%, ໄດ້ຊໍາລະໃຫ້ແລ້ວຮອດປັດຈຸບັນ 21,60 ຕື້ກີບ, ເທົ່າກັບ 8,20% ແລະ ເສັ້ນທາງເບີ 5 ເລີ່ມແຕ່ຂົວນໍ້າຍອນ ຫາ ບ້ານລ້ອງແຈ້ງ ເມືອງລ້ອງແຈ້ງ ຄວາມຍາວທັງໝົດ 4,00 ກິໂລແມັດ, ໜ້າທາງກ້ວາງ 6 ແມັດ, ມີການກໍ່ສ້າງຂົວ 3 ແຫ່ງ, ລວມຄວາມຍາວ 100 ແມັດ, ຮັບເໝົາກໍ່ສ້າງໂດຍ ບໍລິສັດ ປັນຍາທິລາດ ກໍ່ສ້າງເຄຫາ ແລະ ຂົວທາງ ແລະ ຊົນລະປະທານ ຈໍາກັດຜູ້ດຽວ, ມູນຄ່າກໍ່ສ້າງເສັ້ນທາງຕາມສັນຍາແມ່ນ 304,02 ຕື້ກີບ, ມູນຄ່າກໍ່ສ້າງຕາມຕົວຈິງ 325,07 ຕື້ກີບ, ການກໍ່ສ້າງສໍາເລັດແລ້ວ 47,98% ຄິດໄລ່ເປັນມູນຄ່າ 145,86 ຕື້ກີບ ຍັງບໍ່ທັນສໍາເລັດຕາມຄາດໝາຍ 54,13%, ໄດ້ຊໍາລະໃຫ້ແລ້ວຮອດປັດຈຸບັນ 19,60 ຕື້ກີບ, ເທົ່າກັບ 5,49%.
ໂອກາດນີ້, ທ່ານ ສົມດີ ດວງດີ ຍັງໄດ້ໃຫ້ທິດຊີ້ນໍາຕໍ່ກັບໂຄງການດັ່ງກ່າວວ່າໃຫ້ສືບຕໍ່ແກ້ໄຂສັນຍາທີ່ໝົດກໍານົດແລ້ວ ພ້ອມໃຫ້ສືບຕໍ່ດໍາເນີນການກໍ່ສ້າງເສັ້ນທາງດັ່ງກ່າວນີ້ໃຫ້ສໍາເລັດ ແລະ ພ້ອມນັ້ນ ຜູ້ເຂົ້າຮ່ວມກອງປະຊຸມຍັງໄດ້ມີຄໍາຄິດຄໍາເຫັນໂດຍສະເພາະເລື່ອງເຕັກນິກການສ້າງເສັ້ນທາງ ລວມທັງການຊໍາລະເງິນລົງທຶນແມ່ນຈະຕ້ອງຫາລືກັນເພື່ອຫາທາງແກ້ໄຂໃນການຊໍາລະຊະສາງ ແລະ ໃຫ້ສາມາດນໍາໃຊ້ເສັ້ນທາງດັ່ງກ່າວໄດ້.

ຂ່າວ: ອາພັດສະລາ
ພາບ: ສຸວັນໄຊ

ວັນທີອອກຂ່າວ: 
06/04/2017
ວັນທີ່ເກີດຂ່າວ: 
05/04/2017
ພະຫັດ, 6 ເມສາ, 2017 - ຈັນ, 6 ເມສາ, 2020
ເອກະສານຂະໜາດ
a299.jpg238.57 KB
a300.jpg442.58 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,881,306
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30