an image an image

ຮອງນາຍົກລັດຖະມົນຕີ ຕ້ອນຮັບການເຂົ້າຢ້ຽມຂໍ່ານັບຮອງປະທານທະນາຄານໂລກ

pulpit rock
ໃນວັນທີ 6 ທັນວາ 2017 ທີ່ສຳນັກງານນາຍົກລັດຖະມົນຕີ, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ນາງ ລໍຣ້າ ຕັກ (Laura Tuck) ຮອງປະທານທະນາຄານໂລກ ທັງເປັນຜູ້ຊີ້ນຳດ້ານການພັດທະນາແບບຍືນຍົງ, ມີຫົວໜ້າກົມ, ຫົວໜ້າພະແນກ, ຮອງພະແນກ ແລະ ວິຊາການທີ່ກ່ຽວຂ້ອງເຂົ້າຮ່ວມ.
ການເຂົ້າຢ້ຽມຂ່ຳນັບຂອງທ່ານ ນາງ ລໍຣ້າ ຕັກ (Laura Tuck) ຮອງປະທານທະນາຄານໂລກ ໃນຄັ້ງນີ້, ເພື່ອເປັນການລາຍງານ ແລະ ແລກປ່ຽນຄຳຄິດເຫັນກ່ຽວກັບການເຕີບໂຕເສດຖະກິດມະຫະຫາພາກໃນປີ 2017 ໂດຍລວມເຫັນວ່າມີສະຖຽນນະພາບດີອັດຕາການເຕີບໂຕ 6,8%, ສ່ວນອັດຕາການເຕີບໂຕມີຫລາຍປັດໃຈເຊັ່ນ: ການສົ່ງອອກໄຟຟ້າ, ໂຄງການກໍ່ສ້າງໂຄງລ່າງພື້ນຖານຂະໜາດໃຫ່ຍ, ການສົ່ງອອກ ແລະ ນຳເຂົ້າຜົນຜະລິດກະສິກຳ, ການລົງທຶນທາງພາກລັດ ແລະ ເອກະຊົນ, ຜົນສຳເລັດຂອງການກຳນົດເຂດເສດຖະກິດພິເສດຂອງສປປ ລາວ ຊ່ວຍດຶງດູດການລົງທຶນຈາກຕ່າງປະເທດເພີ່ມອີກຫລາຍກວ່າ 50 ບໍລິສັດ.
ແຕ່ນີ້ຮອດປີ 2030 ລັດຖະບານໄດ້ສຸມໃສ່ການຄຸ້ມຄອງ ແລະ ນຳໃຊ້ຂອງເສດຖະກິດມະຫາພາກຢ່າງເໝາະສົມ, ສ້າງສະພາບແວດລ້ອມທີ່ດີຕໍ່ການຜະລິດ ແລະ ດຳເນີນທຸລະກິດ, ສຸມໃສ່ການຜະລິດທີ່ມີທ່າແຮງບົ່ມຊ້ອນທາງພາກພື້ນ ແລະ ສາກົນ, ພື້ນຖານດ້ານເສດຖະກິດທີ່ມີການພັດທະນາຢ່າງຕໍ່ເນື່ອງ, ທ່າແຮງດ້ານທີ່ຕັ້ງຍຸດທະສາດຂອງປະເທດເປັນໃຈກາງຂອງອານຸພາກພື້ນຖານແມ່ນ້ຳຂອງ ສາມາດເຊື່ອມຕໍ່ທາງບົກໃນພາກພື້ນໃນອາຊຽນ, ທ່າແຮງບົ່ມຊ້ອນທາງດ້ານຊັບພະຍາກອນເຊັ່ນທີ່ດິນ, ທ່າແຮງດ້ານທຳມະຊາດ ການທ່ອງທຽວທາງທຳມະຊາດ, ວັດທະນະທຳ ແລະ ປະຫວັດສາດ. ນອກນັ້ນ, ລັດຖະບານຍັງຈະໄດ້ປະສານສົມທົບກັບທະນາຄານແຫ່ງ ສປປ ລາວ, ຕະຫລາດຫລັກຊັບ ແລະພາກສ່ວນທີ່ກ່ຽວຂ້ອງເພື່ອຄົ້ນຄວ້າກົນໄກ ແລະ ຂັ້ນຕອນການລະດົມທຶນດ້ວຍການຈຳໜ່າຍພັນທະບັດລັດຖະບານໂດຍຜ່ານຕະຫລາດຫລັກຊັບລາວ.
ໂອກາດນີ້, ທ່ານ ສົມດີ ດວງດີ ໄດ້ສະແດງຄວາມຍິນດີ ແລະ ໃຫ້ການຕ້ອນຮັບຢ່າງອົບອຸ່ນຕໍ່ ການເຂົ້າມາຢ້ຽມຂ່ຳນັບຂອງທ່ານ ນາງ ລໍຣ້າ ຕັກ (Laura Tuck) ຮອງປະທານທະນາຄານໂລກ, ພ້ອມດ້ວຍຄະນະ, ຊຶ່ງໃນໄລຍະຜ່ານມາທະນາຄານໂລກໄດ້ໃຫ້ການສະໜັບສະໜູນທຶນຮອນຕ່າງໆ ແລະ ສຳລັບການພັດທະນາເປັນວຽກງານໜຶ່ງທີ່ສຳຄັນທີ່ ຕໍ່ການພັດທະນາເສດຖະກິດ-ສັງຄົມ ແລະ ຕ້ອງການທຶນຈຳນວນຫລາຍ ເພື່ອຫລຸດຜ່ອນການແບກຫາບພາລະໜີ້ສິນຂອງລັດຖະບານ ແມ່ນມີຄວາມຈຳເປັນຈະຕ້ອງໄດ້ລະດົມການລົງທຶນຂອງທຸກພາກສ່ວນ ໂດຍສະເພາະພາກເອກະຊົນຈາກພາຍໃນ ແລະ ຕ່າງປະເທດປະກອບສ່ວນເຂົ້າໃນການພັດທະນາພື້ນຖານໂຄງລ່າງດ້ວຍການລົງທຶນຫລາຍຮູບແບບ ແລະ ອື່ນໆ.

ວັນທີອອກຂ່າວ: 
08/12/2017
ວັນທີ່ເກີດຂ່າວ: 
06/12/2017
ພຸດ, 6 ທັນວາ, 2017
ເອກະສານຂະໜາດ
a714.jpg363.45 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 28,762,914
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30
 
31