an image an image

ຫ້ອງການກະຊວງການເງິນ-ຫ້ອງການກະຊວງແຜນການ ແລະ ການລົງທຶນເຕະບານມິດຕະພາບ

pulpit rock
ໃນວັນທີ 19 ມັງກອນ 2018 ທີ່ເດີ່ນບານເຕະອາໂລຮາ, ນະຄອນຫລວງວຽງຈັນ, ຫ້ອງການກະຊວງການເງິນ ແລະ ຫ້ອງການ ກະຊວງແຜນການ ແລະ ການລົງທຶນ ໄດ້ຈັດກິດຈະກໍາແຂ່ງຂັນກິລາບານເຕະມິດຕະພາບຍິງ-ຊາຍຂຶ້ນ,ໂດຍການເຂົ້າຮ່ວມຂອງທ່ານ ສົມບູນ ອິນທະປັດຖາ ຫົວໜ້າຫ້ອງການກະຊວງການເງິນ ແລະ ທ່ານ ວັນທະນາ ນໍລິນທາ ຮອງຫົວໜ້າຫ້ອງການກະຊວງແຜນການ ແລະ ການລົງທຶນ, ພ້ອມດ້ວຍບັນດານັກກິລາຈາກສອງພາກສ່ວນເຂົ້າຮ່ວມຢ່າງເປັນຂະບວນຟົດຟື້ນ.
ການຈັດກິດຈະກໍາແຂ່ງຂັນກິລາບານເຕະມິດຕະພາບຍິງ-ຊາຍລະຫວ່າງ ຫ້ອງການກະຊວງການເງິນກັບຫ້ອງ ການກະຊວງແຜນການ ແລະ ການລົງທຶນ ໃນຄັ້ງນີ້, ເພື່ອເປັນການຊົມເຊີຍຜົນສໍາເລັດໃນການຖອດຖອນບົດຮຽນຂອງການຈັດກອງປະຊຸມຮ່ວມກັນລະຫວ່າງ 2 ກະຊວງ ໃນຄັ້ງວັນທີ 27 ທັນວາ 2017 ຜ່ານມາ ແລະ ທັງເປັນການຜູກ ແໜ້ນຄວາມສາມັກຄີໃນການເຄື່ອນໄຫວສ້າງຂະບວນການແລກປ່ຽນບົດຮຽນເຊິ່ງກັນ ແລະ ກັນລະຫວ່າງສອງຫ້ອງການກະຊວງໃຫ້ມີຄວາມແໜ້ນແຟ້ນຍິ່ງຂຶ້ນ.
ຕະຫລອດໄລຍະເວລາການແຂ່ງຂັນກິລາມິດຕະພາບໃນຄັ້ງນີ້, ໄດ້ດໍາເນີນໄປຢ່າງເປັນຂະບວນຟົດຟື້ນ ແລະ ເຕັມໄປດ້ວຍນໍ້າໃຈຈິດມິດຕະພາບທີ່ດີຕໍ່ກັນ, ຜ່ານການແຂ່ງຂັນກິລາຜົນປະກົດວ່ານັກກິລາທີມຊາຍຫ້ອງການກະຊວງການເງິນສາມາດເອົາຊະນະນັກກິລາທິມຊາຍຫ້ອງການກະຊວງແຜນການ ແລະ ການລົງທຶນ 4-3 ປະຕູ, ສ່ວນນັກກິລາທີມຍິງຫ້ອງການກະຊວງແຜນການ ແລະ ການລົງທຶນສາມາດໄດ້ເອົາຊະນະນັກກິລາທີມຍິງຫ້ອງການກະຊວງການເງິນ 2-0 ປະຕູ.
ແຫລ່ງຂ່າວແຈ້ງໃຫ້ຮູ້ຕື່ມອີກວ່າ: ໃນຕອນບ່າຍຂອງວັນດຽວກັນທີ່ກະຊວງການເງິນ, ທ່ານ ສົມບູນ ອິນທະປັດຖາ ຫົວໜ້າຫ້ອງການກະຊວງການເງິນຍັງໄດ້ນໍາພາອ້າຍນ້ອງພະນັກງານຈາກບັນດາກົມອ້ອມຂ້າງກະຊວງການເງິນ, ສ້າງຄວາມສາມັກຄີພາຍໃນ ແລະ ຮ່ວມໃຈກັນອອກແຮງງານ, ໂດຍການປັດກວດອານາໄມຕາມຂອບເຂດອ້ອມຂາງກະຊວງການເງິນດ້ວຍຄວາມສະອາດຈົບງາມ, ເພື່ອເປັນການສ້າງຂະບວນການສະເຫລີມສະຫລອງ ວັນສ້າງຕັ້ງກອງທັບ ປະຊາ ຊົນລາວ ຄົບຮອບ 69 ປີ (ວັນທີ 20 ມັງກອນ 1949-20 ມັງກອນ 2018) ຢ່າງເປັນຂະບວນຟົດຟື້ນ.
ພາບ-ຂ່າວ: ນາງ ສອນໄຊ.

ວັນທີອອກຂ່າວ: 
26/01/2018
ວັນທີ່ເກີດຂ່າວ: 
19/01/2018
ສຸກ, 19 ມັງກອນ, 2018 - ອັງຄານ, 19 ມັງກອນ, 2021
ເອກະສານຂະໜາດ
a793.jpg554.15 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,297 8,301
THB 261.52 263.48
EUR 10,241 10,293
JPY 74.40 75.89
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 25/01/2018

Counter

  • ຜູ້ເຂົ້າຊົມທັງໝົດ = 25,604,226
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28