an image an image

ຫາລືກ່ຽວກັບການຈັດຕັ້ງຜັນຂະຫຍາຍການຂຶ້ນບັນຊີເຕົ້າໂຮມຊັບສິນທີ່ສານຕັດສິນຮິບເປັນຂອງລັດ

pulpit rock
ເພື່ອເຮັດໃຫ້ການຈັດຕັ້ງຜັນຂະຫຍາຍ ຄຳສັ່ງແນະນຳຂອງນາຍົກລັດຖະມົນຕີ ສະບັບເລກທີ 07/ນຍ, ລົງວັນທີ 5 ເມສາ 2017 ວ່າດ້ວຍການຂຶ້ນບັນຊີເຕົ້າໂຮມຊັບສິນທີ່ສານຕັດສິນຮິບເປັນຂອງລັດ; ແນໃສ່ຄຸ້ມຄອງຊັບສິນທຸກປະເພດເຊັ່ນ: ທີ່ດິນ, ສິ່ງປຸກສ້າງ, ພາຫະນະ, ເຄື່ອງຈັກ ແລະ ຊັບສິນອື່ນໆ...ລວມທັງຊັບສິນທີ່ຖືກຍືດ ຫລື ອາຍັດຂອງເຈົ້າຫນ້າທີ່ທີ່ກຳລັງດຳເນີນຄະດີໃຫ້ມາຂຶ້ນບັນຊີ, ຂຶ້ນທະບຽນໄດ້ຢ່າງຄົບຖ້ວນລວມສູນ ແລະ ມີການຈັດຕັ້ງປະຕິບັດໃຫ້ເປັນເອກະພາບໃນຂອບເຂດທົ່ວປະເທດ.
ໃນວັນທີ 7 ສິງຫາ 1017, ທີ່ກະຊວງການເງິນ ຈຶ່ງໄດ້ຈັດກອງປະຊຸມປຶກສາຫາລືກ່ຽວກັບການຈັດຕັ້ງຜັນຂະຫຍາຍການຂຶ້ນບັນຊີເຕົ້າໂຮມຊັບສິນທີ່ສານຕັດສິນຮິບເປັນຂອງລັດ ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ, ຮອງລັດຖະມົນຕີກະຊວງການເງິນ, ທ່ານ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີບັນດາຄະນະຮັບຜິດຊອບທີ່ຖືກແຕ່ງຕັ້ງເຂົ້າຮ່ວມ.
ທ່ານ ສີແພງ ພົນອາມາດ ຮອງຫົວໜ້າກົມຄຸ້ມຄອງຊັບສິນຂອງລັດ, ທັງເປັນຫົວໜ້າຄະນະຮັບຜິດຊອບວຽກງານດັ່ງກ່າວໄດ້ຂຶ້ນລາຍງານຄວາມເປັນມາຂອງການສ້າງຄຳແນະນຳດັ່ງກ່າວ ແລະ ລາຍງານບາງບັນຫາສຳຄັນໂດຍຫຍໍ້ຕໍ່ກອງປະຊຸມວ່າ: ມາຮອດປະຈຸບັນກົມຄຸ້ມຄອງຊັບສິນຂອງລັດ ແລະ ຄະນະທີ່ຖືກແຕ່ງຕັ້ງໄດ້ສຳເລັດການສ້າງຮ່າງຄຳແນະນຳຂອງລັດຖະມົນຕີກະຊວງການເງິນກ່ຽວກັບການຈັດຕັ້ງປະຕິບັດຄຳສັ່ງແນະນຳດັ່ງກ່າວ, ສ່ວນຂໍ້ມູນການສະ ຫລຸບສັງລວມ ສຳນວນຄະດີທີ່ສານຕັດສິນ ຮິບຊັບສິນເປັນຂອງລັດໃນໄລຍະຜ່ານມາຂອງຂະແຫນງການເງິນທີ່ກ່ຽວຂ້ອງແມ່ນຍັງບໍ່ທັນໄດ້ຮັບເທື່ອ, ພຽງແຕ່ໄດ້ຮັບຂໍ້ມູນສານຕັດສິນໃໝ່ໃນນັ້ນ ມີດິນ 9 ຕອນ (ຕິດພັນຄະດີຢາເສບຕິດ 7 ຕອນ, ບໍ່ຕິດພັບກັບຢາເສບຕິດ 2 ຕອນ) ໂດຍໄດ້ຮັບເງິນທີ່ກອງທຶນສະກັດກັ້ນ ແລະ ປາບປາມຢາເສບຕິດພູດ 30% ເຂົ້າງົບປະມານແລ້ວຈຳນວນ 1,72 ຕື້ກີບ.
