an image an image

ສົກ 2015-2016 ເມືອງຈັນທະບູລີ ເກັບລາຍຮັບເຂົ້າງົບປະມານ 60 ຕື້ກວ່າກີບ

pulpit rock
ຈັນທະບູລີເມືອງທີ່ມີທ່າແຮງດ້ານເສດຖະກິດ, ປະກອບມີ 30 ບ້ານ 13.011 ຄອບຄົວ 12.213 ຫລັງຄາເຮືອນ ມີພົນລະເມືອງມທັງໝົດ 66.845 ຄົນ, ໃນສົກປີຜ່ານມາ 2015-2016 ສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 60 ຕື້ກວ່າກີບ, ຖ້າທຽບໃສ່ສົກຜ່ານມາປະຕິບັດໄດ້ລື່ນຄາດໝາຍຄິດສະເລ່ຍເປັນເງິນ 3,5 ຕື້ກີບ ເທົ່າກັບ 6,37%, ພ້ອມທັງສາມາດແກ້ໄຂບັນຫາໜີ້ສິນໄດ້ນຳອີກ.
ທ່ານ ນາງ ໄຊສົມບັດ ວົງພັກດີ ຫົວໜ້າການ-ການເງິນເມືອງຈັນທະບູລີ ໄດ້ລາຍງານຕໍ່ກອງປະຊຸມສະຫລຸບການຈັດຕັ້ງແຜນງົບປະມານຫ້ອງການ-ການເງິນເມືອງຈັນທະບູລີ 2015-2016 ແລະ ທິດທາງແຜນການປີ 2017 ທີ່ຈັດຂຶ້ນໃນວັນທີ 24 ພຶດສະພາ 2017 ໃຫ້ຮູ້ວ່າ: ຫ້ອງການເມືອງຈັນທະບູລີມີພະນັກງານທັງໝົດ 95 ຄົນ, ຍິງ 41 ຄົນ, ປະກອບມີ 5 ໜ່ວຍງານ,ດ້ານວິຊາສະເພາະຫ້ອງການ-ການເງິນເມືອງໄດ້ຈັດຕັ້ງປະຕິບັດສຸມໃສ່ການຄຸ້ມຄອງ, ຊຸກຍູ້, ກວດການຕິດຕາມການປະຕິບັດແຜນງົບປະມານແຫ່ງລັດ, ຕິດຕາມເປົ້າການຈັດເກັບລາຍຮັບເຂົ້າງົບປະມານໃຫ້ໄດ້ຕາມແຜນການ ແລະ ໃຫ້ໄດ້ລື່ນແຜນ ການເຮັດໃຫ້ລາບຮັບເພີ່ມຂຶ້ນແຕ່ລະປີ.
ຜ່ານການເຄື່ອນໄຫວຈັດເກັບລາຍຮັບໃນສົກງົບປະມານ 2015-2016 ທີ່ພະແນກການເງິນນະ ຄອນຫລວງວຽງຈັນມອບແຜນການໃຫ້ຫ້ອງການ-ການເງິນເມືອງຈັນທະບູລີຈັດເກັບລາຍຮັບເຂົ້າງົບປະມານທັງໝົດ 69,4 ຕື້ກວ່າກີບ, ຜ່ານການເຄື່ອນໄຫວຈັດຕັ້ງປະຕິບັດວຽກງານຕົວຈິງເຫັນໄດ້ມີທັງອັນພົ້ນເດັ່ນໃນການປະຕິບັດຈັດເກັບລາຍຮັບຂອງຫ້ອງການ-ການເງິນເມືອງຈັນທະບູລີໄດ້ທັງໝົດ 60 ຕື້ກວ່າກີບ, ທຽບໃສ່ແຜນການປີປະຕິບັດເທົ່າກັບ 86,4% ໃນນັ້ນ, ລາຍຮັບຈາກໜ່ວຍງານສ່ວຍສາອາກອນ 53,3 ຕື້ກວ່າກີບ, ລາຍຮັບຈາກໜ່ວຍງານຊັບສິນຂອງລັດ 667 ລ້ານກວ່າກີບ, ສ່ວນແຜນລາຍຈ່າຍງົບປະມານປະຕິບັດໄດ້ 22,1 ຕື້ກວ່າກີບ.
ສ່ວນການຈັດຕັ້ງປະຕິບັດເກັບລາຍຮັບເຂົ້າງົບປະມານ 3 ເດືອນຂ້າມຜ່ານທ້າຍປີ 2016 ຫ້ອງ ການ-ການເງິນເມືອງຈັນທະບູລີປະຕິບັດໄດ້ 10 ຕື້ກວ່າກີບ, ຖ້າທຽບໃສ່ແຜນການຕົວເລກທີ່ພະແນກການເງິນມອບໃຫ້ເຫັນວ່າຫລຸດເປົ້າໝາຍຕາມແຜນການ ທັງນີ້, ກໍ່ຍ້ອນວ່ານັກທຸລະກິດ, ຊາວຄ້າຂາຍຈຳນວນໜຶ່ງຍັງມີການເຊື່ອງອຳລາຍຮັບ, ລົບຫລີກການມອບພັນທະ, ບໍ່ປະຕິບັດສິດໃນການເສຍພາສີ-ອາກອນເຂົ້າງົບປະມານ.
ເຖິງຢ່າງໃດກໍຕາມເຖິງວ່າຫ້ອງການ-ການເງິນເມືອງຈັນທະບູລີ ບໍ່ສາມາດປະຕິບັດລາຍຮັບໄດ້ຕາມແຜນ ການປີ, ແຕ່ຖ້າທຽບໃສ່ສົກງົບປະມານ 2014-2015 ສາມາດລື່ນແຜນ, ຖ້າຄິດເປັນເງິນໄດ້ທັງໝົດ 3,5 ຕື້ກວ່າກີບ, ຄຽງຄູ່ກັນນີ້ຍັງສາມາດແກ້ໄຂບັນຫາໜີ້ສິນໃຫ້ຫລຸດລົງເທື່ອລະກ້າວ ທັງນີ້, ກໍ່ຍ້ອນການຊີ້ນຳຢ່າງກິດຊິດຕິດແທບຈາກຄະນະພັກ,ອຳນາດການປົກຄອງ, ພະແນກສ່ວຍສາອາກອນ ແລະ ພາກສ່ວນກ່ຽວຂ້ອງອື່ນໆ.
ກອງປະຊຸມດັ່ງກ່າວຍັງໄດ້ມອບໃບຍ້ອງຍໍໃຫ້ແກ່ກົມກອງລວມໝູ່ ແລະບຸກຄົນໃນການມອບພັນທະເຂົ້າງົບປະມານໄດ້ທັນຕາມກຳນົດເວລາຈຳນວນ 65 ທ່ານ ແລະ ອົງການປົກຄອງບ້ານ 6 ບ້ານ, ມອບໃບຊົມເຊີຍໃຫ້ແກ່ກົມກອງລວມໝູ່ ແລະ ບຸກຄົນໃນການມອບພັນທະເຂົ້າງົບປະມານໄດ້ທັນຕາມກຳນົດເວລາຈຳນວນ 51 ທ່ານ ແລະ ອົງການປົກຄອງບ້ານ 11 ບ້ານ, ເປັນກຽດເຂົ້າໃນກອງປະຊຸມ ແລະ ມອບໃບຍ້ອງຍໍໃນຄັ້ງນີ້ແມ່ນທ່ານ ເພັດສະໄໝ ນັດຜາສຸກ ຮອງເຈົ້າເມືອງຈັນທະບູລີ, ມີຫົວໜ້າຫ້ອງການ-ການເງິນເມືອງຈັນທະບູລີ, ບັນດາຫົວໜ່ວຍທຸລະກິດ ແລະ ພາກສ່ວນກ່ຽວຂ້ອງເຂົ້າຮ່ວມ.
ຂ່າວ-ພາບ: ບຸນທຽມ

