an image an image

ສ່ວຍສາອາກອນຊຽງຂວາງ ເກັບລາຍຮັບເກີນແຜນການປີ

pulpit rock
ທ່ານ ຄໍາມຸ່ຍ ວົງຄະໄຊຍ໌ ຫົວໜ້າພະແນກສ່ວຍສາອາກອນ ແຂວງຊຽງຂວາງ ໃຫ້ສຳພາດວ່າ: ພະແນກສ່ວຍສາອາກອນແຂວງຊຽງຂວາງມີພະນັກງານທັງໝົດ 79 ຄົນ, ຍິງ 22 ຄົນ, ໃນນັ້ນຢູ່ຂັ້ນແຂວງມີ 27 ຄົນ, ຂັ້ນເມືອງ 52 ຄົນ ແລະ ມີບັນດາຫົວໜ່ວຍວິສາຫະກິດທັງໝົດ 4.492 ຫົວໜ່ວຍ, ແຂວງຄຸ້ມຄອງ 167 ຫົວໜ່ວຍ, ເມືອງຄຸ້ມຄອງ 4.325 ຫົວໜ່ວຍ, ບັນດາຫົວໜ່ວຍທຸລະກິດດັ່ງກ່າວສ່ວນຫລາຍເປັນການມອບເໝົາ ຫລື ຕາມສັນຍາ.
ໃນໄລຍະ 3 ເດືອນທ້າຍປີ 2017 ຜ່ານມາພະແນກສ່ວຍສາອາກອນ ໄດ້ມີມາດຕະການໃນການຈັດເກັບລາຍຮັບເຂົ້າງົບປະມານຢ່າງເຂັ້ມງວດ, ໂດຍການລົງຊຸກຍູ້ບັນດາຫົວໜ່ວຍວິສາຫະກິດໃຫ້ມີຄວາມຕື່ນຕົວໃນການມອບອາ ກອນທັນຕາມກໍານົດເວລາ (ບໍ່ໃຫ້ຄ້າງມອບໃນປີ, ເລັ່ງທວງໜີ້ສິນທີ່ຍັງບໍ່ມອບໃຫ້ທັນຕາມກໍານົດເວລາ ແລະ ບັນດາຂະແໜງການທີ່ມີລາຍຮັບໄດ້ເອົາໃຈໃສ່ເກັບລາຍຮັບຈາກຄ່າທໍານຽມ ແລະ ຄ່າບໍລິການໃຫ້ບັນລຸຕາມແຜນທີ່ກໍານົດໄວ້ ອັນໄດ້ເຮັດໃຫ້ລາຍຮັບໝົດປີ 2017 ປະຕິບັດໄດ້ລື່ນແຜນ 4,72% ຄິດເປັນເງິນປະມານ 5 ຕື້ກວ່າກີບ.
ທ່ານ ຄໍາມຸ່ຍ ວົງຄະໄຊຍ໌ ໃຫ້ຮູ້ອີກວ່າ: ປີ 2017 ພະແນກສ່ວຍສາອາກອນແຂວງຊຽງຂວາງໄດ້ຮັບຕົວເລກມອບໝາຍຈາກຂັ້ນເທິງຈໍານວນທັງໝົດ 114 ຕື້ກວ່າກີບ ຜ່ານການຈັດຕັ້ງປະຕິບັດຕົວຈິງສາມາດເກັບໄດ້ທັງໝົດ 119 ຕື້ກວ່າກີບ ທຽບໃສແຜນການປີເທົ່າກັບ 104,72%. ແນວໃດກໍຕາມເຖິງແມ່ນວ່າການເກັບລື່ນແຜນກໍ່ຕາມ ແຕ່ຍັງມີລາຍຮັບຈໍານວນໜຶ່ງທີ່ເກັບບໍ່ໄດ້ໝົດ, ບໍ່ທັນໄດ້ເປັນຕົ້ນແມ່ນລາຍຮັບຈາກທີ່ດີນ 5.5 ຕື້ ປະຕິບັດໄດ້ພຽງ 3.5 ຕື້ຍ້ອນການເກັບພາສີທີ່ດິນແຕ່ລະເມືອງກໍ່ມີຄວາມແຕກຕ່າງກັນ, ທີ່ດິນບໍ່ໄດ້ວັດແທກ, ສໍາມະໂນພາສີທີ່ດິນບໍ່ຈະແຈ້ງ, ບໍ່ມີ, ການປະຕິບັດແຜນລາຍຮັບໃນປີນີ້ບັນດາເມືອງທຸກເມືອງແມ່ນບໍ່ໄດ້ແຜນ, ການເກັບອາກອນຈາກຄ່າເຊົ່າອະສັງຫາລິມາຊັບຍັງເກັບບໍ່ໄດ້ໝົດ, ອາກອນລາຍໄດ້ຈາກແຮງງານການກໍ່ສ້າງຕ່າງໆກໍ່ຍັງບໍ່ທັນໄດ້ດີ, ຫົວໜ່ວຍຫ້າງຮ້ານມອບເໝົາບໍ່ມາແຈ້ງເສຍ, ບັນຫາໜີ້ສິນເລັ່ງທວງບໍ່ໄດ້ກາຍເປັນໜີ້ສິນທວງຍາກ, ຄຸມເຄືອມາຫລາຍປີບໍ່ສາມາດແກ້ໄຂໄດ້ສາເຫດກໍ່ເກີດມາຈາກຫລາຍບັນຫາບໍລິສັດ ໂກເອໂກ 3.9 ຕື້ກີບ, ບັນດາພະແນກການກົມກອງຍັງບໍ່ທັນຍົກສູງຄວາມເປັນເຈົ້າການຕໍ່ການເກັບ ແລະ ການມອບເຂົ້າງົບປະມານຢ່າງຖືກຕ້ອງ, ພ້ອມດຽວກັນນັ້ນການໃຊ້ໃບເກັບເງິນຍັງໃຊ້ໃບເກັບເງິນພິມຂອງຕົນເອງ ແລະ ອື່ນໆ.
ພາບ-ຂ່າວ: ສອນໄຊ.

ວັນທີອອກຂ່າວ: 
16/02/2018
ວັນທີ່ເກີດຂ່າວ: 
16/02/2018
ສຸກ, 16 ກຸມພາ, 2018 - ອັງຄານ, 16 ກຸມພາ, 2021
ເອກະສານຂະໜາດ
a812.jpg211.51 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 28,102,035
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30