ການຈັດກອງປະຊຸມຄັ້ງນີ້ກໍແມ່ນເພື່ອ ພ້ອມກັນຫາລືກ່ຽວກັບການ ເຄື່ອນໄຫວວຽກງານການຂຶ້ນບັນຊີເຕົ້າໂຮມຊັບສິນທີ່ສານຕັດສິນຮິບເປັນຂອງລັດຕົວຈິງ ຊຶ່ງຕາມທັດສະນະຂອງກົມຄຸ້ມຄອງຊັບສິນຂອງລັດໄດ້ສະເຫນີສອງວິທີ ຄື: ໃຫ້ຂະແຫນງການກ່ຽວຂ້ອງ ດຳເນີນການຕາມຂັ້ນຕອນ ຫລື ໃຫ້ຄະນະທີ່ຖືກແຕ່ງຕັ້ງ ລົງສົມທົບກັບຫ້ອງການຈັດຕັ້ງປະຕິບັດຄະຕັດສິນຂອງສານ ພ້ອມກັນກວດກາເກັບກຳຂໍ້ມູນ ສຳນວນຄະດີລະອຽດ.
ໂອກາດນີ້ທ່ານ ບຸນໂຈມ ອຸບົນປະເສີດ, ໄດ້ມີຄຳເຫັນບາງຕອນສຳຄັນວ່າກອງປະຊຸມດັ່ງກ່າວແມ່ນມີຄວາມຫມາຍສຳຄັນທີ່ສຸດກ໋ຽວກັບການ ຂຶ້ນບັນຊີໂຮມຊັບສິນຂອງລັດ ໃຫ້ສາມາດເກັບກຳໄດ້ຢ່າງລະອຽດຄົບຖ້ວນ ຊຶ່ງການແລກປ່ຽນຄຳເຫັນກັບບັນດາພາກສ່ວນກ່ຽວຂ້ອງ ລວມທັງຄຳແນະນຳດັ່ງກ່າວຈະສາມາດເປັນບ່ອນອີງທີ່ດີໃຫ້ແກ່ຄະນະທີ່ຖືກແຕ່ງຕັ້ງ ກໍຄື ເຈົ້າຫນ້າທີ່ທີ ເຮັດວຽກຕົວຈິງໃຫ້ມີຄວາມເປັນເອກະພາບໃນຂອບເຂດທົວປະເທດ.

ວັນທີອອກຂ່າວ: 
10/11/2017
ວັນທີ່ເກີດຂ່າວ: 
07/11/2017
ອັງຄານ, 7 ພະຈິກ, 2017 - ເສົາ, 7 ພະຈິກ, 2020
ເອກະສານຂະໜາດ
a673.jpg309.2 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,318 8,322
THB 251.03 252.92
EUR 9,665 9,714
JPY 71.77 73.21
VND 0.3633   0.3672
ລາຍງານໂດຍ ທະນາຄານແຫ່ງ ສປປລາວ
ວັນທີ 14/11/2017

Counter

  • ຜູ້ເຂົ້າຊົມທັງໝົດ = 24,405,536
  • ເລີ້ມຕັ້ງແຕ່ = 20/03/2009

ປະຕິທິນ

 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30