an image an image

ຫລວງນ້ຳທາເປີດນຳໃຊ້ສາງພັກ-ຄ່ຽນຖ່າຍສິນຄ້າດ່ານປາງໄຮ

pulpit rock
ໃນວັນທີ 13 ມີນາ 2017 ທີ່ດ່ານປາງໄຮເມືອງສິງ ແຂວງຫລວງນ້ຳທາ, ບໍລິສັດຮ່ວມໃຈພັດທະນາຄົບວົງຈອນ ຈຳກັດຜູ້ດຽວ ໄດ້ຈັດພິທີເປີດນຳໃຊ້ໂຄງການສາງພັກ-ຄ່ຽນຖ່າຍສິນຄ້າຊາຍແດນດ່ານປາງໄຮເມືອງສິງ, ໂດຍການເຂົ້າຮ່ວມຂອງທ່ານ ຄຳໄຫລ ສີປະເສີດ ຫົວໜ້າພະແນກກະສິກຳ ແລະ ປ່າໄມ້ແຂວງ, ທ່ານ ຄຳຜາຍ ເສົາຈັນຖາ ເຈົ້າເມືອງໆສິງ, ທ່ານ ຕົ່ງລີ ເຢຍເຊັ່ງ ອຳນວຍການບໍລິສັດຮ່ວມໃຈພັດທະນາຄົບວົງຈອນ ຈຳກັດຜູ້ດຽວ, ມີພາກສ່ວນທີ່ກ່ຽວຂ້ອງ ແລະ ພະນັກງານວິຊາການ ເຂົ້າຮ່ວມ.
ທ່ານ ອາລຸນ ແສນມະນີກຸນ ຮອງອຳນວຍການບໍລິສັດຮ່ວມໃຈພັດທະນາຄົບວົງຈອນ ຈຳກັດຜູ້ດຽວ ໄດ້ລາຍງານຫຍໍ້ກ່ຽວກັບການກໍ່ສ້າງໂຄງການສ້າງສາງພັກ-ຄ່ຽນຖ່າຍສິນຄ້າຊາຍແດນດ່ານປາງໄຮເມືອງສິງແຂວງຫລວງນ້ຳທາ ແມ່ນຕັ້ງຢູ່ຊາຍແດນລາວ-ຈີນ, ເສັ້ນທາງເລກທີ 17 ເຂົ້າສູ່ສປຈີນ ຫ່າງຈາກຕົວເມືອງສິງ 12 Km ແລະ ຈາກເທສະບານແຂວງ 72 ກິໂລແມັດ, ສໍາລັບການກໍ່ສ້າງສາງຄ່ຽນຖ່າຍສິນຄ້າໄດ້ເລີ່ມລົງມືກໍ່ສ້າງມາແຕ່ປີ 2004 , ມີເນື້ອທີ່ສຳປະທານທັງໝົດ 6.51 ເຮັກຕາ, ປັດຈຸບັນໄດ້ ສຳເລັດໄປແລ້ວໃນເນື້ອທີ່ 3.15 ເຮັກຕາ, ມີຂະໜາດ 105 ແມັດ x 300 ແມັດ, ການລົງທຶນແມ່ນເປັນການລົງທຶນຂອງເອກະຊົນພາຍໃນ 100%, ມີມູນຄ່າການລົງທຶນທັງໝົດ 28 ຕື້ກີບ, ມີທຶນຈົດທະບຽນ 8 ຕື້ 8 ຮ້ອຍລ້ານກີບ, ມີອາຍຸສຳປະທານ 30 ປີ ແລະ ເມື່ອໝົດສັນຍາສາມາດຕໍ່ສັນຍາໄດ້ 2 ຄັ້ງຕາມການຕົກລົງເຫັນດີຂອງສອງຝ່າຍ, ເຊິ່ງຜ່ານໄລຍະການກໍ່ສ້າງນັບແຕ່ມື້ສັນຍາສຳປະທານມາຮອດປັດຈຸບັນບໍລິສັດໃຊ້ເວລາໃນການກໍ່ສ້າງ 12 ເດືອນ, ໃນເບື້ອງຕົ້ນໄດ້ບຸກເບີກກໍ່ສ້າງປັບເດີ່ນ, ອັດແໜ້ນ ແລະ ສ້າງສາງ 1 ຫລັງ, ຄິດເປັນມູນຄ່າ 2 ຕື້ 534 ລ້ານກ່ວາກີບ, ໄລຍະທີ່ 2 ໄດ້ມີການກໍ່ສ້າງບັນດາໜ້າວຽກເຊັ່ນ: ກໍ່ສ້າງຫ້ອງການ 1 ຫລັງ, ສາງຄ່ຽນຖ່າຍສິນຄ້າໃນຮົ່ມ 1 ຫລັງ, ຈົກພູ, ຖົມເດີ່ນ, ປັບເດີ່ນ , ແລະໃສ່ຫີນ-ແຮ່ອັດແໜ້ນມີມູນຄ່າ 2 ຕື້ 700 ລ້ານກີບ, ລວມມູນຄ່າການກໍ່ສ້າງໃນສອງໄລຍະມີມູນຄ່າ 5 ຕື້ 234 ລ້ານກ່ວາກີບ ຄຽງຄູ່ກັບການກໍ່ສ້າງສາງພັກ - ຄ່ຽນຖ່າຍສິນຄ້າສຳເລັດເປີດການນຳໃຊ້ແລ້ວ ທາງໂຄງການຍັງຈະໄດ້ສືບຕໍ່ປະຕິບັນດບັນດາໜ້າວຽກອື່ນໆທີ່ຍັງບໍ່ທັນສຳເລັດຕື່ມອີກ.
ທ່ານ ອາລຸນ ແສນມະນີກຸນ ຮອງອຳນວຍການບໍລິສັດຮ່ວມໃຈພັດທະນາ ຄົບວົງຈອນ ຈຳກັດຜູ້ດຽວ ກ່າວຕື່ມວ່າ: ການສ້າງສາງຄ່ຽນຖ່າຍສິນຄ້າໃນຄັ້ງແມ່ນໄດ້ສ້າງສິງອຳນວຍຄວາມສະດວກໃນການບໍລິການຢູ່ດ່ານໃຫ້ມີຄວາມສະດວກ ແລະ ວອງໄວເປັນຕົ້ນແມ່ນການບໍລິການສະໜາມຈອດລົດ, ສາງຄ່ຽນຖ່າຍສີນຄ້າ, ປ້ຳນ້ຳມັນ, ເຮືອນພັກ, ໂຮງແຮມ ແລະ ອື່ນໆ…ພາຍຫຼັງເປີດການນຳໃຊ້ຢ່າງເປັນທາງການແລ້ວທາງບໍລິສັດຈະໄດ້ນຳໃຊ້ໃບບິນເກັບເງີນຂອງສ່ວຍສາອາກອນ ແລະ ປະຕິບັດພັນທະໃຫ້ລັດຕາມລະບຽບກົດໝາຍການຂອງການລົງທຶນ.
ຂ່າວ: ມຸນຕີ

ວັນທີອອກຂ່າວ: 
17/03/2017
ວັນທີ່ເກີດຂ່າວ: 
13/03/2017
ສຸກ, 17 ມີນາ, 2017
ເອກະສານຂະໜາດ
234.jpg164.42 KB
456.jpg128.48 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,881,283
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30