ວັນທີອອກຂ່າວ: 
02/06/2017
ວັນທີ່ເກີດຂ່າວ: 
24/05/2017
ສຸກ, 2 ມິຖຸນາ, 2017 - ອັງຄານ, 2 ມິຖຸນາ, 2020
ເອກະສານຂະໜາດ
a401.jpg557.9 KB
a402.jpg544.51 KB

ຜູ້ໃຊ້ ເຂົ້າໃຊ້ລະບົບ

ອັດຕາແລກປ່ຽນ

ສະກຸນເງິນ
ຊື້
ຂາຍ
USD 8,308 8,313
THB 265.16 267.15
EUR 10,197 10,248
JPY 76.69/span> 78.22
VND 0.3638   0.3711
ລາຍງານໂດຍ ທະນາຄານແຫ່ງ ສປປລາວ
ວັນທີ 02/04/2018

Counter

  • ຜູ້ເຂົ້າຊົມທັງໝົດ = 26,856,133
  • ເລີ້ມຕັ້ງແຕ່ = 20/03/2009

ປະຕິທິນ

 
 
 
 
 
 
1
 
2
 
3
 
4
 
5
 
6
 
7
 
8
 
9
 
10
 
11
 
12
 
13
 
14
 
15
 
16
 
17
 
18
 
19
 
20
 
21
 
22
 
23
 
24
 
25
 
26
 
27
 
28
 
29
 
30