an image an image

ຮອງນາຍົກລັດຖະມົນຕີ ຕ້ອນຮັບການເຂົ້າຢ້ຽມຂໍ່ານັບ ຂອງຜູ້ບໍລິຫານບໍລິສັດ ລາຍຟັອກ ປະເທດອົດສຕາລີ

pulpit rock

ໃນວັນທີ 15 ສິງຫາ 2016 ທີ່ຫ້ອງວ່າການລັດຖະບານ, ທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ປີເຕີ ຟັອກສ໌ ປະທານບໍລິສັດ ລາຍຟັອກສ໌ ຂອງປະເທດອົດສະຕາລີ ພ້ອມດ້ວຍຄະນະ ເພື່ອ ແນະນຳ ສະເຫນີລາຍງານກ່ຽວກັບແຜນການລົງທຶນໃນລາວ ຂອງບໍລິສັດດັ່ງກ່າວ.
ໃນໂອກາດນີ້, ທ່ານ ປີເຕີ ຟັອກສ໌ ໄດ້ມີຄຳບາງບັນຫາສຳຄັນວ່າ: ບໍລິສັດ ລາຍຟັອກ ເປັນບໍລິສັດເອກະຊົນລົງທຶນ 100% ທີ່ມີປະສົບການດຳເນີນທຸລະກິດໃນດ້ານຂົນສົ່ງມາດົນນານ ເຊິ່ງສ້າງລາຍຮັບເຂົ້າບໍລິສັດໄດ້ 3,5 ຕື້ໂດລາຕໍ່ປີ ໂດຍມີເຄືອຂ່າຍບໍລິສັດຢູ່ບັນດາປະເທດໃນອາຊີ ເປັນຕົ້ນແມ່ນຢູ່ ປະເທດໄທ, ຫວຽດນາມ, ກຳປູເຈຍ ພ້ອມນັ້ນ, ທາງບໍລິສັດຍັງມີຄວາມສົນໃຈຢາກລົງທຶນຢູ່ ສປປ ລາວ ຈຸດປະສົງຂອງການລົງທຶນດຳເນີນທຸລະກິດຂອງບໍລິສັດລາຍຟັອກນີ້ ບໍ່ພຽງແຕ່ຕ້ອງການຜົນກຳໄລລາຍຮັບເທົ່ານັ້ນ ທາງບໍລິສັດແມ່ນໄດ້ໃຫ້ຄວາມສຳຄັນຢ່າງຍິ່ງໃນການສ້າງຄວາມເຂັ້ມແຂງໃຫ້ທ້ອງຖິ່ນນັ້ນ ດ້ວຍຫລາຍຮູບແບບ ຫລາຍດ້ານເຮັດໃຫ້ພະນັກງານ ວິຊາການທ້ອງຖິ່ນນັ້ນ ມີຄວາມສາມາດມີຄວາມຊຳນານງານໃນລະດັບມາດຕະຖານສູງ.
ພ້ອມນີ້, ທ່ານ ທ່ານ ສົມດີ ດວງດີ, ໄດ້ສະແດງຄວາມຊົມເຊີຍ ແລະ ຍິນດີຕ້ອນຮັບທ່ານ ປີເຕີ ຟັອກສ໌ ພ້ອມດ້ວຍຄະນະທີ່ ມາຢ້ຽມຢາມ ສປປ ລາວ ໂດຍສະເພາະແມ່ນມີຄວາມສົນໃຈທີ່ຈະມາລົງທຶນຢູ່ ສປປ ລາວ ລັດຖະບານລາວໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນຍາວນານທີ່ມີປະສິດທິພາບສູງລະຫວ່າງ ສປປ ລາວ ແລະ ອົດສຕາລີ ເຊິ່ງໄດ້ຮັບການຮັດແຫນ້ນ ແລະ ເສີມຂະຫຍາຍຢ່າງຕໍ່ເນື່ອງຕະຫລອດໄລຍະຜ່ານມາ ເຊິ່ງໃນນັ້ນລັດຖະບານ ອົດສຕາລີໄດ້ໃຫ້ການຊ່ວຍເຫລືອດ້ານການສຶກສາ ການພັດທະນາຊັບພະຍາກອນມະນຸດ ການທ່ອງທ່ຽວ, ການຄ້າ-ການລົງທຶນ ແລະ ດ້ານອື່ນໆອີກ ຊຶ່ງການຊ່ວຍເຫລືອດັ່ງກ່າວນັ້ນໄດ້ປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມ ຂອງສປປ ລາວ. ການຮ່ວມມືດ້ານການລົງທຶນ ສປປ ລາວແມ່ນມີນະໂຍບາຍເປີດກວ້າງການລົງທຶນກັບຕ່າງປະເທດ ໃນ 8 ຂະແຫນງການບູລິມະສິດລວມມີ: ຂະແຫນງການທ່ອງທ່ຽວ, ໄຟຟ້າ, ສຶກສາ, ສາທາລະນະສຸກ, ບໍ່ແຮ່, ການກໍ່ສ້າງພື້ນຖານໂຄງລ່າງ, ການປຸງແຕ່ງ ແລະ ຂະແຫນງປ່າໄມ້ ແລະ ລ້ຽງສັດ. ຕະຫລອດໄລຍະຜ່ານມາເຫັນວ່ານັກທຸລະກິດ ອົດສຕາລີໄດ້ເອົາໃຈໃສ່ຮັກສາສິ່ງແວດລ້ອມ, ການຊ່ວຍເຫລືອປະຊາຊົນໃນທ້ອງຖິ່ນຮັກສາສິ່ງແວດລ້ອມສ້າງວຽກເຮັດງານທຳໃຫ້ແກ່ປະຊາຊົນໃນຂົງເຂດການລົງທຶນ ເຊິ່ງເປັນການປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມ ໂດຍສະເພາະການສ້າງວຽກເຮັດງານທຳ ແລະ ຫລຸດຜ່ອນຄວາມທຸກຍາກ ຂອງ ສປປ ລາວ.
ສຳລັບການສະເຫນີຂໍຂຶ້ນທະບຽນ ແລະ ລົງທຶນຢູ່ ສປປລາວ ຂອງບໍລິສັດ ລາຍຟັອກສ໌ ໃນດ້ານການຂົນສົ່ງ ປະຈຸບັນທາງກະຊວງກ່ຽວຂ້ອງແມ່ນພວມຄົ້ນຄວ້າພິຈາລະນາ ລາຍລະອຽດຢ່າງໃດນັ້ນແມ່ນໃຫ້ທາງບໍລິສັດຫາລືກັບລັດຖະມົນຕີ ກະຊວງໂຍທາທິການ ແລະ ຂົນສົ່ງຕື່ມ./
ພາບ+ຂ່າວ: ວັນຊະນະ

ວັນທີອອກຂ່າວ: 
23/08/2016
ວັນທີ່ເກີດຂ່າວ: 
15/08/2016
ອັງຄານ, 23 ສິງຫາ, 2016 - ສຸກ, 23 ສິງຫາ, 2019
ເອກະສານຂະໜາດ
_CK71724.jpg350.41 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,203 8,207
THB 228.81 230.53
EUR 8,559 8,602
JPY 68.60 69.97
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 03/01/2017

Counter

  • ຜູ້ເຂົ້າຊົມທັງໝົດ = 21,269,253
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30